Civil.ge-ს შესახებ
Eng | ქარ | Рус
ბოლო განახლება: 18:40 - 20 იან.'17
RSS
Mobile
Twitter
Facebook
სისხლის სამართლის კოდექსში სასჯელთა უპირობო შეკრებითობის პრინციპი იცვლება
სივილ ჯორჯია, თბილისი / 7 მარ.'13 / 20:25

პარლამენტმა პირველი მოსმენით მიიღო სისხლის სამართლის კოდექსში ცვლილებები, რომლითაც სასჯელთა უპირობო შეკრებითობის პრინციპი იცვლება; საკანონმდებლო ცვლილებებს ასევე ექნება უკუქმედების ძალა იმ მსჯავრდებულთა მიმართ, რომლებიც სასჯელს შეკრებითობის საფუძველზე იხდიან. 

კანონპროეტის თანახმად, დანაშაულთა ერთობლიობის შემთხვევაში მოსამართლის მიერ სასჯელის დანიშვნისას უფრო მკაცრი სასჯელი შთანთქავს ნაკლებად მკაცრს.

დღეს მოქმედი რეგულაციით, დანაშაულთა ერთობლიობის დროს ყველაზე მძიმე სასჯელს ემატება დანარჩენი სასჯელების ნახევარი ან სრული ვადა, როგორც ამას სასამართლო მიიჩნევს მიზანშეწონილად.

ცვლილებების პროექტი ცალკე გამოყოფს და არეგულირებს დანაშაულის რეციდივს ანუ შემთხვევას, როცა ადგილი აქვს განზრახი დანაშაულისათვის ნასამართლები პირის მიერ განზრახი დანაშაულის ხელახალ ჩადენას. ამგვარ შემთხვევაში დანაშაულთა ერთობლიობის დროს მოსამართლე წყვეტს გამოიყენოს სასჯელთა შთანთქმის წესი თუ ნაწილობრივ ან მთლიანად შეკრიბოს ამ დანაშაულთათვის განსაზღვრული სასჯელები. შეკრების შემთხვევაში, კანონპროექტის თანახმად, საბოლოო სასჯელის ვადა არ უნდა აღემატებოდეს 30 წელს.

ამჟამად მოქმედი უპირობო შეკრებითობის წესი, მთავრობის განცხადებით, რომელიც საკანონმდებლო ცვლილებების ინიციატორია, განაპირობებდა „მკაცრი და არააადეკვატური“ სასჯელების შეფარდებას, რაც თავის მხრივ გრძელვადიანი პატიმრების რიცხვის ზრდასა და ციხეების გადატვირთულობას იწვევდა.

ახალ წესს, მისი დამტკიცების შემთხვევაში, უკუქმედების ძალა ექნება იმ მსჯავრდებულთა მიმართ, რომლებსაც კანონში ცვლილებების შეტანამდე ჩადენილ დანაშაულთა ერთობლიობის გამო სასჯელი შეკრებითობის წესით ჰქონდათ დანიშნული. მათ სასამართლოებს განაჩენის გადასინჯვის მოთხოვნით კანონის ამოქმედებიდან 3 თვეში უნდა მიმართონ.

ამან შესაძლოა გამოიწვიოს კიდევ უფრო მეტი პატიმრის გათავისუფლება იმ მოცემულობის გათვალისწინებით, რომ მთავრობის მიერ განხორციელებული ფართომასშტაბიანი ამნისტია ყველა პატიმარს შეეხო სასჯელის მეტ-ნაკლები შემსუბუქების მხრივ.

საქართველოში პატიმართა რაოდენობა ბოლო ერთ წელიწადში ნახევარზე მეტით შემცირდა შარშან იანვარში არსებული 24 079-დან.   

უახლესი ამბები
20 იან.'17 18:40
ნაციონალურმა მოძრაობამ ყრილობაზე განახლებული პოლიტსაბჭო დაამტკიცა
პარტიის თავმჯდომარის პოსტი მიხეილ სააკაშვილისთვის ვაკანტური დარჩა, პოლიტსაბჭოს ხელმძღვანელად კი დეპუტატი ნიკა მელია იქნა არჩეული.
20 იან.'17 17:32
კვირიკაშვილი: „გაზპრომთან“ სატრანზიტო შეთანხმებაში ‘საზეიმო არაფერი არ არის’
მისი თქმით, საქართველომ დაიცვა თავისი ინტერესები და „მიაღწია მაქსიმალურად იმ შედეგს, რისი მიღწევაც იყო შესაძლებელი“.
20 იან.'17 15:59
აშშ-ის პრეზიდენტის ინაუგურაციაში საქართველო ელჩის დონეზე მონაწილეობს
ელჩი დავით ბაქრაძე ცერემონიალის განრიგით გათვალისწინებულ ყველა ოფიციალურ ღონისძიებას დაესწრება.
20 იან.'17 14:51
ვენეციის კომისიის პრეზიდენტი თბილისში შეხვედრებს მართავს
ჯანი ბუკიკიოს ვიზიტი საქართველოში დაგეგმილ საკონსტიტუციო რეფორმას უკავშირდება, იტყობინება ვენეციის კომისია.
20 იან.'17 12:06
კვირიკაშვილი დავოსში პოროშენკოს შეხვდა
საქართველოს პრემიერ-მინისტრმა ასევე გამართა შეხვედრები თავის ხორვატ და სერბ კოლეგებთან.
19 იან.'17 22:49
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
19 იან.'17 12:54
ესპანეთის პრემიერ-მინისტრმა კვირიკაშვილთან შეხვედრაზე საქართველოს მიმართ „მზარდი ინტერესი“ გამოხატა
საქართველოს პრემიერ-მინისტრი მადრიდში ვიზიტის ფარგლებში ასევე შეხვდა ესპანეთის მეფეს.
18 იან.'17 18:05
უსუფაშვილი პოლიტიკურ გეგმებზე საუბრობს
ყოფილი პარლამენტის თავმჯდომარე მომავალ საპარლამენტო არჩევნებზე „სერიოზული წარმატების“ მიღწევას გეგმავს.
18 იან.'17 16:52
ცხინვალმა საპრეზიდენტო არჩევნების თარიღი დანიშნა
სეპარატისტულ სამხრეთ ოსეთში საპრეზიდენტო არჩევნები 9 აპრილს გაიმართება.
18 იან.'17 14:44
პოლიტიკური რეიტინგები NDI–ის დაკვეთილ კვლევაში
ქართული ოცნება არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
70