Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
ღარიბაშვილი MAP-ის პერსპექტივაზე
სივილ ჯორჯია, თბილისი / 16 იან.'14 / 13:07

საქართველოს სურს ნატოს 2014 წლის სამიტზე ალიანსში წევრობის სამოქმედო გეგმის (MAP) მიღება, თუმცა თუ ქვეყანა მას ვერ მიიღებს, ეს „საფრთხეს არ შეუქმნის და არ შეცვლის ჩვენს ევროინტეგრაციას“, განაცხადა პრემიერ-მინისტრმა ირაკლი ღარიბაშვილმა 16 იანვარს.

„თუ MAP-ი არ იქნება ახლა, იქნება მოგვიანებით. ეს არ არის პრინციპული. მაგრამ თუ კითხვა ისმის იმასთან დაკავშირებით გვინდა თუ არ გვინდა? რა თქმა უნდა, გვინდა. მაგრამ თუ არ იქნება, ეს საფრთხეს არ შეუქმნის და არ შეცვლის ჩვენს ევროინტეგრაციას“, - განაცხადა ღარიბაშვილმა.

მან ეს განცხადება პრესკონფერენციაზე მას შემდეგ გააკეთა, რაც ჟურნალისტმა თხოვა კომენტარი პარლამენტის თავმჯდომარის დავით უსუფაშვილის მიერ 3 დღის წინ ესტონეთში ვიზიტისას გაკეთებულ  განცხადებაზე

უსუფაშვილმა 13 იანვარს ტალინში განაცხადა რომ თუ საქართველომ MAP-ი ვერ მიიღო ამან შესაძლოა გარკვეული საფრთხეები ევროინტეგრაციის კუთხითაც გააჩინოს. აღმოსავლეთ პარტნიორობის ესტონური ცენტრში სიწყვით გამოსვლისა უსუფაშვილმა განაცხადა რომ სექტემბრის დასაწყისში უელსში ნატოს სამიტზე MAP-ის მინიჭებაზე უარის თქმა „შეარყევს“ პოლიტიკურ სტაბილურობას ქვეყანაში, „იმპულსს“ მისცემს საქართველოში ანტიდასავლურ პოლიტიკურ ძალებს და შესაძლოა, გარკვეული საფრთხეები ევროინტეგრაციის კუთხითაც გამოკვეთოს.

პარლამენტის თავმჯდომარემ ასევე პირდაპირ განაცხადა, რომ საქართველოს ხელისუფლებისთვის რთული იქნება წარმატებად გაასაღოს ნატო-ს მხრიდან MAP-ის გარდა სხვა გადაწყვეტილების მიღება, როგორც ამას წინა ხელისუფლება შეეცადა 2008 წლის ბუქარესტის სამიტის შედეგად, როცა ნატოელმა მოკავშირეებმა საქართველოს უარი უთხრეს MAP-ზე, თუმცა დაპირდნენ, რომ ქვეყანა ოდესმე მომავალში საჭირო კრიტერიუმების დაკმაყოფილების შემთხვევაში გაწევრიანდება ალიანსში.

„მე არ მომისმენია კონკრეტულად დათო უსუფაშვილის განცხადება. მე ვისურვებდი, რომ მე თვითონ მომესმინა რა კონტექსტში თქვა ეს“, - უპასუხა პრემიერ-მინისტრმა ჟურნალისტს და მას შემდეგ, რაც მისგან უსუფაშვილის განცხადების შინაარსი კიდევ ერთხელ მოისმინა, განაცხადა:  „მე არ ვიზიარებ მაგ შეფასებას, თუმცა მე ვიმეორებ, რომ მე უნდა ვნახო [განცხადება] და ძალიან მარტივია, დაველაპარაკები დათო უსუფაშვილს“.

„ჩვენი საგარეო პოლიტიკა არის უცვლელი. ჩვენი კურსი არის ამ მიმართულებით უცვლელი  - ევროინტეგრაციის და ნატოს მიმართულებით“, - განაგრძო პრემიერმა, „რაც შეეხება MAP-ის მიღება-არ მიღების საკითხს, იცით ალბათ, რომ რამდენიმე წლის წინ წინა ხელისუფლებამ შექმნა აბსოლუტურად რაღაც გაუგონარი მოლოდინი, გააჩინა ტყუილი მოლოდინი მოსახლეობაში და შემდეგ ყველანაირად დავრჩით გაღიმებულები და იმედგაცრუებულები“.

„ჩვენ ამას არ ვაპირებთ, ჩვენ ვმუშაობთ და საქმე გამოაჩენს ჩვენს შედეგებს“, - განაცხადა მან, „ასე რომ, ცალსახად მინდა გითხრათ, რომ ჩვენი საგარეო მიმართულება, ვექტორი არ იცვლება და არ გადაიხედება“.

2013 წლის აპრილში მაშინდელმა პრემიერ–მინისტრმა ბიძინა ივანიშვილმა განაცხადა, რომ საქართველომ მიზნად დაისახა MAP-ის მიღება 2014 წელს ალიანსის მომდევნო სამიტზე. თუმცა მას შემდეგ საქართველოს ოფიციალური პირები სიფრთხილეს იჩენდნენ ამ საკითხის კომენტირებისას, აცხადებდნენ რა, რომ მათ 2014 წლის ნატოს სამიტის შესახებ გადაჭარბებული მოლოდინების შექმნა არ სურდათ.

უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
68