Civil.ge-ს შესახებ
Eng | ქარ | Рус
ბოლო განახლება: 19:58 - 19 ოქტ.'17
RSS
Mobile
Twitter
Facebook
საზოგადოებრივი მაუწყებლის სამეურვეო საბჭომ გენერალურ დირექტორი თანამდებობიდან გაათავისუფლა
სივილ ჯორჯია, თბილისი / 4 მარ.'13 / 22:26

საზოგადოებრივი მაუწყებლის სამეურვეო საბჭომ გენერალური დირექტორი გიორგი ბარათაშვილი, რომელიც ამ პოსტზე დეკემბრის ბოლოს 6 წლის ვადით აირჩია,  თანამდებობიდან გაათავისუფლა.

ეს გადაწყვეტილება სამეურვეო საბჭომ 4 მარტის სხდომაზე მიიღო, სადაც განიხილავდა პირველი არხის საინფორმაციო სამსახურის ყოფილი ხელმძღვანელის ხათუნა ბერძენიშვილის ბრალდებებს გენერალური დირექტორის მიმართ.

გასული კვირის ბოლოს ბერძენიშვილმა საზოგადოებრივი მაუწყებლის გენერალური დირექტორი საინფორმაციო სამსახურის სარედაქციო პოლიტიკაში ჩარევაში დაადანაშაულა მას შემდეგ, რაც გიორგი ბარათაშვილმა ის თანამდებობიდან გაათავისუფლა. მისი თქმით, ბარათაშვილი მისგან მთავრობის სასარგებლოდ მოითხოვდა ახალი ამბების გაშუქებას. ბარათაშვილმა ეს ბრალდებები უარყო და განაცხადა, რომ ბერძენიშვილი თანამდებობიდან რეაორგანიზაციის ფარგლებში გაუშვა, თუმცა სანაცვლოდ მას დირექტორის მრჩევლად ერთწლიანი კონტრაქტი შესთავაზა.

სამეურვეო საბჭომ 4 მარტს დახურულ სხდომაზე ორივე მხარეს მოუსმინა, რის შემდეგაც გიორგი ბარათაშვილი თანამდებობიდან გაათავისუფლა. მის მოვალეობას, პირველი არხის ცნობით, არხის მენეჯმენტის თანამშრომელი გიორგი ბაქრაძე შეასრულებს. 

სამეურვეო საბჭოს თავმჯდომარემ ლევან გახელაძემ გადაწყვეტილების მოტივებს შორის დაასახელა ის, რომ საბჭო „ვალდებულია მაუწყებელი დაიცვას შესაძლო პოლიტიკური ზეგავლენებისგან და უზრუნველყოს მაუწყებლის რეპუტაცია“, მან ასევე უპასუხისმგებლო უწოდა „კრიზისული ვითარების შექმნას“, იმ პირობებში, როდესაც „მაუწყებელზე ხორციელდება მრავალმხრივი ზეწოლა“. მან ასევე განაცხადა, რომ ეს გადაწყვეტილება არ უნდა იქნას ინტერპრეტირებული, როგორც საკადრო საკითხებში სამეურვეო საბჭოს ჩარევის მცდელობა. 

ბარათაშვილი, რომელმაც საბჭოს გადაწყვეტილებას უსამართლო უწოდა, საზოგადოებრივი მაუწყებლის დირექტორად სამეურვეო საბჭომ კონკურსის შედეგად მას შემდეგ აირჩია, რაც მისმა წინამორბედმა გია ჭანტურიამ თანამდებობა საკუთარი განცხადების საფუძველზე დეკემბერში დატოვა.

უახლესი ამბები
19 ოქტ.'17 19:58
საქართველოს პრეზიდენტმა საკონსტიტუციო ცვლილებებს ხელი მოაწერა
ახალი კონსტიტუცია მომდევნო საპრეზიდენტო არჩევნების შემდეგ ამოქმედდება.
19 ოქტ.'17 18:29
არასამთავრობოები სახალხო დამცველის შესარჩევ პროცესში ჩართვას ითხოვენ
ახალ ომბუდსმენს პარლამენტი, სავარაუდოდ, ნოემბერში აირჩევს.
19 ოქტ.'17 16:09
საქართველომ ბუკის ტიპის საჰაერო თავდაცვის სისტემა ნიდერლანდებს გადასცა
ნიდერლანდების თხოვნა MH17 რეისის სამგზავრო თვითმფრინავის ავიაკატასტროფის თაობაზე მიმდინარე გამოძიებას უკავშირდებოდა.
19 ოქტ.'17 14:06
საქართველოს საგარეო ვაჭრობა 2017 წლის იანვარ–სექტემბერში
2017 წლის პირველ ცხრა თვეში საქართველოს საგარეო ვაჭრობამ 7.56 მილიარდი აშშ დოლარი შეადგინა.
18 ოქტ.'17 14:18
საპარლამენტო კომიტეტებმა 2018 წლის სახელმწიფო ბიუჯეტის პირველადი ვარიანტის განხილვა დაასრულეს
მთავრობა ბიუჯეტის გადამუშავებულ ვარიანტს პარლამენტს არაუგვიანეს 5 ნოემბრისა წარუდგენს.
18 ოქტ.'17 13:09
სოხუმი ეთნიკური ქართველებისთვის ახალ შეზღუდვებს ამზადებს
ოკუპირებული აფხაზეთის ხელისუფლება გალის რაიონის 4 000 ეთნიკური ქართველისთვის თავისუფალი გადაადგილების უფლების შეზღუდვას გეგმავს.      
17 ოქტ.'17 19:05
ქალები ხელისუფლებაში: საქართველო ევროპის საბჭოს ანგარიშში
ანგარიში ევროპის საბჭოს 46 წევრ ქვეყანაში ქალთა პოლიტიკური მონაწილეობის საკითხს მიმოიხილავს.
17 ოქტ.'17 18:27
თბილისში აფხაზეთის კონფლიქტის დროს დაღუპულთა ნეშტები დაკრძალეს
აფხაზეთის კონფლიქტის დროს დაღუპული 25 პირის ნეშტი ცოტა ხნის წინ მათ ოჯახებს გადასცეს.
17 ოქტ.'17 13:13
ლავროვი: მოსკოვი პატივს სცემს სამხრეთ ოსეთის სუვერენიტეტს
ლავროვი ახალგაზრდობის და სტუდენტთა მე-19 მსოფლიო ფესტივალის ფარგლებში სიტყვით გამოვიდა.
17 ოქტ.'17 12:08
თხილის მოსავლის განადგურების გამო კომპენსაციის მოთხოვნით ზუგდიდში აქცია გაიმართა
ადგილობრივი მოსახლეობა ხელისუფლებისგან აზიური ფაროსანასგან მიყენებული ზარალის კომპენსაციას ითხოვს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
68