Civil.ge-ს შესახებ
Eng | ქარ | Рус
ბოლო განახლება: 19:32 - 20 ივლ.'17
RSS
Mobile
Twitter
Facebook
ანქვაბი რუსეთისა და საქართველოს საპატრიარქოების წარმომადგენლებს შეხვდა
სივილ ჯორჯია, თბილისი / 29 მარ.'13 / 15:20

ქართული და რუსული მართლმადიდებლური ეკლესიების წარმომადგენლები 28 მარტს სოჭში აფხაზეთის ლიდერს ალექსანდრე ანქვაბს შეხვდნენ.

ინფორმაცია შეხვედრის შესახებ პირველად მოსკოვის საპატრიარქოს საგარეო ურთიერთობათა დეპარტამენტმა 28 მარტს გამოქვეყნებულ პრეს–რელიზში გაავრცელა. საქართველოს საპატრიარქოს შეხვედრის შესახებ რაიმე განცხადება ჯერ არ გაუკეთებია და მისი წარმომადგენლებისგან კომენტარის მოპოვება ამ დრომდე ვერ მოხერხდა.   

აფხაზეთის ლიდერთან შეხვედრაში მონაწილეობა მოსკოვის საპატრიარქოს საგარეო ურთიერთობათა დეპარტამენტის უფროსმა, ვოლოკოლამსკის მიტროპოლიტმა ილარიონმა და ბორჯომისა და ბაკურიანის მიტროპოლიტმა სერაფიმემ მიიღეს.

„შეხვედრის მონაწილეებმა აზრები გაცვალეს არსებული სიტუაციის და აფხაზეთში მართლმადიდებლობის განვითარების პერსპექტივების თაობაზე. თითოეულმა მონაწილემ საკუთარი აზრი გამოხატა არსებული პრობლემებისა და მათი მოგვარების გზების შესახებ“, – ნათქვამია მოსკოვის საპატრიარქოს საგარეო ურთიერთობათა დეპარტამენტის პრეს–რელიზში
 
„საუბრის დროს აფხაზეთის პრეზიდენტმა ანქვაბმა ხაზი გაუსვა, რომ აფხაზეთის სასულიერო პირების და აფხაზეთის მართლმადიდებელი ხალხის სასულიერო კავშირები საქართველოს მართლმადიდებელ ეკლესიასთან დიდი ხანია დაიკარგა და ისინი ვეღარ აღდგება“, – ნათქვამია პრეს–რელიზში.

„თავის მხრივ ვოლოკოლამსკის მიტროპოლიტმა ილარიონმა რწმენა გამოხატა, რომ პრობლემის მოგვარება შესაძლებელია მხოლოდ საეკლესიო კანონების მკაცრი დაცვის საფუძველზე“.

„მიტროპოლიტმა სერაფიმემ ეკლესიის მშვიდობიან მსახურებას გაუსვა ხაზი, რომელიც ხალხებს შორის მეგობრობის გაძლიერებისკენ იქნება მიმართული“, – ნათქვამია პრეს–რელიზში.

ამავე პრეს–რელიზის თანახმად, მონაწილეებმა ხაზი გაუსვეს „სხვადასხვა ფორმატებში ამ საკითხზე კონსულტაციების და შეხვედრების“ შემდგომი გაგრძელების საჭიროებას.

ოფიციალურად, რუსული მართლმადიდებლური ეკლესია ქართული მართლმადიდებლური ეკლესიის კანონიკურ საზღვრებს აღიარებს, რომელიც ასევე მოიცავს აფხაზეთს და სამხრეთ ოსეთს.

მართალია ოფიციალურად რუსული მართლმადიდებლური ეკლესია აფხაზეთზე საქართველოს საპატრიარქოს კანონიკურ იურისდიქციას აღიარებს, მაგრამ აფხაზ მართლმადიდებელ მღვდლებს, რომლებიც უარს აცხადებენ ქართული ეკლესიის იურისდიქციის აღიარებაზე, აფხაზეთში სასულიერო საქმიანობის განსახორციელებლად უფლებამოსილებას რუსი მღვდელმთავრები ანიჭებენ.     

რამდენიმე წლის წინ აფხაზი სამღვდელოების ერთმა ჯგუფმა აქტიური კამპანია წამოიწყო აფხაზეთში დამოუკიდებელი ეკლესიის ჩამოსაყალიბებლად. ამ მიზნით ჯგუფმა 2011 წლის 15 მაისს აფხაზეთის წმინდა მეტროპოლია ჩამოაყალიბა.  ამ ქმედებას დაუპირისპირდა არა მხოლოდ აფხაზური სამღვდელოების მეორე ჯგუფი, რომელიც რეგიონის საეკლესიო ცხოვრებაში დომინანტურ როლს ასრულებს წლების მანძილზე, არამედ რუსული მართლმადიდებლური ეკლესიაც.

მოსკოვში ცოტა ხნის წინ განხორციელებული ვიზიტის დროს 12 მარტს აფხაზეთის ლიდერი რუსეთის პატრიარქ კირილს შეხვდა.

მოსკოვს იანვარში სტუმრობდა საქართველოს კათოლიკოს–პატრიარქი ილია მეორე, რომელიც ვიზიტის დროს პრეზიდენტ პუტინს შეხვდა.  

უახლესი ამბები
20 ივლ.'17 19:32
აზერბაიჯანელი ჟურნალისტის საქმეს მთავარი პროკურატურა გამოიძიებს
გამოძიების დასრულებამდე, სასაზღვრო პოლიციის და კონტრდაზვერვის დეპარტამენტის უფროსებმა თანამდებობები დატოვეს.
20 ივლ.'17 19:08
საქართველო ტერორიზმის შესახებ აშშ-ის სახელმწიფო დეპარტამენტის ანგარიშში
დოკუმენტი საქართველოში ტერორიზმთან დაკავშირებული საკითხების სტატუსს აფასებს.
20 ივლ.'17 17:33
უკრაინა და საქართველო სტრატეგიული პარტნიორობის პირობას დებენ
პეტრო პოროშენკომ საქართველოში სამდღიანი ოფიციალური ვიზიტი დაასრულა.
19 ივლ.'17 17:47
ყოველწლიურ ამბასადორიალზე საქართველოს ლიდერები საგარეო პოლიტიკურ პრიორიტეტებზე საუბრობენ
თბილისი საქართველოს ელჩების ყოველწლიურ შეკრებას 18-21 ივლისს მასპინძლობს.
18 ივლ.'17 19:11
სემეკმა ბუნებრივი აირის მოხმარებაზე ახალი ტარიფები დაადგინა
ბუნებრივი აირის ტარიფი თბილისის და რეგიონების მომხმარებლებისათვის გაიზარდა
18 ივლ.'17 18:03
ვინ არიან თბილისის მერობის კანდიდატები და როგორია მათი საარჩევნო დაპირებები
საქართველოს დედაქალაქი, სადაც ამომრჩეველთა მესამედი ცხოვრობს, 2017 წლის ოქტომბერში ახალ მერს და საკრებულოს აირჩევს.
18 ივლ.'17 17:31
არაბთა გაერთიანებული საამიროების საგარეო საქმეთა მინისტრი საქართველოს სტუმრობს
შეიხ აბდულა ბინ ზაიედ ალ ნაჰაიანი თბილისში ორდღიანი ოფიციალური ვიზიტით იმყოფება.
18 ივლ.'17 15:41
ესტონეთის, ლიტვის და სლოვაკეთის საგარეო საქმეთა მინისტრები ცხინვალის რეგიონის ბორდერიზაციის შესახებ
მინისტრებმა განცხადებები ამ თემაზე ევროკავშირის საგარეო საქმეთა საბჭოს შეხვედრამდე გააკეთეს.
18 ივლ.'17 12:50
თურქმენეთის საგარეო საქმეთა მინისტრმა საქართველოს ხელმძღვანელობასთან შეხვედრები გამართა
რაშიდ მერედოვი თავის ქართველ კოლეგას, პრეზიდენტს, პრემიერ-მინისტრს და ენერგეტიკის მინისტრს შეხვდა.  
17 ივლ.'17 20:00
სოციალურ ქსელში გავრცელებულ სავარაუდო მუქარის ფაქტზე გამოძიება დაიწყო
Facebook-ის პოსტი 25 წლის თათია დოლიძის წინააღმდეგ ინტერნეტ სივრცეში აღარ იძებნება.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
55