Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
ფანჯიკიძის თქმით, პრეზიდენტი ახალი ელჩების დანიშვნას აჭიანურებს
სივილ ჯორჯია, თბილისი / 16 მარ.'13 / 13:32

საგარეო საქმეთა მინისტრმა მაია ფანჯიკიძემ პრეზიდენტი სააკაშვილი იმ ცხრა ახალი ელჩის დანიშვნის განზრახ გაჭიანურებაში დაადანაშაულა, რომელთა კანდიდატურებიც პარლამენტმა უკვე დაამტკიცა.

ცხრა ელჩის კანდიდატურა, მათ შორის ვაშინგტონსა და ბრიუსელში დიპლომატიურ პოსტებზე, პარლამენტმა 20 თებერვალს დაამტკიცა. ახალი კანდიდატები პრეზიდენტმა სააკაშვილმა წარადგინა, როგორც ამას კანონი მოითხოვს, თუმცა რეალურად კანდიდატები პრემიერ–მინისტრ ივანიშვილის მთავრობამ შეარჩია.

„მე ვერაფრით ვერ წარმოვიდგენდი, რომ ასეთი უპასუხისმგებლო საქციელი შეიძლებოდა პრეზიდენტისა და მისი გუნდის მხრიდან. თუკი პრეზიდენტი აცხადებს, რომ იგი პატივს სცემს ქართველი ხალხის ნებას, რომელმაც აირჩია ეს პარლამენტი და შესაბამისად, ეს მთავრობა, მაშინ პარლამენტის მიერ დამტკიცებული ელჩების დანიშვნის ხელის მოწერას რა უდგას წინ?“, – განაცხადა საგარეო საქმეთა მინისტრმა ტელეკომპანია „რუსთავი 2“–ის გადაცემაში „პოზიცია“ საუბრისას 15 მარტს.

მისი თქმით, კანონი რაიმე ზღვრულ ვადებს არ უწესებს პრეზიდენტს ელჩების დანიშვნაზე ხელმოსაწერად. „მას შეუძლია ეს გაჭიმოს კიდევ დიდხანს“, – განაცხადა ფანჯიკიძემ.

„დღესაც რომ მოაწეროს ხელი, პროცედურა, რომელიც შემდეგ უნდა გაიაროს ელჩის კანდიდატურამ, იმდენ დროს მოითხოვს, რომ ჩვენ შეიძლება რეალურად ზაფხულამდე ელჩები ვერ გავუშვათ“, – განაცხადა საგარეო საქმეთა მინისტრმა.    

მან განაცხადა, რომ ამჟამად საქართველოს არ ყავს ელჩები 14 ქვეყენაში და დასძინა, რომ ეს არ უწყობს ხელს საგარეო პოლიტიკური მიზნების ეფექტურ განხორციელებას.

„თანაცხოვრების ეს ელემენტი, რომელიც ასეთი მნიშვნელოვანია ჩვენი ქვეყნისთვის იმიტომ, რომ ეს უკავშირდება ჩვენი ქვეყნის საგარეო პოლიტიკის წარმატებას, მათ შორის ევროკავშირთან, ნატოსთან, დე–ოკუპაციასთან მიმართებაში – ყველაფერ ამას სჭირდება გამართული ძლიერი დიპლომატიური კორპუსი, ხოლო პრეზიდენტი და მისი გუნდი ხელოვნურად ქმნიან ბარიერებს, რომ დიპლომატიურმა კორპუსმა ვერ იმუშავოს გამართულად. ეს მე მიმაჩნია, რომ არის ანტისახელმწიფოებრივი ქმედება“, – განაცხადა ფანჯიკიძემ. 

საგარეო საქმეთა მინისტრმა განაცხადა, რომ ეს ხდება მაშინ, როდესაც ევროკავშირის აღმოსავლეთ პარტნიორობის ვილნიუსის სამიტი ახლოვდება და როდესაც ევროკავშირთან ასოცირების შესახებ შეთანხმების ტექსტზე მუშაობის საბოლოო ეტაპი მიმდინარეობს. ფანჯიკიძემ ასევე აღნიშნა, რომ იგი ელის, რომ ასოცირების შესახებ ხელშეკრულების ტექსტზე მუშაობა მიმდინარე თვეში დასრულდება; მისი თქმით, ამის შემდეგ ევროკავშირის წევრი სახელმწიფოები დაამტკიცებენ ამ ტექსტს, რის შემდეგაც მისი პარაფირება მოხდება.     

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
53