Civil.ge-ს შესახებ
Eng | ქარ | Рус
ბოლო განახლება: 18:12 - 19 აპრ.'18
RSS
Mobile
Twitter
Facebook
სააკაშვილი წუხს ბანკების შესახებ გაკეთებული განცხადების გამო
სივილ ჯორჯია, თბილისი / 27 თებ.'13 / 15:20

მას შემდეგ, რაც „ლიბერთი ბანკმა“ და „თიბისი ბანკმა“ უარყვეს პრეზიდენტ სააკაშვილის განცხადება, რომ რუსული ბანკებისთვის მათი აქტივების მიყიდვა იგეგმება, საქართველოს პრეზიდენტმა განაცხადა, რომ იგი წუხს, თუ „რამე არასწორი“ თქვა.

თუმცა, მან დაჟინებით განაცხადა, რომ ერთ–ერთი ქართული ბანკი შერწყმის თაობაზე მოლაპარაკებებს აწარმოებდა ერთ–ერთ რუსულ ბანკთან.
 
„რაღაც ინფორმაციები, რაც  მე მქონდა წინასწარ, საბედნიეროდ, არ დადასტურდა. ძალიან ვწუხვარ, თუ რამე არასწორი ვთქვი“, – განუცხადა სააკაშვილმა ჟურნალისტებს თბილისის აეროპორტში 27 თებერვალს ბაქოში გამგზავრებამდე. 

„მე ნამდვილად ვიცი, რომ რუსულ ბანკებს აქვთ ინტერესი ქართული ბანკების შეძენის. ნამდვილად ვიცი, რომ ერთ–ერთი ბანკი, რომელიც დავასახელე, აწარმოებდა შერწყმის მოლაპარაკებას ერთ–ერთი მსხვილ რუსულ ბანკთან. ეს ასეა და ალბათ ისინი ამას არ უარყოფენ. და თუ არასწორი ბანკები დავასახელე, ეს ნამდვილად ჩემდა უნებურად მომივიდა და ნამდვილად არ მინდოდა ბანკებისთვის რაიმე პრობლემა შემექმნა. მე მინდა, რომ საბანკო სექტორი საქართველოში იყოს ძლიერი და დამოუკიდებელი და ძალიან ყურადღებით დავაკვირდები, რომ ის მართლა არ ჩავარდეს ერთი ქვეყნის სახელმწიფო ბანკების ხელში, იმ ქვეყნის, რომელსაც საქართველოს მიმართ სრულიად არაჯანსაღი ინტერესი აქვს“, – განაცხადა მან.

პრეზიდენტმა სააკაშვილმა განაცხადა 26 თებერვალს, რომ მას ეროვნული ბანკისგან აქვს ინფორმაცია, რომ „ლიბერთი ბანკის“ შეძენას რუსული „სბერბანკი“ აპირებს.

თუმცა, საქართველოს ეროვნულმა ბანკმა განაცხადა 26 თებერვალს, რომ ის „არ ფლობს ინფორმაციას გუშინ ტელევიზიით დასახელებულ კომერციულ ბანკებს შორის წილის შესაძლო გასხვისებასთან დაკავშირებით“.  

რუსეთის სახელმწიფო ბანკმა „სბერბანკმა“ ასევე უარყო საქართველოში ბანკის აქციების შეძენის ფაქტი.

„სბერბანკმა ყოფილი საბჭოთა კავშირის ტერიტორიაზე მისი განვითარების პრიორიტეტულ ადგილებად უკრაინა, ბელარუსი და ყაზახეთი დაასახელა. ამიტომ, „სბერბანკს“ საქართველოში აქტივების შეძენის არანაირი გეგმები არ გააჩნია“, – იტყობინება „რია ნოვოსტი“ 27 თებერვალს „სბერბანკის“ ოფიციალურ წარმომადგენელზე დაყრდნობით.  

უახლესი ამბები
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.
18 აპრ.'18 12:04
მარგველაშვილი შეწყალების პრაქტიკის შესახებ კრიტიკას პასუხობს
პრეზიდენტი დროებით წყვეტს ძალადობრივი დანაშაულისთვის მსჯავრდებული პატიმრების შეწყალებას.
17 აპრ.'18 16:12
ადვოკატის თქმით, ტატუნაშვილის ცხედარს შინაგანი ორგანოები აკლდა
პროკურატურამ არჩილ ტატუნაშვილის მამას და ადვოკატს გამოძიების მსვლელობის შესახებ ინფორმაცია მიაწოდა.
16 აპრ.'18 18:46
შუალედური საპარლამენტო არჩევნებისთვის ცხრა კანდიდატი დარეგისტრირდა
არჩევნები ვანის და ხონის მაჟორიტარული ოლქის 60 საარჩევნო უბანზე ჩატარდება, სადაც 48 054 ამომრჩეველია რეგისტრირებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
78