Civil.ge-ს შესახებ
Eng | ქარ | Рус
ბოლო განახლება: 18:26 - 9 დეკ.'17
RSS
Mobile
Twitter
Facebook
ეუთოს დამკვირვებლების შუალედური ანგარიში
სივილ ჯორჯია, თბილისი / 15 ოქტ.'13 / 13:51

27 ოქტომბრის საპრეზიდენტო არჩევნების წინ მიმდინარე კამპანია შარშანდელი საპარლამენტო არჩევნების ჭრილში განიხილება და „ის აშკარად უფრო მშვიდია“, განაცხადა დემოკრატიული ინსტიტუტებისა და ადამიანის უფლებათა ბიუროს (OSCE/ODIHR) გრძელვადიანმა საარჩევნო სადამკვირვებლო მისიამ თავის შუალედურ ანგარიშში.

„თუმცა, საარჩევნო კამპანიის დასაწყისიდანვე აშკარაა მმართველ კოალიციასა („ქართული ოცნება“) და საპარლამენტო ოპოზიციურ პარტიას („ერთიანი ნაციონალური მოძრაობა“) და მათ ლიდერებს შორის დაძაბული კოჰაბიტაციის ნიშნები. ამას ემატება „ერთიანი ნაციონალური მოძრაობის“ რამდენიმე ხელმძღვანელი პირის, მათ შორის, გენერალური მდივნის, დაკავება და წინასწარი პატიმრობა“, – ნათქვამია ანგარიშში, რომელიც 19 სექტემბრიდან 11 ოქტომბრამდე პერიოდს მოიცავს.

აღნიშნავს რა იმ „მნიშვნელოვან პოლიტიკურ ცვლილებებს“, რომლებიც 2012 წლის არჩევნების შემდეგ განხორციელდა ადგილობრივ დონეზეც, ანგარიში აცხადებს, რომ „საარჩევნო გარემოზე უარყოფითად იმოქმედა ადგილობრივი თვითმმართველობის ორგანოებში „ერთიანი ნაციონალური მოძრაობის“ წარმომადგენლებზე პოლიტიკური ზეწოლის შესახებ განცხადებებმა“.  

ანგარიშის თანახმად, კამპანია ნაკლებად აქტიურად მიმდინარეობს. მისიის დაკვირვებით, კანდიდატები არ ჩქარობდნენ კამპანიის დაწყებას, თუმცა შეხვედრების რაოდენობამ იმატა სექტემბრის ბოლოდან და ყველაზე აქტიურები ამ მხრივ არიან ქართული ოცნების კანდიდატი გიორგი მარგველაშვილი, ნაციონალური მოძრაობის კანდიდატი დავით ბაქრაძე და დემოკრატიული მოძრაობა – ერთიანი საქართველოს ლიდერი ნინო ბურჯანაძე.

„საარჩევნო პროგრამებში დომინირებს ეკონომიკური და სოციალური თემები, მათ შორის ხელფასების ზრდა, უმუშევრობის შემცირება და ჯანდაცვის მომსახურების გაუმჯობესება. „ქართული ოცნების“ შეკრებებზე აგრეთვე აქცენტი კეთდებოდა პრემიერ-მინისტრის განცხადებაზე საქართველოს თანადაფინანსების ფონდში ერთი მილიარდი აშშ დოლარის ღირებულების კერძო შემოწირულობის შესახებ. კანდიდატების უმრავლესობა აპელირებს აგრეთვე წინა მთავრობის ცხრაწლიანი მმართველობის შემდეგ „სამართლიანობის აღდგენაზე“. საარჩევნო კამპანიის თემებში შედის აგრეთვე რუსეთის ფედერაციასთან სამომავლო ურთიერთობები და ტერიტორიული მთლიანობის საკითხი“, – ნათქვამია ანგარიშში.

საარჩევნო ადმინისტრაციასთან დაკავშირებით ანგარიში აღნიშნავს, რომ ცესკო „ეფექტურად და გამჭვირვალედ მუშაობს“.

ანგარიშის თანახმად, ეუთოს დამკვირვებლების ზოგიერთმა თანამოსაუბრემ შეშფოთება გამოხატა „მოცემულ საარჩევნო პერიოდში აუდიტის სახელმწიფო სამსახურის კონტროლის დაბალი დონით“.  ადრე აუდიტის სამსახურს საერთაშორისო დამკვირვებლები იმიტომ აკრიტიკებდნენ, რომ ის „არაპროპორციულად“ იყენებდა თავის უფლებამოსილებას ოპოზიციის და მისი შემომწირველების წინააღმდეგ 2012 წლის ოქტომბრის საპარლამენტო არჩევნების წინ. პარტიების და კამპანიის დაფინანსების მარეგულირებელ კანონმდებლობაში 2013 წლის აგვისტოში ცვლილებები შევიდა შარშანდელი საპარლამენტო არჩევნების დროს გამოვლენილი პრობლემური საკითხების გამოსწორების მიზნით.

მედია გარემოსთან დაკავშირებით, ანგარიშში ნათქვამია, რომ 2012 წლის არჩევნებთან შედარებით მედია სივრცე „ნაკლებად პოლარიზებულადაა მიჩნეული, ხოლო ჟურნალისტები ძირითად პოლიტიკურ მოვლენებს უფრო ნეიტრალურად და მიუკერძოებლად აშუქებენ“. თუმცა ანგარიშში ასევე ნათქვამია, რომ „კრიტიკული ანალიზისა და ანალიტიკური რეპორტაჟების ნაკლებობა კვლავაც აღინიშნება“. 

უახლესი ამბები
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.
07 დეკ.'17 13:39
არასამთავრობოებმა უკრაინაში ქართველი ჟურნალისტების არშეშვების გამო შეშფოთება გამოთქვეს
უკრაინაში შესვლაზე უარი ტელეკომპანიების რუსთავი2-ის, TV პირველის და საზოგადოებრივი მაუწყებლის ჟურნალისტებს უთხრეს.
07 დეკ.'17 12:56
სააკაშვილის მხარდასაჭერად თბილისში აქცია გაიმართა
ენმ-ის წევრებმა და აქტივისტებმა უკრაინაში სააკაშვილის დაკავება გააპროტესტეს.
06 დეკ.'17 18:35
მმართველი გუნდის ნაწილი გარემოს დაცვის სამინისტროს რეორგანიზაციის პროექტს აკრიტიკებს
აზრთა სხვადასხვაობის მიუხედავად, საპარლამენტო უმრავლესობა მთავრობის სტრუქტურული რეორგანიზაციის გეგმას დაჩქარებული წესით დაამტკიცებს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
86