Civil.ge-ს შესახებ
Eng | ქარ | Рус
ბოლო განახლება: 19:57 - 25 სექ.'17
RSS
Mobile
Twitter
Facebook
სააკაშვილი ივანიშვილს დღეს არ შეხვდა და შეხვედრას ორშაბათს სთავაზობს
სივილ ჯორჯია, თბილისი / 1 მარ.'13 / 15:52

მას შემდეგ, რაც პრემიერ-მინისტრმა ბიძინა ივანიშვილმა განაცხადა, რომ 1 მარტს მისი და პრეზიდენტის დაგეგმილი შეხვედრა ჩაიშალა, პრეზიდენტის ადმინისტრაციამ განაცხადა, რომ მიხეილ სააკაშვილი მზადაა ბიძინა ივანიშვილს ორშაბათს დილით შეხვდეს „იქ, სადაც პრემიერს სურს“.

„დღეს უნდა შევხვედროდი სააკაშვილს და გადაიფიქრა რატომღაც. დიდი აჟიოტაჟი ატეხეს“, - განაცხადა ივანიშვილმა მთავრობის დღევანდელ სხდომაზე, „რაღაც ‘პაეზდკაში’ მივდივარო, უთქვამს, ორშაბათამდე არ მცალიაო. რაღაც კაი საქმეს გვიკეთებს ეტყობა, ზრუნავს ქვეყანაზე“.

პარლამენტის თავმჯდომარის დავით უსუფაშვილის ინფორმაციით, პრემიერი მზად იყო მიხეილ სააკაშვილს დღეს 15-დან 18 საათამდე დროის მონაკვეთში შეხვედროდა, რაზეც „იყო კიდეც წინასწარი საუბარი“, თუმცა „გუშინ გვიან ღამე მე მაცნობეს, რომ პრეზიდენტს არ შეუძლია კვირის ბოლომდე შეხვედრა, ვინაიდან სხვა მნიშვნელოვანი საქმეები აქვს და შესაძლოა ქვეყანაშიც არ იყოს“.

პრეზიდენტმა პრემიერ-მინისტრთან შეხვედრის სურვილი მას შემდეგ გამოთქვა, რაც 26 თებერვალს მას წერილობით მიმართა ბიძინა ივანიშვილმა, სადაც მოუწოდა „2-3 დღეში მკაფიოდ და ცალსახად“ დაეფიქსირებინა პოზიცია საკონსტიტუციო ცვლილებებზე, რომლის კენჭისყრაც მარტის ბოლომდე იგეგმება პარლამენტში და რომელიც პრეზიდენტის იმ უფლებამოსილების შეზღუდვას ისახავს მიზნად, რომელიც მას აძლევს უფლებას დაითხოვოს მთავრობა და დანიშნოს ახალი იმ შემთხვევაშიც კი, თუ პარლამენტი არ დაეთანხმება.

1 მარტს პრეზიდენტის პრესსპიკერმა მანანა მანჯგალაძემ განაცხადა, რომ შეხვედრის იდეა მიხეილ სააკაშვილს ეკუთვნოდა და ამიტომ „სრულიად გაუგებარი და უსაფუძვლოა, რომ მისი ჩაშლა პრეზიდენტს დაბრალდეს“.

„გუშინ საღამოს, პრემიერმა გამოთქვა ინიციატივა შეხვედრა დღეს შემდგარიყო, რაც პრეზიდენტის განრიგიდან გამომდინარე, ვერ ხერხდება. ამიტომ, პრეზიდენტის შეთავაზებაა, რომ შეხვედრა შედგეს ორშაბათს დილით“, - განაცხადა მანჯგალაძემ ბრიფინგზე.

მისი თქმით, მართალია პრეზიდენტს „რამდენიმე მნიშვნელოვანი ვიზიტი“ აქვს უცხოეთში, მაგრამ  „ის ყოველთვის მზად არის ქვეყნის შიგნით მიმდინარე ყველა პროცესში მიიღოს აქტიური და კონსტრუქციული მონაწილეობა“.

„ქვეყანის პირველი პირი ყველაფერს გააკეთებს, რათა მოლაპარაკების პროცესი შედგეს პოლიტიკური კრიზისის განსამუხტად. საქართველოს პრეზიდენტის ინტერესია, რომ შემდეგი კვირა დაიწყოს კონსტრუქციული დიალოგითა და შეთანხმებით. უნდა ითქვას, რომ დაგროვდა  საკმაოდ  ბევრი საკითხი და პრეზიდენტისა და პრემიერის მოვალეობაა, რომ გაუგებრობების განსამუხტად ყველაფერი გააკეთონ, ქვეყანაში შენარჩუნდეს სტაბილურობა, სამოქალაქო მშვიდობა და ქვეყანა დაუბრუნდეს განვითარების გზას“, - განაცხადა მანჯგალაძემ.

 

უახლესი ამბები
25 სექ.'17 19:57
პრეზიდენტი საკონსტიტუციო ცვლილებების მესამე მოსმენით მიღების წინააღმდეგ გამოდის
რიგგარეშე სხდომის მოწვევაზე პრეზიდენტის უარის მიუხედავად, პარლამენტი საკონსტიტუციო ცვლილებების საბოლოო მიღებისათვის 26 სექტემბერს შეიკრიბება.
25 სექ.'17 17:27
არჩევნები 2017: ყოველკვირეული მიმოხილვა №3
მიმოხილვის მესამე გამოცემაში 18-24 სექტემბრის კვირაში მომხდარ მნიშვნელოვან მოვლენებს გაგაცნობთ.
25 სექ.'17 15:42
ბალტიისპირეთის საგარეო საქმეთა სამინისტროები ევროკავშირში წევრობის პერსპექტივაზე
Civil.ge-მ აღმოსავლეთ პარტნიორობის მომავალ სამიტთან დაკავშირებით ევროკავშირის წევრი სახელმწიფოების საგარეო უწყებებს მიმართა.
25 სექ.'17 14:31
ვენეციის კომისია საქართველოს კონსტიტუციის პროექტის შესახებ
ვენეციის კომისიის თქმით, პროპორციულ სისტემაზე გადასვლის გადავადება სამწუხაროა, ხოლო ბონუსის სისტემა უნდა გაუქმდეს.
22 სექ.'17 23:53
საქართველოს ხელისუფლება ოკუპირებულ სამხრეთ ოსეთში ქართველთა სახლების განადგურებას ეხმაურება
სოფელ ერედვში მიმდინარე სამუშაოებს საქართველოს ხელისუფლება „გენოციდის გაგრძელებად“ აფასებს. 
22 სექ.'17 22:53
მთავრობამ აშშ-ში ლობირებისთვის თითქმის მილიონი დახარჯა
სულ ბოლოს მთავრობამ კომპანია StrateVarious LLC-სთან მოაწერა კონტრაქტს ხელი.
22 სექ.'17 17:17
კვირიკაშვილი: საქართველო იზრდება, ის არის სიცოცხლით სავსე და მტკიცე გამოწვევებთან ბრძოლაში
საქართველოს პრემიერ-მინისტრი გაეროს გენერალურ ასამბლეაზე სიტყვით გამოვიდა.
22 სექ.'17 17:00
ადგილობრივ არჩევნებზე 23 პარტია, 5 საარჩევნო ბლოკი და 200-ზე მეტი საინიციატივო ჯგუფი დარეგისტრირდა
რამდენიმე დღეში საარჩევნო ადმინისტრაცია სარეგისტრაციო პროცედურებს დაასრულებს და კანდიდატთა საბოლოო სიებს გამოაქვეყნებს.
22 სექ.'17 12:00
პრემიერ-მინისტრის გამოსვლა გაეროს გენერალურ ასამბლეაზე
გიორგი კვირიკაშვილი ნიუ-იორკში საქართველოს დელეგაციას ხელმძღვანელობს. 
21 სექ.'17 18:36
რუსეთი სოხუმში საბაჟო პუნქტს გახსნის
პუნქტი მთელ აფხაზეთს მოიცავს, რუსეთის კანონმდებლობით იმუშავებს, მისი თანამშრომლები კი იმუნიტეტით ისარგებლებენ.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
86