Civil.ge-ს შესახებ
Eng | ქარ | Рус
ბოლო განახლება: 15:56 - 25 მარ.'17
RSS
Mobile
Twitter
Facebook
ეროვნული კომუნიკაციების კომისიის საქმიანობას პარლამენტის საგამოძიებო კომისია შეისწავლის
სივილ ჯორჯია, თბილისი / 7 მარ.'13 / 20:45

საქართველოს ეროვნული კომუნიკაციების კომისიის საქმიანობის შესწავლის მიზნით პარლამენტში საგამოძიებო კომისია  3 თვის ვადით და 12 დეპუტატის შემადგენლობით შეიქმნება პარლამენტში წარდგენილი საჩივრის საფუძველზე. 

ამგვარი კომისიის შექმნის მიზანშეწონილობას დეპუტატებმა 7 მარტის სხდომაზე დაუჭირეს მხარი, რასაც მოგვიანებით ასევე უნდა მოჰყვეს გადაწყვეტილება კომისიის შექმნისა და მისი დაკომპლექტების თაობაზე იმ პრინციპით, რომ მასში საპარლამენტო უმრავლესობის წარმომადგენლობა ნახევარს ანუ 6 წევრს არ აღემატებოდეს.

კომისიის შექმნის ინიციატორმა, დარგობრივი ეკონომიკის კომიტეტის თავმჯდომარემ ქართული ოცნებიდან ზურაბ ტყემალაძემ განაცხადა, რომ კომისიის შექმნა განაპირობა იმ საჩივარმა, რომელიც ეროვნული კომუნიკაციების კომისიის წინააღმდეგ მის კომიტეტში სატელეფონო კომუნიკაციების კომპანიებმა, მათ შორის „ახტელმა“ და „ახალმა ქსელებმა“ წარადგინეს.

ამ საჩივარზე დაყრდნობით, მისი თქმით, საგამოძიებო კომისიის გამოსაკვლევი საკითხი იქნება კომუნიკაციების ეროვნული კომუნიკაციების წევრთა მხრიდან შესაძლო დარღვევები, მათ შორის თანამდებობის ბოროტად გამოყენების, დოკუმენტების გაყალბების, სასამართლო გადაწყვეტილებების შეუსრულებლობის, კომისიის წევრების ინტერესთა კონფლიქტის შემთხვევების თაობაზე.

ამ პრეტენზიების დადასტურების შემთხვევაში, ტყემალაძის თქმით, „სერიოზულ დარღვევებთან გვაქვს საქმე“.

მისივე თქმით, საგამოძიებო კომისიის შექმნის სასარგებლოდ არჩევანი პროცესის მეტი გამჭირვალობის უზრუნველსაყოფად  გაკეთდა ნაცვლად იმისა, რომ მასალები შესასწავლად პირდაპირ პროკურატურისთვის გადაეგზავნათ.

დეპუტატებს ნაციონალური მოძრაობიდან პლენარულ სხდომაზე საკითხის განხილვისას არანაირი მოსაზრება არ გამოუთქვამთ. როგორც დეპუტატმა ნაციონალური მოძრაობიდან ლევან ბეჟაშვილმა ჟურნალისტებს განუცხადა, მისი პოლიტიკური ძალა მიიღებს მონაწილეობას საგამოძიებო კომისიის მუშაობაში.

კანონმდებლობის მიხედვით, პარლამენტში დროებითი საგამოძიებო კომისია სახელმწიფო ორგანოებისა და თანამდებობის პირების მიერ საქართველოს კანონმდებლობის დარღვევის ფაქტების გამოკვლევისა და შესაბამისი რეაგირების მიზნით, ან განსაკუთრებით მნიშვნელოვანი სახელმწიფო და საზოგადოებრივი საკითხების შესასწავლად იქმნება. საგამოძიებო კომისიის მოთხოვნით მის სხდომაზე გამოცხადება, აგრეთვე საკითხის გამოკვლევისათვის აუცილებელი საბუთების წარდგენა სავალდებულოა.

უახლესი ამბები
25 მარ.'17 15:56
შინაგან საქმეთა მინისტრი ბრიუსელთან მჭიდრო პარტიორობის პირობას დებს
მღებრიშვილმა პარტნიორები ბრიუსელში დაარწმუნა, რომ ქართველები უვიზო მიმოსვლისთვის მზად არიან.
25 მარ.'17 11:26
მოსკოვი თბილისს ჟენევის დისკუსიების წინააღმდეგ ‘საბოტაჟის’ მცდელობაში ადანაშაულებს
საქართველოს „პოლიტიკური სპექტაკლი“ კონფრონტაციულ ატმოსფეროს ქმნის 28-29 მარტის მოლაპარაკებების წინ, აცხადებს მოსკოვი.
24 მარ.'17 18:28
უკრაინა გმობს აფხაზეთის და სამხრეთ ოსეთის არჩევნებს
უკრაინა მხარს უჭერს საქართველოს სუვერენიტს და ტერიტორიულ მთლიანობას, განაცხადა ქვეყნის ელჩმა ეუთოში.  
24 მარ.'17 17:58
საქართველო უარყოფს სომხეთში სამხედრო შეიარაღების ტრანზიტს
საქართველოს ოფიციალურმა პირებმა სომხეთში სამხედრო შეიარაღების სავარაუდო ტრანზიტის შესახებ ორი დამოუკიდებელი ინფორმაცია უარყვეს.
24 მარ.'17 14:21
ეროვნული უშიშროების საბჭომ ნატოსა და აფხაზეთზე იმსჯელა
სხდომაზე შავი ზღვის უსაფრთხოება, ნატო-საქართველოს ურთიერთობები, თავდაცვის რეფორმა და უსაფრთხოების სტრატეგიის განახლება განიხილეს.
23 მარ.'17 17:59
ჯანელიძემ ტერორიზმის წინააღმდეგ გლობალური კოალიციის მინისტერიალში მიიღო მონაწილეობა
გლობალური კოალიციის მინისტერიალს 22 მარტს აშშ-ის სახელმწიფო მდივანმა რექს ტილერსონმა უმასპინძლა.
23 მარ.'17 16:58
ევროპის კონსერვატორებისა და რეფორმატორების ალიანსის განცხადება რუსთავი 2 -ის დავაზე
ალიანსს „სჯერა“, რომ საქართველო განაგრძობს ქვეყანაში მედია პლურალიზმის და მედია თავისუფლების მხარდაჭერას.
23 მარ.'17 14:16
პარლამენტმა ფარული მოსმენების შესახებ კანონპროექტზე პრეზიდენტის ვეტო დაძლია
პრეზიდენტის მოტივირებულ შენიშვნებს უმრავლესობის დეპუტატები არ დაეთანხმდნენ და მას "პოლიტიკურად" მოტივირებული უწოდეს. 
22 მარ.'17 18:03
საქართველოს ლიდერებმა მარნეულის მოსახლეობას ნოვრუზ ბაირამის დღესასწაული მიულოცეს
მარგველაშვილი და კვირიკაშვილი მარნეულში ნოვრუზ ბაირამის საზეიმო ღონისძიებას დაესწრნენ.  
22 მარ.'17 15:21
ევროპის საბჭოს კონგრესი: აფხაზეთის და სამხრეთ ოსეთის არჩევნები ‘უკანონოა’
კონგრესის პრეზიდენტმა გუდრუნ მოსლერ-ტორსტრომ განცხადება 21 მარტს გამოაქვეყნა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
71