Civil.ge-ს შესახებ
Eng | ქარ | Рус
ბოლო განახლება: 19:09 - 20 აპრ.'18
RSS
Mobile
Twitter
Facebook
ივანიშვილის თქმით, საკონსტიტუციო ცვლილებებზე სარეიტინგო გამოკითხვის ჩატარება „არასწორია“
სივილ ჯორჯია, თბილისი / 21 მარ.'13 / 13:03

პრემიერ-მინისტრმა ბიძინა ივანიშვილმა განაცხადა, რომ პრეზიდენტის უფლებამოსილებასთან დაკავშირებულ საკონსტიტუციო ცვლილებებზე ნაციონალური მოძრაობის შეთავაზება, რომ პირველი მოსმენით კენჭისყრამდე საკითხზე სარეიტინგო გამოკითხვა გაიმართოს, „არასწორია“.

„თუ უნდათ ხმა მისცენ, თუ არ უნდათ არ მისცენ. თავის პარტიას, თავის სახეს აჩვენებენ ესენი მხოლოდ. არავის არ მოუთხოვია მათთვის ხმები. ისინი ამ ქვეყნის შვილები არიან და მოიქცნენ ისე, როგორც თვლიან. და არ ჭირდება ამას ზედმეტი დარეკლამება“, - განუცხადა ივანიშვილმა ჟურნალისტებს.

„ეს არ არის ჩემი გადასაწყვეტი, ამას პარლამენტი წყვეტს თვითონ. უსუფაშვილის გამოსვლა თქვენ ნახეთ და მე მგონი არ შედგება [სარეიტინგო კენჭისყრა]“, - განაცხადა მან.

მისი ეს განცხადება წინ უსწრებს საკონსტიტუციო ცვლილებების განხილვას, რომელიც პარლამენტის დღევანდელ პლენარულ სხდომაზე იგეგმება.

პრეზიდენტმა სააკაშვილმა 20 მარტს საღამოს ამ თემაზე გაკეთებულ მიმართვაში განაცხადა, რომ სარეიტინგო კენჭისყრა ნაციონალურ მოძრაობას იმის საჩვენებლად სჭირდება, რომ ის არ გატყდა, მისი წევრი დეპუტატების გადაბირების მიზნით "ზეწოლის უპრეცედენტო კამპანიის" მიუხედავად. პრეზიდენტი სააკაშვილი  და მისი პარტიის წარმომადგენლები აცხადებენ, რომ სარეიტინგო კენჭისყრა მათ იმის დემონსტრირებისთვის სჭირდებათ, რომ არასწორია ქართული ოცნების ზოგიერთი დეპუტატის განცხადება იმის თაობაზე, რომ ნაციონალური მოძრაობის რიგებში არიან დეპუტატები, რომელთაც პარტიულ ხაზს გადაუხვიეს, რომ ნაციონალური მოძრაობა ინარჩუნებს ერთობას და შეუძლებელია კონსტიტუციის მიღება ოპოზიციური აზრის იგნორირებით. ნაციონალური მოძრაობა აცხადებს, რომ იმდენ ხმას დაუმატებს ქართულ ოცნებას ცვლილებების კენჭისყრის დროს, რამდენსაც სარეიტინგო კენჭისყრა აჩვენებს, რომ მათ აკლდებათ საჭირო 100 ხმის მოსაგროვებლად.

პარლამენტის თავმჯდომარემ დავით უსუფაშვილმა ამ შეთავაზების საპასუხოდ 20 მარტს განაცხადა, რომ სარეიტინგო გამოკითხვის ჩატარების საჭიროება არ არსებობს, რადგან ამის გარეშეც ცხადია, რომ საკონსტიტუციო ცვლილებების პროექტი ვერ გავა, თუ მას ნაციონალური მოძრაობის წევრი დეპუტატები მხარს არ დაუჭერენ. მან ასევე აღნიშნა, რომ უმრავლესობას ოპონენტების არა ხმები, არამედ მათი პროცესში თანამონაწილეობა სჭირდება, რათა პარლამენტმა დაიბრუნოს თავისი უფლება იმით, რომ პრეზიდენტს შეეზღუდოს უფლებამოსილება საკანონმდებლო ორგანოს თანხმობის გარეშე ერთპიროვნული გადაწყვეტილებით დანიშნოს ახალი მთავრობა.

სარეიტინგო გამოკითხვის ჩატარების საკითხი საკონსტიტუციო ცვლებების კენჭისყრის წინ დადგება დღის წესრიგში, რაზეც კანონმდებლობის მიხედვით, გადაწყვეტილება პარლამენტის თავმჯდომარემ უნდა მიიღოს.  ქართული ოცნების დეპუტატები აცხადებენ, რომ ისინი ამგვარი გამოკითხვის ჩატარების წინააღმდეგნი არიან.

ამავე თემაზე
უახლესი ამბები
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
84