Civil.ge-ს შესახებ
Eng | ქარ | Рус
ბოლო განახლება: 18:12 - 19 აპრ.'18
RSS
Mobile
Twitter
Facebook
სოფლის მეურნეობის მინისტრი პრეზიდენტს „უპასუხისმგებლო“ განცხადებების გამო აკრიტიკებს
სივილ ჯორჯია, თბილისი / 27 თებ.'13 / 18:00

სოფლის მეურნეობის მინისტრმა დავით კირვალიძემ გააკრიტიკა პრეზიდენტი სააკაშვილი „უპასუხისმგებლო“ განცხადებების გამო, რომელიც მან იმ რუსი ექსპერტების მისამართით გააკეთა, რომლებიც ქართულ საწარმოებში ინსპექტირებას ახორციელებენ ქართული ღვინისა და მინერალური წყლების რუსულ ბაზარზე დაბრუნების მიზნით.

კირვალიძემ „ხელოვნური ბარიერების და დაბრკოლებების შექმნისგან“ თავშეკავებისკენ მოუწოდა, რადგან „ასეთი საქმიანობა შეიძლება იქნას განხილული და ჩათვლილი, როგორც მოლაპარაკებების ჩაშლის მცდელობა ან უფრო მეტიც, საბოტაჟის მოწყობა ამ პროცესისთვის“.

რუსეთის მომხმარებელთა უფლებების დაცვის სააგენტოს, „როსპოტრებნადზორის“ ექსპერტების 6-კაციანი ჯგუფი უკვე ორი დღეა საქართველოში იმყოფება  და ღვინისა და მინერალური წყლების ათობით საწარმოს ინსპექტირებას ახორციელებს, რათა მათი პროდუქციის რუსეთის ბაზარზე დაბრუნების საკითხი გადაწყდეს.

მიმდინარე ინსპექტირების შესახებ განცხადება პრეზიდენტმა სააკაშვილმა 26 თებერვალს პრესკონფერენციაზე გააკეთა.

„ჩამოვიდა მათი დელეგაცია და უკანა თათებზე დამდგარი ჩვენი ჩინოვნიკები, ჩვენი ღვინის ქარხნის წარმომადგენლები აკანკალებული ხელებით უსხამენ ღვინოებს, აბა მოეწონებათ თუ არა და თვალებში შესციცინებენ რუს ჩინოვნიკს“, - განაცხადა მან.

სააკაშვილის თქმით, რაც უნდა რუს ჩინოვნიკს არის ის, რომ „ჯიბეში უნდა ჩაუდო ორი კაპიკი და წავა ძალიან ბედნიერი, ყველამ კარგად ვიცით რისთვის არის ჩამოსული“. 

„ბავარიული ლორი რომ შედის და ძეხვი რუსეთში, ბავარიის ქარხნებში უშვებენ რუსებს?...თუ ბავარიული ლორი და ძეხვი შედის ასეთი შემოწმების გარეშე, ჩვენ რა საბჭოთა კავშირში ვართ ისევ, როცა რუსეთიდან ჩამოდიოდნენ ხალხი და ასე დაოთხილები გვევლო და გვესიამოვნებინა?“ – განაცხადა მიხეილ სააკაშვილმა, „რით ვერ გამოვედით იმ ეპოქიდან, რით ვერ გადავლახეთ ეს კომპლექსი, რაღაც მონური, რომ რაღაცნაირად ვასიამოვნოთ?“

პრეზიდენტის ამ გამონათქვამებს უარყოფითი რეაქცია მოჰყვა „როსპოტრებნადზორის“ ხელმძღვანელისგან გენადი ონიშჩენკოსაგან, რომელმაც ამ მიზეზით არ გამორიცხა მისი ექსპერტების საქართველოში ინსპექტირების დაგეგმილზე ადრე შეწყვეტა.

„თუ სიტუაციის ნორმალიზება არ მოხდება, მაშინ ჩვენ დავაყენებთ საკითხს თავად ექსპერტების გამოწვევის თაობაზე, საქართველოს ტერიტორიაზე მათი მუშაობის შეწყვეტასთან დაკავშირებით“, - იტყობინება „ინტერფაქსი“ 27 თებერვალს ონიშჩენკოს სიტყვებზე დაყრდნობით.

დღესვე ექსპერტების დელეგაციას თავის რეზიდენციაში საქართველოს კათოლიკოს პატრიარქმა ილია მეორემ უმასპინძლა, რა დროსაც, საპატრიარქოს ცნობით, მან კმაყოფილება გამოთქვა ქართული ღვინისა და მინერალური წყლების რუსულ ბაზარზე შესაძლო დაბრუნებასთან დაკავშირებით, რაც „თავის წვლილს შეიტანს ჩვენს ქვეყნებს შორის არსებული რთული ურთიერთობის დარეგულირებაში“. 

სოფლის მეურნეობის მინისტრმა იმედი გამოთქვა, რომ მას შემდეგ რაც ინსპექტირების ჯგუფი საქართველოს 1 მარტს დატოვებს, „პოზიტიური“ გადაწყვეტილება იქნება მიღებული  და დაიწყება „უახლოეს მომავალში“ ქართული პროდუქციის შესვლა რუსეთის ბაზარზე.

ეკონომიკის მინისტრმა გიორგი კვირიკაშვილმა განაცხადა, რომ რუსეთის ბაზარი განიხილება, როგორც დივერსიფიცირების საშუალება ქართული პროდუქციისთვის.

„ეს არ არის გადარჩენა საქართველოსთვის. ეს არის გაფართოების საშუალება“, - განაცხადა მან და პრეზიდენტის განცხადებების საპასუხოდ დასძინა, რომ „არავინ არ უსხამდა ხელის კანკალით ღვინოს არავის“.

რუსი ექსპერტების საქართველოში ჩამოსვლის გადაწყვეტილება თებერვლის დასაწყისში საქართველოს დელეგაციის მოსკოვში ვიზიტის დროს იქნა მიღებული, რა დროსაც მხარეებმა გამოთქვეს იმედი, რომ საქართველოს მიმართ დაწესებული ემბარგო მალე მოიხსნებოდა.

რუსეთმა ქართული პროდუქციის, მათ შორის ღვინისა და მინერალური წყლების იმპორტი 2006 წელს ”უხარისხობის” მოტივით აკრძალა. თუმცა ამ გადაწყვეტილებას თბილისმა პოლიტიკურად მოტივირებული უწოდა.

უახლესი ამბები
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.
18 აპრ.'18 12:04
მარგველაშვილი შეწყალების პრაქტიკის შესახებ კრიტიკას პასუხობს
პრეზიდენტი დროებით წყვეტს ძალადობრივი დანაშაულისთვის მსჯავრდებული პატიმრების შეწყალებას.
17 აპრ.'18 16:12
ადვოკატის თქმით, ტატუნაშვილის ცხედარს შინაგანი ორგანოები აკლდა
პროკურატურამ არჩილ ტატუნაშვილის მამას და ადვოკატს გამოძიების მსვლელობის შესახებ ინფორმაცია მიაწოდა.
16 აპრ.'18 18:46
შუალედური საპარლამენტო არჩევნებისთვის ცხრა კანდიდატი დარეგისტრირდა
არჩევნები ვანის და ხონის მაჟორიტარული ოლქის 60 საარჩევნო უბანზე ჩატარდება, სადაც 48 054 ამომრჩეველია რეგისტრირებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
91