Civil.ge-ს შესახებ
Eng | ქარ | Рус
ბოლო განახლება: 12:34 - 15 დეკ.'17
RSS
Mobile
Twitter
Facebook
საკონსტიტუციო ცვლილება ძალაში შევიდა
სივილ ჯორჯია, თბილისი / 27 მარ.'13 / 18:03

საკონსტიტუციო ცვლილება, რომელიც პრეზიდენტს ართმევს უფლებას პარლამენტის თანხმობის გარეშე გამოცვალოს მთავრობა, ძალაში შევიდა მას შემდეგ, რაც პრეზიდენტმა სააკაშვილმა მას ხელი მოაწერა.

საკონსტიტუციო ცვლილება „საკანონმდებლო მაცნეში“ 27 მარტს გამოქვეყნდა.

ცვლილება, რომლის ინიცირებაც კოალიცია „ქართულმა ოცნებამ“ დეკემბერში მოახდინა, პარლამენტმა პირველი მოსმენით ერთხმად 21 მარტს მიიღო, ხოლო საბოლოო, მესამე მოსმენით 25 მარტს დაამტკიცა.

შემოთავაზებული ცვლილება თითქმის სამ თვეზე მეტხანს ქართულ ოცნებასა და ნაციონალურ მოძრაობას შორის პოლიტიკური დაპირისპირების მთავარი საკითხი იყო. ნაციონალური მოძრაობის დეპუტატები მხოლოდ მას შემდეგ დათანხმდნენ მხარი დაეჭირათ ცვლილებისთვის, რაც ქართული ოცნება სარეიტინგო კენჭისყრის გამართვაზე დათანხმდა, როგორც ამას 21 მარტს საპარლამენტო უმცირესობა ითხოვდა.

საკონსტიტუციო ცვლილების ერთხმად დამტკიცებას დადებითი საერთაშორისო გამოხმაურება მოყვა, რომლის დროსაც აშშ–ის სახელმწიფო დეპარტამენტმა განაცხადა, რომ „აღნიშნული ნაბიჯი გზას უკვალავს ქართული დემოკრატიის კონსოლიდაციას და საშუალებას აძლევს მთავრობას, კვლავ მიაპყროს ყურადღება ბევრ იმ საკითხს, რომელიც მის წინაშე დგას“.

26 მარტს გამოქვეყნებულ ერთობლივ განცხადებაში ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა კეტრინ ეშტონმა და ევროპული სამეზობლო პოლიტიკისა და გაფართოების საკითხებში ევროკომისარმა შტეფან ფულემ განაცხადეს, რომ ორი პარტიის მიერ მიღწეული კონსენსუსი ამ საკითხზე იმაზე მეტყველებს, რომ „ყველა მხარე ქართულ პოლიტიკაში კარგი მმათველობის ერთგული რჩება ეროვნული ინტერესების შესაბამისად“.

„საკონსტიტუციო ცვლილებები, რომელიც ადასტურებს დემოკრატიულად არჩეული პარლამენტის როლს ახალი მთავრობის დანიშვნის საქმეში, აძლიერებს საქართველოს დემოკრატიას და ქართულ პოლიტიკაში ყველა პარტიას შორის თანამშრომლობის მნიშვნელოვან პრეცედენტს ქმნის“, – ნათქვამია განცხადებაში, რომელიც მოუწოდებს "საქართველოში ყველა დაინტერესებულ მხარეს განაგრძონ ერთობლივი მუშაობა ამ კონსტრუქციული სულისკვეთებით ქართველი ხალხის ინტერესებიდან გამომდინარე“.

პარლამენტის თავმჯდომარემ დავით უსუფაშვილმა განაცხადა 25 მარტს, რომ საკონსტიტუციო ცვლილებების დამტკიცება საშუალებას აძლევს პრეზიდენტ სააკაშვილს, რომ პარლამენტში ყოველწლიური მოხსენებით გამოვიდეს.

ამავე თემაზე
უახლესი ამბები
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
104