Civil.ge-ს შესახებ
Eng | ქარ | Рус
ბოლო განახლება: 09:32 - 22 ივლ.'17
RSS
Mobile
Twitter
Facebook
პარლამენტმა საკონსტიტუციო ცვლილებები ერთხმად დაამტკიცა
სივილ ჯორჯია, თბილისი / 25 მარ.'13 / 16:15

პარლამენტმა მესამე და საბოლოო მოსმენით, 114 ხმით დაამტკიცა ცვლილებები კონსტიტუციაში, რომელიც პრეზიდენტს ართმევს უფლებას პარლამენტის თანხმობის გარეშე გამოცვალოს მთავრობა.

ცვლილებებმა, რომელიც ქართული ოცნების მიერ დეკემბერში ინიცირების შემდეგ ერთ-ერთ ცენტრალურ პოლიტიკურ თემას წარმოადგენდა, გასულ კვირაში პირველი და მეორე მოსმენით კენჭისყრის მსგავსად, ბოლო ეტაპზეც დეპუტატების ერთსულოვანი მხარდაჭერა მოიპოვა.

„მე მინდა ეს მოვლენა პირველ რიგში მივულოცო საქართველოს მოსახლეობას, ხალხს და მის მიერ არჩეულ საკანონმდებლო ორგანოს საქართველოს პარლამენტს, რომელიც ამ ცვლილებების ძალაში შესვლის შემდეგ იქნება საქართველოს ხალხის ნების ექსკლუზიური აღმასრულებელი“, - განაცხადა პარლამენტის თავმჯდომარემ დავით უსუფაშვილმა კენჭისყრის შემდეგ და დასძინა, რომ მართალია ამ პროცესმა „ვნებათაღელვა გამოიწვია“, მაგრამ მთავარია, რომ მოხერხდა „ხალხისთვის სწორი გადაწყვეტილების მიღება", რაც "წაადგება ქვეყნის წინსვლას და განვითარებას“. 

კონსტიტუციაში შეტანილი ცვლილებების თანახმად, პრეზიდენტს რჩება უფლება გადააყენოს მთავრობა, თუმცა მან გადაყენებულ ან გადამდგარ მთავრობას  უნდა დააკისროს მოვალეობის შესრულება მანამ, სანამ პარლამენტი ახალ შემადგენლობას არ დაამტკიცებს. ამასთან, პრეზიდენტს პარლამენტის არჩევიდან ექვსი თვის განმავლობაში და საპრეზიდენტო არჩევნების კალენდარული წლის 1 მაისიდან ახალი პრეზიდენტის ინაუგურაციამდე პერიოდში პარლამენტის დათხოვნა არ შეეძლება.

საკონსტიტუციო ცვლილებები გამოქვეყნებისთანავე მას შემდეგ ამოქმედდება, რაც მას პრეზიდენტი სააკაშვილი მოაწერს ხელს.

დავით უსუფაშვილმა რიგგარეშე სხდომაზე საუბრისას განაცხადა, რომ როგორც კი პრეზიდენტი ამ პროცედურას განახორციელებს, პარლამენტი მზად იქნება მას შესთავაზოს დეპუტატების წინაშე ყოველწლიური მოხსენებით წარსდგეს - ეს პროცედურა საპარლამენტო უმრავლესობამ საკონსტიტუციო ცვლილებებზე პრეზიდენტ სააკაშვილის ნაციონალური მოძრაობის პოზიციის გაურკვევლობის მოტივით გადადო.

კოალიცია ქართული ოცნების განცხადებით, ამ ცვლილებების მიზანი იყო იმ პოტენციური „კრიზისის“ გაუვნებელყოფა, რაც პრემიერ-მინისტრ ბიძინა ივანიშვილის ამჟამინდელი მთავრობის დათხოვნას შესაძლოა მოჰყოლოდა. პრეზიდენტ სააკაშვილის და მისი ნაციონალური მოძრაობის განცხადებით, პრეზიდენტი მთავრობის ერთპიროვნულად გამოცვლის შესახებ კონსტიტუციით მისთვის მინიჭებული უფლების გამოყენებას არ აპირებდა.

ამავე თემაზე
უახლესი ამბები
22 ივლ.'17 09:32
NDI-ს წინასაარჩევნო შეფასება: ორი პარალელული და განსხვავებული საქართველო
ეროვნულ-დემოკრატიული ინსტიტუტის (NDI) დელეგაციამ ადგილობრივი არჩევნების წინ წინასაარჩევნო გარემო შეაფასა.
21 ივლ.'17 18:21
პრეზიდენტი ტრამპი ვიქტორია ნულანდის შემცვლელს დაასახელებს
ვეს მიტჩელი ევროპისა და ევრაზიის საკითხებში აშშ-ის სახელმწიფო მდივნის თანაშემწე გახდება.
21 ივლ.'17 15:11
მარგველაშვილმა თვითმმართველობის კოდექსსა და საარჩევნო კანონმდებლობაში შეტანილ ცვლილებებს ვეტო დაადო
პრეზიდენტის მიერ მოტივირებული შენიშვნებით დაბრუნებულ კანონპროექტებს პარლამენტი ივლისის ბოლომდე განიხილავს.
21 ივლ.'17 13:14
აფხაზეთი და სამხრეთ ოსეთი გაერთიანებული სამეფოს საგარეო უწყების ადამიანის უფლებათა ანგარიშში
საგარეო საქმეთა სამინისტრომ ადამიანის უფლებების შესახებ 2016 წლის ყოველწლიური ანგარიში გამოაქვეყნა.
20 ივლ.'17 19:32
აზერბაიჯანელი ჟურნალისტის საქმეს მთავარი პროკურატურა გამოიძიებს
გამოძიების დასრულებამდე, სასაზღვრო პოლიციის და კონტრდაზვერვის დეპარტამენტის უფროსებმა თანამდებობები დატოვეს.
20 ივლ.'17 19:08
საქართველო ტერორიზმის შესახებ აშშ-ის სახელმწიფო დეპარტამენტის ანგარიშში
დოკუმენტი საქართველოში ტერორიზმთან დაკავშირებული საკითხების სტატუსს აფასებს.
20 ივლ.'17 17:33
უკრაინა და საქართველო სტრატეგიული პარტნიორობის პირობას დებენ
პეტრო პოროშენკომ საქართველოში სამდღიანი ოფიციალური ვიზიტი დაასრულა.
19 ივლ.'17 17:47
ყოველწლიურ ამბასადორიალზე საქართველოს ლიდერები საგარეო პოლიტიკურ პრიორიტეტებზე საუბრობენ
თბილისი საქართველოს ელჩების ყოველწლიურ შეკრებას 18-21 ივლისს მასპინძლობს.
18 ივლ.'17 19:11
სემეკმა ბუნებრივი აირის მოხმარებაზე ახალი ტარიფები დაადგინა
ბუნებრივი აირის ტარიფი თბილისის და რეგიონების მომხმარებლებისათვის გაიზარდა
18 ივლ.'17 18:03
ვინ არიან თბილისის მერობის კანდიდატები და როგორია მათი საარჩევნო დაპირებები
საქართველოს დედაქალაქი, სადაც ამომრჩეველთა მესამედი ცხოვრობს, 2017 წლის ოქტომბერში ახალ მერს და საკრებულოს აირჩევს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
84