Civil.ge-ს შესახებ
Eng | ქარ | Рус
ბოლო განახლება: 23:53 - 22 სექ.'17
RSS
Mobile
Twitter
Facebook
სასამართლო ხელისუფლება და მთავრობა იუსტიციის უმაღლესი საბჭოს რეფორმის გეგმას განიხილავს
სივილ ჯორჯია, თბილისი / 15 მარ.'13 / 13:09

მთავრობასთან კონსულტაციები მიმდინარეობს იმასთან დაკავშირებით, თუ როგორ უნდა აისახოს ვენეციის კომისიის რეკომენდაციები საერთო სასამართლოების შესახებ კანონში ცვლილებების პროექტში, რომელიც სხვა საკითხებთან ერთად, იუსტიციის უმაღლესი საბჭოს რეფორმირებას ითვალისწინებს, განაცხადა უზენაესი სასამართლოს თავმჯდომარემ კოტე კუბლაშვილმა 14 მარტს.

მისი თქმით, მას შემდეგ, რაც ვენეციის კომისიამ დასკვნა გამოაქვეყნა, მას საუბარი ჰქონდა იუსტიციის მინისტრთან და პრემიერ–მინისტრთან.

„ჩემი მიზანი არის, რომ განუხრელად ყველაფერი, რასაც დაწერს ვენეციის კომისია, გადმოვიტანოთ ჩვენს პროექტში. ამაზე პრემიერ–მინისტრიც დამეთანხმა და იუსტიციის მინისტრმაც ძირითადში თანხმობა გამოთქვა, თუმცა რაღაც განსხვავებული ვარიანტიც შემოგვთავაზა. ჩვენ ამაზე ვმსჯელობთ. მე არ მინდა წინ გავუსწრო მოვლენებს. მე მგონი ისე მიმდინარეობს ეს შემხვედრები – რამდენჯერმე შევხვდი უკვე – რომ მოვაღწევთ საერთო მიზანს, რაც არის ვენეციის კომისიის დასკვნის შესრულება“, – განაცხადა მან.     

ვენეციის კომისიამ განაცხადა, რომ ცვლილებები საერთო სასამართლოების შესახებ კანონს „ევროპულ სტანდარტებს უახლოვებს“ და იუსტიციის უმაღლესი საბჭოს „დამოუკიდებლოებისთვის პროგრესს წარმოადგენს“.

თუმცა, კომისიამ ასევე აღნიშნა, რომ ზოგიერთი შემოთავაზება „სადავოა“, მათ შორის ის დებულება, რომელიც იუსტიციის უმაღლესი საბჭოს მოქმედი წევრების უფლებამოსილების ვადამდელ შეწყვეტას ითვალისწინებს. ვენეციის კომისია ურჩევს, რომ არ მოხდეს საბჭოს სრული განახლება, იმის მიუხედავად რომ საბჭოს არსებული დაკომპლექტების წესი შესაძლოა „არადამაკმაყოფილებელი" იყოს.

იუსტიციის მინისტრმა თეა წულუკიანმა, რომლის სამინისტროც არის რეფორმის ინიციატორი, განაცხადა 15 მარტს, რომ მიღწეულია შეთანხმება, რომლის ფარგლებშიც სასამართლოების თავმჯდომარეებს უფლება ექნებათ მოსამართლეთა კონფერენციის მიერ იუსტიციის უმაღლესი საბჭოს წევრებად იქნენ არჩეული. თავდაპირველი გეგმით, სასამართლოების თავმჯდომარეებს ეკრძალებოდათ იუსტიციის უმაღლეს საბჭოს წევრობა. თუმცა, მან ასევე განაცხადა, რომ იუსტიციის სამინისტრო კვლავაც მოითხოვს იმ წესის მიღებას, რომელიც ითვალისწინებს იუსტიციის უმაღლესი საბჭოს რვიდან შვიდი მოქმედი მოსამართლის უფლებამოსილების შეჩერებას იმ მოტივით, რომ ისინი საბჭოს წევრები იმ წესების საფუძველზე გახდნენ, რომლებიც არ შეესაბამება ახალ წესებს, რომელთა შემოღებაც იგეგმება.

უახლესი ამბები
22 სექ.'17 23:53
საქართველოს ხელისუფლება ოკუპირებულ სამხრეთ ოსეთში ქართველთა სახლების განადგურებას ეხმაურება
სოფელ ერედვში მიმდინარე სამუშაოებს საქართველოს ხელისუფლება „გენოციდის გაგრძელებად“ აფასებს. 
22 სექ.'17 22:53
მთავრობამ აშშ-ში ლობირებისთვის თითქმის მილიონი დახარჯა
სულ ბოლოს მთავრობამ კომპანია StrateVarious LLC-სთან მოაწერა კონტრაქტს ხელი.
22 სექ.'17 17:17
კვირიკაშვილი: საქართველო იზრდება, ის არის სიცოცხლით სავსე და მტკიცე გამოწვევებთან ბრძოლაში
საქართველოს პრემიერ-მინისტრი გაეროს გენერალურ ასამბლეაზე სიტყვით გამოვიდა.
22 სექ.'17 17:00
ადგილობრივ არჩევნებზე 23 პარტია, 5 საარჩევნო ბლოკი და 200-ზე მეტი საინიციატივო ჯგუფი დარეგისტრირდა
რამდენიმე დღეში საარჩევნო ადმინისტრაცია სარეგისტრაციო პროცედურებს დაასრულებს და კანდიდატთა საბოლოო სიებს გამოაქვეყნებს.
22 სექ.'17 12:00
პრემიერ-მინისტრის გამოსვლა გაეროს გენერალურ ასამბლეაზე
გიორგი კვირიკაშვილი ნიუ-იორკში საქართველოს დელეგაციას ხელმძღვანელობს. 
21 სექ.'17 18:36
რუსეთი სოხუმში საბაჟო პუნქტს გახსნის
პუნქტი მთელ აფხაზეთს მოიცავს, რუსეთის კანონმდებლობით იმუშავებს, მისი თანამშრომლები კი იმუნიტეტით ისარგებლებენ.
21 სექ.'17 18:19
მმართველი პარტია ბონუსის სისტემაზე უარს ამბობს
მომდევნო საპარლამენტო არჩევნებზე, პარტიებს საარჩევნო ბლოკებში გაერთიანების უფლება ექნებათ.
21 სექ.'17 17:49
რესპუბლიკური პარტია ერთნაირი სქესის მქონე პირთათვის სამოქალაქო პარტნიორობას ლობირებს
პარტიამ 2016 წლის საპარლამენტო არჩევნებში დამოუკიდებლად მიიღო მონაწილეობა, თუმცა ხმების საკმარისი რაოდენობა ვერ მოიპოვა.
21 სექ.'17 12:04
საქართველო ღია მმართველობის პარტნიორობის თავმჯდომარე გახდა
პრემიერ-მინისტრმა კვირიკაშვილმა OGP-ის თავმჯდომარეობა საფრანგეთის პრეზიდენტისგან ოფიციალურად გადაიბარა.
20 სექ.'17 17:58
რუსი მინისტრი: მოსკოვი სამხრეთ ოსეთის მიმართ აღებულ ფინანსურ ვალდებულებებს ‘ადასტურებს’
მინისტრი ჩრდილოეთ კავკასიის საკითხებში ლევ კუზნეცოვი ორდღიანი სამუშაო ვიზიტით ცხინვალს სტუმრობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
31