Civil.ge-ს შესახებ
Eng | ქარ | Рус
ბოლო განახლება: 18:40 - 23 მაი.'17
RSS
Mobile
Twitter
Facebook
ჟენევის მოლაპარაკებების 23–ე რაუნდი
სივილ ჯორჯია, თბილისი / 28 მარ.'13 / 12:10

ჟენევის მოლაპარაკებების 23–ე რაუნდი, რომელიც 27 მარტს გაიმართა, პროგრესის გარეშე დასრულდა, ხოლო მონაწილეები შეთანხმდნენ, რომ მომდევნო რაუნდი სამ თვეში გამართონ.

2008 წლის აგვისტოს ომის შემდეგ დაწყებულ ჟენევის მოლაპარაკებებს თანათავმჯდომარეობენ ევროკავშირის, ეუთოს და გაეროს წარმომადგენლები. დისკუსიებში საქართველოს, რუსეთის და აშშ–ის და ასევე სოხუმის და ცხინვალის წარმომადგენლები მონაწილეობენ, რომელთაც ფორმალურად „მონაწილეები“ ჰქვიათ.

26–27 მარტს გამართული ბოლო რაუნდის შემდეგ, თანათავმჯდომარეებმა ევროკავშირიდან, გაეროდან და ეუთოდან აღნიშნეს ერთობლივ განცხადებაში, რომ დისკუსიის მონაწილეები მიესალმნენ ადგილზე შენარჩუნებულ სტაბილურობას და სიმშვიდეს; მათ ასევე განაცხადეს, რომ მონაწილეები შეთანხმდნენ განაგრძონ მუშაობა თანათავმჯდომარეების მიერ შემოთავაზებულ „ძალის გამოუყენებლობის შესახებ ჟენევის საერთაშორისო დისკუსიების განცხადების“ განახლებულ პროექტზე. ძალის გამოუყენებლობა და უსაფრთხოების საერთაშორისო სისტემა ერთ–ერთ მთავარ საკითხად რჩება, რომელიც ჟენევის მოლაპარაკებებზე განიხილება.

საგარეო საქმეთა მინისტრის პირველმა მოადგილემ დავით ზალკანიანმა, რომელიც პირველად უძღვებოდა ქართულ ჯგუფს ჟენევის მოლაპარაკებებზე, განაცხადა, რომ დისკუსიები „საქმიან“ გარემოში წარიმართა. თუმცა, ძალის გამოუყენებლობის საკითხთან დაკავშირებით მან განაცხადა, რომ ის განსხვავებული პოზიციები, რომლებიც მხარეებს მანამდეც ჰქონდათ, უცვლელი რჩება.

რუსეთის საგარეო საქმეთა მინისტრის მოადგილემ გრიგორი კარასინმა განუცხადა „რია ნოვოსტის“ მოლაპარაკებების შემდეგ: „იმედები ნაყოფიერ რაუნდთან დაკავშირებით, სამწუხაროდ, ვერ გამართლდა“.

საქართველოს მთავარმა მომლაპარაკებელმა განაცხადა, რომ მონაწილეები განაგრძობენ ძალის გამოუყენებლობის თაობაზე ერთობლივი განცხადების პროექტზე მუშაობას; თუმცა, მან ასევე ხაზი გაუსვა, რომ თბილისს სურს, რომ მოსკოვმა ძალის გამოუყენებლობის თაობაზე თბილისის ანალოგიური ნაბიჯი გადადგას.

„მათ უხდებათ საქართველოს პოზიციის მოსმენა იმასთან დაკავშირებით, რომ მყარად დაფიქსირება [დეკლარაციაში] არ ცვლის არანაირად რუსეთის ვალდებულებას ძალის არგამოყენების შესახებ“, – განაცხადა ზალკანიანმა.

პრეზიდენტმა სააკაშვილმა ძალის არგამოყენების თაობაზე ცალმხრივი პირობა 2010 წლის ბოლოს დადო და მას შემდეგ თბილისი მოუწოდებს რუსეთს, რომ ანალოგიური ნაბიჯი გადადგას. რეზოლუცია საგარეო პოლიტიკური პრიორიტეტების შესახებ, რომელიც საქართველოს პარლამენტმა თვის დასაწყისში ერთხმად მიიღო, ადასტურებს საქართველოს ერთგულებას ძალის არგამოყენების მიმართ.

ჟენევის მოლაპარაკებები ორი სამუშაო ჯგუფის ფორმატში იმართება, რომელთაგანაც პირველი უსაფრთხოებასთან დაკავშირებულ საკითხებს განიხილავს, მეორე კი – ჰუმანიტარულ თემებს. თანათავმჯდომარეების განცხადებით, ამ ორი სამუშაო ჯგუფის ფარგლებში გამართული დისკუსიების შემდეგ, მათ „ხანმოკლე საინფორმაციო შეხვედრა“ ჩაატარეს მონაწილეებს შორის უკეთესი კომუნიკაციის და აზრთა გაცვლა–გამოცვლის მიზნით; თანათავმჯდომარეებმა ხაზი გაუსვეს, რომ ამ შეხვედრის ჩატარება არ უნდა იქნას განხილული, როგორც ფორმატის ცვლილება.

საქართველოს საგარეო საქმეთა მინისტრის მოადგილემ დავით ზალკანიანმა განაცხადა, რომ ქართველმა მომლაპარაკებლებმა შეშფოთება გამოთქვეს სამხრეთ ოსეთის ადმინისტრაციული საზღვრის ზოგიერთი მონაკვეთის  გასწვრივ მავრთულხლართების გაბმის გამო, რაც, მისი თქმით, ადგილობრივი მაცხოვრებლების ყოველდღიურ ცხოვრებაზე უარყოფითად მოქმედებს.  

თანათავმჯდომარეების თქმით, იმ სამუშაო ჯგუფში, რომელიც ჰუმანიტარულ საკითხებს განიხილავს, მონაწილეებმა ასევე განიხილეს კონფლიქტით დაზარალებული მოსახლეობისთვის გამყოფი ხაზების მიღმა ვიზიტების ორგანიზების შესაძლებლობა.

გაეროს წარმომადგენელმა ანტი ტურუნენმა განაცხადა, რომ ბოლო რაუნდის დროს დისკუსიები  „ძალიან ღია, ზოგჯერ პირდაპირი და კრიტიკული იყო“. „მაგრამ საერთო ჯამში, ატმოსფერო კონსტრუქცუილი იყო. ჩვენ ნამდვილად შევძელით ორ სამუშაო ჯგუფში სამუშაოს დასრულება და დღის წესრიგის ყველა საკითხის განხილვა“, – განაცხადა მან.

ჟენევის დისკუსიების 24–ე რაუნდი 25–26 ივნისთვისაა დაგეგმილი.

უახლესი ამბები
23 მაი.'17 18:40
პროკურატურამ აუდიტის სამსახურის შუალედური ანგარიშის საფუძველზე გამოძიება დაიწყო
შუალედური ანგარიში 2015-2016 წლებში თბილისის მუნიციპალიტეტის საკუთრებაში არსებული ქონების მართვისა და განკარგვის საკითხს უკავშირდება.
23 მაი.'17 18:11
აზერბაიჯანის თავდაცვის მინისტრი საქართველოს სტუმრობს
ზაკირ ჰასანოვმა საქართველოს პრემიერ-მინისტრთან და თავდაცვის მინისტრთან შეხვედრებზე თავდაცვის სფეროში ორმხრივ და სამხრივ ურთიერთობებზე იმსჯელა.
23 მაი.'17 16:53
აფხაზეთში გერმანიის მოქალაქე დააკავეს
რუსეთის FSB-ს თანამშრომლებმა გერმანიის მოქალაქე „საზღვრის უკანონო გადაკვეთის“ გამო დააკავეს.
23 მაი.'17 15:15
საქართველოს ლიდერები მანჩესტერის თავდასხმას გმობენ
პრეზიდენტმა, პრემიერ-მინისტრმა და პარლამენტის თავმჯდომარემ ტერორისტული აქტის შემდეგ განცხადებები გამოაქვეყნეს.
23 მაი.'17 13:31
რესპუბლიკელები და თავისუფალი დემოკრატები გაერთიანების საკითხს განიხილავენ
2016 წლის საპარლამენტო არჩევნებზე თავისუფალმა დემოკრატებმა ხმების 4.63%,  ხოლო რესპუბლიკელებმა 1.55% მიიღეს.
22 მაი.'17 18:53
პროკურატურამ სტრასბურგის სასამართლოს მოსამართლის ძმის წინააღმდეგ საქმეზე გამოძიება შეწყვიტა
ნონა წოწორიამ განაცხადა, რომ გამოძიება სტრასბურგის სასამართლოში მის საქმიანობას უკავშირდებოდა.
22 მაი.'17 17:26
მოსკოვი აფხაზეთში ახალ სამართალდამცავ სტრუქტურას ქმნის
რუსეთმა და სეპარატისტულმა რეგიონმა ხელი მოაწერეს შეთანხმებას ერთობლივი საინფორმაციო-საკოორდინაციო ცენტრის ჩამოყალიბების თაობაზე.
22 მაი.'17 12:30
ჯეიმს მატისი: აშშ მზად არის საქართველოს თავდაცვის რეფორმაში დაეხმაროს
აშშ-ის თავდაცვის მდივანმა თავის ქართველ კოლეგას ლევან იზორიას წერილით მიმართა.
21 მაი.'17 16:34
კვირიკაშვილი იორდანიაში მეფე აბდულა II-ს და ფედერიკა მოგერინის შეხვდა
პრემიერ-მინისტრმა „ახლო აღმოსავლეთის, ჩრდილოეთ და აღმოსავლეთ აფრიკის 2017 წლის მსოფლიო ეკონომიკურ ფორუმში“ მიიღო მონაწილეობა.
20 მაი.'17 13:23
პარლამენტმა დროებითი საგამოძიებო კომისიის შექმნა მიზანშეუწონლად მიიჩნია
საპარლამენტო უმცირესობის ნაწილი სახელმწიფო აუდიტორის ფიზიკური შეურაცხყოფის საკითხის შესწავლის მიზნით კომისიის შექმნას ითხოვდა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
70