Civil.ge-ს შესახებ
Eng | ქარ | Рус
ბოლო განახლება: 15:20 - 18 იან.'18
RSS
Mobile
Twitter
Facebook
პრემიერი-მინისტრი ღარიბაშვილი „რუსთავი 2“-ის საქმეზე
Civil Georgia, Tbilisi / 10 მაი.'14 / 14:39

პრემიერ–მინისტრმა ირაკლი ღარიბაშვილმა „რუსთავი 2"–ის "ე.წ. სკანდალს“ დადგმული სპეკტაკლი უწოდა და განაცხადა, რომ ეს არის ნაციონალურ მოძრაობასთან ერთად „კარგად მოფიქრებული პროვოკაცია ჩვენი ხელისუფლების წინააღმდეგ“.

„სამწუხარო რეალობაა ის, რომ „რუსთავი 2“–ის ხელმძღვანელობა ჩართულია ნაციონალური მოძრაობის კამპანიაში, ვინაიდან მე ვიცი, რომ „რუსთავი 2“–ში ძალიან ბევრი პროფესიონალი ჟურნალისტი მუშაობს...  ძალიან სამწუხაროა, როცა მათ უნარებს და შესაძლებლობებს იყენებენ ძალიან ცუდად სხვადასხვა პოლიტიკური პარტიები და ამ შემთხვევაში მე ვგულისხმობ ნაციონალურ მოძრაობას“, – განაცხადა ღარიბაშვილმა პარასკევს საღამოს ტელეკომპანია „იმედის“ გადაცემა „რეაქციაში“ სტუმრობისას.

6 მაისს „რუსთავი 2“-მა განაცხადა, რომ მას შსს-იდან წყარომ მიაწოდა ტელეკომპანიის ხელმძღვანელის ნიკა გვარამიას და მისი მოადგილის ნინო შუბლაძის კაბინეტებში ფარული თვალთვალის ჩანაწერები, რომლის უკანაც შეიძლება დღევანდელი ხელისუფლება დგას. პროკურატურამ, რომელმაც გამოძიება იმავე დღეს დაიწყო, 9 მაისს გამოძიების შუალედური შედეგები გამოაქვეყნა და მიანიშნა, რომ სათვალთვალო მოწყობილობა, რომელიც ვერ იქნა ტელეკომპანიის შენობაში აღმოჩენილი, შესაძლოა წინა ხელისუფლების დროს ყოფილიყო დამონტაჟებული. იმავე დღეს, „რუსთავი 2“-ის გენერალურმა დირექტორმა ნიკა გვარამიამ უარყო ეს ვერსია და ამჟამინდელი ხელისუფლება ტელეკომპანიაში თავისი შიდა „აგენტების“ მეშვეობით ფარული კამერების დამონტაჟებაში დაადანაშაულა.

პრემიერ-მინისტრმა ირაკლი ღარიბაშვილმა განაცხადა, რომ მისი ინფორმაციით, „ჩვენი ხელისუფლება არავითარ კავშირში არ არის ამ დაგეგმილ სპექტაკლთან“.

„ჩვენ დღეს მოვისმინეთ პირდაპირი ბრალდებები „რუსთავი 2“-ის ხელმძღვანელების მხრიდან, ბატონი გვარამიას მხრიდან, რომ ამ ე.წ. სკანდალი უკან დგას თურმე დღევანდელი ხელისუფლება. კონკრეტულად მე მადანაშაულებენ“, - განაცხადა ღარიბაშვილმა, „ის ადამიანები, რომლებიც დღეს ამტკიცებენ ე.წ. „სიმართლეს“, ასეთივე პროფესიონალიზმით ამტკიცებდნენ იმ სიცრუეს, რომელსაც უკეთებდნენ ტირაჟირებას ბოლო 9 წლის განმავლობაში. ეს არის ძალიან მარტივი გასაგები და მარტივი ასახსნელი. ჩემი აზრით, ეს არის ძალიან კარგად მოფიქრებული პროვოკაცია დაგეგმილი ჩვენი ხელისულების წინააღმდეგ“.

პარასკევს „რუსთავი 2“-ის გენერალურმა დირექტორმა ნიკა გვარამიამ ასევე განაცხადა, რომ ხელისუფლებას „ჯოჯოხეთს მოუწყობს“ და „თქვენი საკუთარი მაღალჩინოსნები რომ გყავთ ჩაწერილი და რომ უსმენთ, აი ამას მოგასმენინებთ“.     

პრემიერ-მინისტრმა ღარიბაშვილმა განაცხადა, რომ გვარამია „ერთი ერთში ატარებს ნაციონალური მოძრაობის კურსს“ და შეახსენა, რომ არსებობს „დადასტურებული ინფორმაცია“, რომ ყოფილი ხელისუფლების წარმომადგენლებს კვლავ გააჩნიათ სპეციალური მოსასმენი აპარატურა.

„ნაციონალური მოძრაობა არის ის საზოგადოება, რომლებიც არიან აბსოლუტურად გაწაფულები ათასგვარი ფაბრიკაციებით, ე.წ. მოდელირებული ქრონიკებით და მოდელირებული თვალთვალის თუ მიყურადების სცენარების გაშუქებით და ამის ორგანიზებით, ამიტომ მე არაფერი არ მიკვირს ამ ადამიანებისგან“, - განაცხადა ღარიბაშვილმა და დასძინა: „ჩვენ ამას ვუყურებთ აბსოლუტურად სიმშვიდით და ღიმილით“.

მან ასევე ისაუბრა უკონტროლო მოსმენების წინააღმდეგ მიმართულ სამოქალაქო კამპანიაზე „ეს შენ გეხება“, რომელიც ცოტა ხნის წინ გააკრიტიკა ქვეყნისთვის „ძირგამომთხრელი საქმიანობის“ გამო და საპასუხოდ მასში ჩართული ორგანიზაციების ასევე მწვავე კრიტიკა მიიღო.

„ვაღიარებ, რომ შეიძლება მართლაც მძიმე სიტყვები ვიხმარე, მაგრამ მე კარგად განვმარტე, მე მათ არ ვუწოდე ძირგამომთხრელები, როგორც ისინი ამბობენ. მე ვთქვი, რომ მსგავსი კამპანია იმიჯს ულახავს ქვეყანას და აზიანებს, მითუმეტეს მაშინ, როცა ხელისუფლებას აქვს მტკიცე პოლიტიკური ნება და სურვილი, რომ ერთხელ და სამუდამოდ მოაწესრიგოს ეს რეგულაციები და სისტემა შექმნას ისეთი, რომლის პირობებში ვერავინ ვეღარ შეძლებს უკანონო მოსმენებს“, - განაცხადა ღარიბაშვილმა, რომელმაც ტონის შერბილებასთან ერთად ასევე ხაზი გაუსვა, რომ სამოქალაქო კამპანიაში ჩართულ ორგანიზაციებს „პატივს სცემს“.

უახლესი ამბები
18 იან.'18 15:20
მედიაორგანიზაციები პარლამენტს „მაუწყებლობის შესახებ“ კანონზე პრეზიდენტის შენიშვნების გაზიარებისკენ მოუწოდებენ
51 მედიაორგანიზაცია, კანონპროექტის ხელახლა განხილვამდე, პარლამენტის თავმჯდომარესთან და უმრავლესობასთან შეხვედრას ითხოვს. 
18 იან.'18 13:51
პოლიტიკური რეიტინგები NDI–ის დაკვეთით ჩატარებულ კვლევაში
ქართული ოცნება თვითმმართველობის არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.  
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
78