Civil.ge-ს შესახებ
Eng | ქარ | Рус
ბოლო განახლება: 14:10 - 17 თებ.'18
RSS
Mobile
Twitter
Facebook
საქართველოს და უკრაინის საგარეო საქმეთა მინისტრებს შორის სატელეფონო საუბარი შედგა
Civil Georgia, Tbilisi / 3 მარ.'14 / 12:00

საქართველოს საგარეო საქმეთა მინისტრი მაია ფანჯიკიძე 2 მარტს ტელეფონით ესაუბრა თავის უკრაინელ კოლეგას ანდრი დეშჩიცას, მხარდაჭერა გამოუცხადა კიევს და „კიდევ ერთხელ დაგმო სუვერენული, დამოუკიდებელი უკრაინის მიმართ რუსეთის აგრესიის ფაქტი“.

მხარეებმა აუცილებლად მიიჩნიეს, რომ „ევროკავშირმა მოლდოვას, საქართველოსა და უკრაინას მკვეთრად წარმოუჩინოს ევროპული პერსპექტივა, რაც ევროკავშირის მიმართულებით კიდევ ერთი წინ გადადგმული ნაბიჯი იქნება“, განაცხადა საქართველოს საგარეო საქმეთა სამინისტრომ.

უკრაინის საგარეო საქმეთა სამინისტროს მიერ გავრცელებულ პრესრელიზში ნათქვამია: „ანდრი დეშჩიცამ თავის ქართველ კოლეგას ყირიმის ავტონომიურ რესპუბლიკაში არსებული ვითარების და უკრაინის ხელისუფლების მიერ მისი მშვიდობიანი და დიპლომატიური მოგვარებისთვის გადადგმული ნაბიჯების შესახებ მიაწოდა ინფორმაცია“.

„მინისტრმა მაია ფანჯიკიძემ კიდევ ერთხელ გამოხატა ქართული მხარის უპირობო მხარდაჭერა უკრაინის სუვერენიტეტის და ტერიტორიული მთლიანობის მიმართ“, – განაცხადა უკრაინის საგარეო საქმეთა სამინისტრომ.

„უკრაინისთვის პრაქტიკული საერთაშორისო მხარდაჭერის აღმოჩენის მიზნით, საგარეო საქმეთა მინისტრის მოვალეობის შემსრულებელმა ანდრი დეშჩიცამ მაია ფანჯიკიძე ოფიციალური ვიზიტით უკრაინაში მიიწვია. მიღწეული შეთანხმების თანახმად, ეს შესაძლოა უახლოეს პერიოდში განხორციელდეს“, – განაცხადა უკრაინის საგარეო საქმეთა სამინისტრომ.

შარშან, როდესაც უკრაინა ეუთოს თავმჯდომარე ქვეყანა იყო, ანდრი დეშჩიცა, ევროკავშირის და გაეროს წარმომადგენლებთან ერთად, ჟენევის მოლაპარაკებებზე თანათავმჯდომარე იყო ეუთოდან; ეუთოს უკრაინული თავმჯდომარეობის სპეციალური წარმომადგენლის რანგში იგი შარშან ასევე მონაწილეობდა ქართულ და ოსურ მხარეებს შორის ინციდენტების პრევენციისა და მათზე რეაგირების მექანიზმის ფარგლებში გამართულ რეგულარულ შეხვედრებში.    

 

ამავე თემაზე
უახლესი ამბები
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.
13 თებ.'18 11:54
საქართველოს საგარეო ვაჭრობა 2018 წლის იანვარში
უარყოფითმა სავაჭრო ბალანსმა  371.3 მილიონი აშშ დოლარი შეადგინა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
21