Civil.ge-ს შესახებ
Eng | ქარ | Рус
ბოლო განახლება: 17:29 - 28 მარ.'17
RSS
Mobile
Twitter
Facebook
ალასანია: საქართველო მალის ევროკავშირის მისიაში ჩართვას გეგმავს
სივილ ჯორჯია, თბილისი / 19 მარ.'13 / 12:21

საქართველო მოლაპარაკებებს აწარმოებს ევროკავშირთან მალიში მის სამხედრო წვრთნის მისიაში ჩართვასთან დაკავშირებით, განაცხადა თავდაცვის მინისტრმა ირაკლი ალასანიამ 18 მარტს.

ევროკავშირმა თავისი მისია მალიში თებერვალში დაიწყო იმ მიზნით, რომ 200-ზე მეტი სამხედრო პირი გააგზავნოს, რათა მათ გაწვრთნან მალის სამთავრობო ძალები ისლამისტი აჯანყებულების წინააღმდეგ საბრძოლველად.

ევროკავშირის გადაწყვეტილების თანახმად, თავად მისია საბრძოლო ოპერაციებში არ მიიღებს მონაწილეობას.

ალასანიამ ამ მისიაში საქართველოს შესაძლო მონაწილეობაზე პირველი განცხადება შაბათ-კვირას გერმანიის მარშალის ფონდის ყოველწლიურ ბრიუსელის ფორუმში მონაწილეობის დროს გააკეთა.

„კარგა ხანია მივიღეთ შემოთავაზება ევროკავშირისგან, რომ განვიხილოთ ჩვენი თანამონაწილეობის შესაძლებლობა ევროპის უსაფრთხოებისა და თავდაცვის სტრუქტურებში. ამის შესახებ ჩვენ მთავრობაში გვქონდა მსჯელობა და მივიღეთ პოლიტიკური გადაწყვეტილება, რომ საქართველოს სასიცოცხლო ინტერესებში შედის უფრო მეტად დაუახლოვდეს ევროპას, ევროკავშირს და ასევე, თავდაცვისა და უსაფრთხოების სტრუქტურებს. აქედან გამომდინარე, პოლიტიკური გადაწყვეტილების შემდეგ, დავიწყეთ მოლაპარაკების პროცესი ევროკავშირთან და მის საგარეო უსაფრთხოების სტრუქტურებთან, თუ რა სახის კონკრეტული, რა ფორმის თანამონაწილეობა ექნება საქართველოს“, - განაცხადა ალასანიამ და დასძინა, რომ მეტი ინფორმაცია დეტალების დადგენის შემდეგ გახდება საჯარო.

ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა კეტრინ ეშტონმა ნოემბერში საქართველოში ვიზიტის დროს განაცხადა, რომ მიიწვია თბილისი მოლაპარაკებების დასაწყებად ჩარჩო ხელშეკრულებაზე, რომელიც ევროკავშირის კრიზისის მართვის ოპერაციებში საქართველოს მონაწილეობას უკავშირდება.

გასულ ივნისს, მაშინდელმა საგარეო საქმეთა მინისტრმა გრიგოლ ვაშაძემ განუცხადა Civil.ge-ს, რომ თბილისი კონსულტაციებს აწარმოებდა ევროკავშირთან საერთო უსაფრთხოებისა და თავდაცვის პოლიტიკის (CSDP) მისიებში მონაწილეობის თაობაზე ჩარჩო შეთანხმების გაფორმებასთან დაკავშირებით.

უახლესი ამბები
28 მარ.'17 17:29
ევროკავშირის და საქართველოს ოფიციალური პირები უვიზო მიმოსვლას Twitter-ზე ეხმიანებიან
საქართველოს მოქალაქეებს შენგენის ზონაში მოგზაურობისთვის ვიზები აღარ სჭირდებათ.
28 მარ.'17 16:41
უვიზო მიმოსვლა საქართველოს ევროპულ ამბიციებს აძლიერებს
„ჩვენი ამბიციაა, საქართველო გახდეს ევროკავშირის სრულფასოვანი წევრი“, განაცხადა საგარეო საქმეთა მინისტრმა.
28 მარ.'17 14:32
შინაგან საქმეთა მინისტრი უვიზო რეჟიმის დარღვევის პრევენციულ ზომებზე საუბრობს
ქართველი მესაზღვრეები „დეტალურად“ გაესაუბრებიან იმ მოქალაქეებს, რომლებიც შენგენის ქვეყნებში მიემგზავრებიან.
28 მარ.'17 12:40
საქართველო ევროკავშირთან უვიზო მიმოსვლას ზეიმობს
საქართველოს ოფიციალური პირები ათენსა და ბრიუსელში გაემგზავრნენ შენგენის ზონაში უვიზო მიმოსვლის ამოქმედების აღსანიშნავად.
27 მარ.'17 17:02
სეპარატისტულ აფხაზეთში საპარლამენტო არჩევნების მეორე ტური გაიმართა
საპარლამენტო მანდატების 86 პროცენტი დამოუკიდებელმა კანდიდატებმა მოიპოვეს.
27 მარ.'17 12:42
გაეროს ადამიანის უფლებათა საბჭო აფხაზეთსა და სამხრეთ ოსეთში ‘დაუყონებლივ შესვლის’ უფლებას ითხოვს
რეზოლუცია 18 ხმით მიიღეს 5-ის წინააღმდეგ, 24-მა კი თავი შეიკავა.
26 მარ.'17 12:30
რუსთავი 2-ის მფლობელები საკონტროლო პაკეტს თანამშრომლებს გადასცემენ
ამ მოულოდნელი გარიგების დეტალები ჯერჯერობით უცნობია.
25 მარ.'17 15:56
შინაგან საქმეთა მინისტრი ბრიუსელთან მჭიდრო პარტნიორობის პირობას დებს
მღებრიშვილმა პარტნიორები ბრიუსელში დაარწმუნა, რომ ქართველები უვიზო მიმოსვლისთვის მზად არიან.
25 მარ.'17 11:26
მოსკოვი თბილისს ჟენევის დისკუსიების წინააღმდეგ ‘საბოტაჟის’ მცდელობაში ადანაშაულებს
საქართველოს „პოლიტიკური სპექტაკლი“ კონფრონტაციულ ატმოსფეროს ქმნის 28-29 მარტის მოლაპარაკებების წინ, აცხადებს მოსკოვი.
24 მარ.'17 18:28
უკრაინა გმობს აფხაზეთის და სამხრეთ ოსეთის არჩევნებს
უკრაინა მხარს უჭერს საქართველოს სუვერენიტს და ტერიტორიულ მთლიანობას, განაცხადა ქვეყნის ელჩმა ეუთოში.  

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
21