Civil.ge-ს შესახებ
Eng | ქარ | Рус
ბოლო განახლება: 18:32 - 15 იან.'18
RSS
Mobile
Twitter
Facebook
თავდაცვის სამინისტრო სატელიტური ანტენების „უკანონო“ შესყიდვის საქმეზე
სივილ ჯორჯია, თბილისი / 27 თებ.'13 / 16:27

თავდაცვის სამინისტრომ განაცხადა, რომ ივლისში უწყებამ ლილოს ბაზრობის სავაჭრო პუნქტებიდან დიდი რაოდენობით სატელიტური ანტენა ამოიღო, რათა სამინისტროს ვარაუდით, არ მომხდარიყო მათი მოსახლეობაზე გაყიდვა.

1 ოქტომბრის არჩევნებამდე კამპანიის ერთ-ერთი აქტუალური თემა სატელიტური თეფშების გავრცელების შეზღუდვა იყო, მათ შორის ანტენების დაღადაღების გზით, რაც ადგილობრივი დამკვირვებლების თქმით, მრავალფეროვან ინფორმაციაზე ხელმისაწვდომობის შეფერხებას ისახავდა მიზნად. წინასაარჩევნო პერიოდში ვრცელდებოდა ასევე ინფორმაცია, რომ სამომხმარებლო ბაზარზე სატელიტური ანტენებზე დეფიციტი შეიქმნა.

თავდაცვის მინისტრმა ირაკლი ალასანიამ 26 თებერვალს „რუსთავი 2“-ის თოქ-შოუში „პოზიცია“ განაცხადა, რომ ბაზრიდან სატელიტური თეფშების „უკანონო“ ამოღება-შესყიდვის პროცესში, რაზეც საბიუჯეტო თანხები დაიხარჯა, თავდაცვის სამინისტრო მონაწილეობდა. ამ ფაქტზე, მისი თქმით, სისხლის სამართლის საქმე აღიძვრება.

27 თებერვალს თავდაცვის სამინისტრომ განაცხადა, რომ 7 ივლისს სამხედრო პოლიციის მაღალჩინოსნების ორგანიზებით ლილოს ბაზრობიდან, შემდგომი გადახდის პირობით, ჩამორთმეულ იქნა 2 719 ცალი ანტენა, 1 419 ცალი - „რესივერი“ და 479 ცალი - „ლნბ“, რომელთა საერთო ღირებულებამ 141 616 ლარი შეადგინა. მოგვიანებით, მოვაჭრეებს თანხები თავდაცვის სამინისტროს დაქვემდებარებულმა „თბილავიამშენმა“ დაუფარა, თუმცა 75 000 ლარი ერთ-ერთი მოვაჭრისთვის გადასახდელი დარჩა. სამინისტროს ცნობით, ამოღებული აპარატურის ნაწილი მე-4 ბრიგადის ტერიტორიაზე მაშინვე დასაწყობდა, ხოლო ნაწილი ლილოს ბაზრობაზე დაილუქა და მოგვიანებით, ოქტომბერში შეიარაღებული ძალების სხვადასხვა ქვედანაყოფზე გადანაწილდა, დამონტაჟდა ან გაჩუქდა პირად შემადგენლობაზე.

“სატელიტური თეფშების და მაკომპლექტებელი ნაწილების ბალანსი ერთმანეთს არ ემთხვევა. შესაბამისად, არსებობს საფუძვლიანი ვარაუდი იმისა, რომ ანტენები ამოიღეს იმ მიზნით, რომ არ მომხდარიყო მათი მოსახლეობაზე გაყიდვა“ - განაცხადა თავდაცვის სამინისტროს გენერალური ინსპექციის უფროსმა ანდრია გოცირიძემ 27 თებერვალს გამართულ ბრიფინგზე.

მისი თქმით, სამინისტრო ეჭვობს, რომ საბიუჯეტო თანხები არამიზნობრივად დაიხარჯა, რადგან ნაცვლად იმისა, რომ უწყების საჭიროებებს მოხმარებოდა,  „გახარჯულია ამ ანტენებზე“, რომელთა შეძენის მიზნობრიობაც, რაც საიდუმლო გრიფით განხორციელდა, ვერ საბუთდება.

ანტენების შესყიდვის პერიოდი თავდაცვის სამინისტროში ხელმძღვანელობის შეცვლას ემთხვევა, როცა თავდაცვის მინისტრის პოსტზე ამჟამად წინასწარ პატიმრობაში მყოფი ბაჩო ახალაია 4 ივლისს დიმიტრი შაშკინმა შეცვალა. ამ უკანასკნელმა ქვეყანა ოქტომბრის არჩევნების შემდეგ დატოვა.

 

უახლესი ამბები
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.
11 იან.'18 18:12
საქართველოს ხელმძღვანელობა მაჩალიკაშვილის გარდაცვალებაზე კომენტარს აკეთებს
თემირლან მაჩალიკაშვილი 26 დეკემბრის სპეცოპერაციის დროს თავში დაიჭრა და მისი გადარჩენა ვერ მოხერხდა.
11 იან.'18 15:49
საქართველო აშშ-ის სენატის დემოკრატების მიერ მომზადებულ ანგარიშში
საგარეო ურთიერთობათა კომიტეტის მიერ მომზადებული დოკუმენტი საქართველოში რუსეთის მიერ გავლენის მოხდენის ქმედებებს აღწერს.
11 იან.'18 11:10
სარაევო: პატივს ვცემთ საქართველოს ტერიტორიულ მთლიანობას
განცხადება მოჰყვა საქართველოს საპროტესტო ნოტას რესპუბლიკა სრპსკაში ანატოლი ბიბილოვის მიმდინარე ვიზიტის თაობაზე. 

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
61