Civil.ge-ს შესახებ
Eng | ქარ | Рус
ბოლო განახლება: 18:26 - 18 დეკ.'17
RSS
Mobile
Twitter
Facebook
ღარიბაშვილის თქმით, რუსეთს არ გააჩნია საქართველოს ევროკავშირთან ასოცირების შეფერხების ბერკეტები
სივილ ჯორჯია, თბილისი / 16 იან.'14 / 17:31

მიუხედავად იმისა, რომ „პროვოკაციები მოსალოდნელია“, რუსეთს არ გააჩნია ბერკეტები, რომ საქართველოს ევროკავშირთან ასოცირების შესახებ შეთანხმების ხელმოწერა გადააფიქრებინოს, განაცხადა პრემიერ-მინისტრმა ირაკლი ღარიბაშვილმა.

„ჩვენ არ ვიზიარებთ იმ შეფასებას, რომ შესაძლოა განმეორდეს უკრაინის სცენარი საქართველოში იმიტომ, რომ ჩვენ არ ვართ ისევე დამოკიდებული რუსეთზე, როგორც არის უკრაინა. რუსეთს არ აქვს ისეთი ბერკეტები, როგორც მას ჰქონდა და აქვს უკრაინაში; შესაბამისად, რისკი ამ მიმართულებით მინიმალურია“, – განაცხადა პრემიერ–მინისტრმა 16 იანვარს გამართულ პრესკონფერენციაზე.

„მოსალოდნელია პროვოკაციები. ამ პროვოკაციებს ჩვენ ვხედავდით მთელი წლის განმავლობაში, იგივე საოკუპაციო ხაზთან მიმართებაში, იცით, რომ ‘ბორდერიზაციის’ პროცესი მიმდინარეობდა“, – განაცხადა მან.

„ამას გარდა სხვა პროვოკაციებიც შეიძლება იყოს, მაგრამ მნიშვნელოვანს და რაღაც განსაკუთრებულს ჩვენ არ ველოდებით. რა უნდა იყოს მეტი, რაც უკვე გვაქვს – ჩვენ გვაქვს 20% ოკუპირებული ტერიტორიები. ასე რომ, ამაზე მეტს არ ვიცი რას უნდა ველოდოთ. მე გეუბნებით, რომ ეკონომიკური ბერკეტები რუსეთს არ გააჩნია და ისეთივე დამოკიდებული ჩვენი ქვეყანა არ არის, როგორიც არის უკრაინა. ასე რომ, ჩვენი გუნდი, ჩვენი მთავრობა არ ელოდება არათუ უკრაინის სცენარის, არამედ არც მიახლოებული სცენარის განვითარებას საქართველოში“, – განაცხადა ღარიბაშვილმა.

ესტონეთში ვიზიტის დროს საქართველოს პარლამენტის თავმჯდომარემ დავით უსუფაშვილმა განაცხადა 13 იანვარს, რომ უკრაინის შემდეგ შესაძლოა საქართველო გახდეს რუსეთის ზეწოლის შემდგომი სამიზნე და ევროკავშირთან ასოცირების შესახებ შეთანხმების ხელმოწერამდე, რაც სექტემბრამდე იგეგმება, საქართველოს წინ „გადამწყვეტი“ თვეები ელოდება.

„არ მიგვაჩნია, რომ რუსეთმა საქართველო და ევროკავშირი მიატოვა“, – განაცხადა უსუფაშვილმა და დასძინა, რომ არასწორია იმის ფიქრი, რომ რუსეთს ჰგონია, რომ უკრაინით საქმე უკვე მოამთავრა.

„ჩვენ არ გვაქვს ამგვარი შეგრძნება; ვფიქრობთ, რომ საქართველო შესაძლოა შემდეგი იყოს რიგში, რომელსაც შესაძლოა ასევე შეექმნას პრობლემები დღეიდან ასოცირების შესახებ შეთანხმების ხელმოწერამდე“, – განაცხადა პარლამენტის თავმჯდომარემ.  

უახლესი ამბები
18 დეკ.'17 18:26
საქართველომ და ბელარუსმა საიდუმლო ინფორმაციის გაცვლის შესახებ შეთანხმებას მოაწერეს ხელი
სახელმწიფო უსაფრთხოების სამსახურის უფროსი, ვახტანგ გომელაური მინსკს სტუმრობს.
18 დეკ.'17 17:54
სირიაში საქართველოს მოქალაქე მოკლეს
გავრცელებული ინფორმაციით, გიორგი მარგოშვილი ჰამას პროვინციაში ასადის ძალების წინააღმდეგ ბრძოლის დროს დაიღუპა. 
18 დეკ.'17 16:13
პარლამენტში ქართული ოცნების კიდევ ორი ფრაქცია შეიქმნება
მმართველი პარტიის წევრები უარყოფენ მედიის ინფორმაციას, რომ ეს ცვლილება შიდა უთანხმოებას უკავშირდება.
18 დეკ.'17 12:37
2018 წლის აპრილში პარლამენტის შუალედური არჩევნები გაიმართება
არჩევნები ჩატარდება ვანისა და ხონის მაჟორიტარულ ოლქში, რომლის დეპუტატმაც პარლამენტიდან სუს-ში გადაინაცვლა.
17 დეკ.'17 17:14
ევროპარლამენტის ცხრა წევრი მერაბიშვილის გათავისუფლებას მოითხოვს
ევროპარლამენტარები მოუწოდებენ საქართველოს, პატივი სცეს ევროსასამართლოს გადაწყვეტილებას.   
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
115