Civil.ge-ს შესახებ
Eng | ქარ | Рус
ბოლო განახლება: 18:12 - 19 აპრ.'18
RSS
Mobile
Twitter
Facebook
ლავროვი: საქართველოს ახალი მთავრობა ‘პრაგმატულად მოქმედებს’
სივილ ჯორჯია, თბილისი / 25 თებ.'13 / 20:12

საქართველოს ახალი მთავრობა „პრაგმატულად მოქმედებს“ და მოსკოვი მზად არის თბილისთან ეკონომიკური ურთიერთობები გააღრმავოს, „მაგრამ არა აფხაზეთსა და სამხრეთ ოსეთში ჩვენი ძმების ღალატის ხარჯზე“, განაცხადა რუსეთის საგარეო საქმეთა მინისტრმა სერგეი ლავროვმა 25 თებერვალს.

მან ეს განცხადება მოსკოვში რუსეთის საგარეო საქმეთა სამინისტროს დიპლომატიური აკადემიის სტუდენტებთან შეხვედრაზე გააკეთა.

როდესაც სტუდენტმა სეპარატისტული სამხრეთ ოსეთიდან უთხრა მას, რომ პირადად მისგან სურს გაიგოს იმის თაობაზე, რომ „აფხაზეთის და სამხრეთ ოსეთის სუვერენიტეტს არანაირი საფრთხე არ ემუქრება რუსეთსა და საქართველოს შორის ურთიერთობების დათბობის ფონზე“, ლავროვმა გაიღიმა და უპასუხა: „პრეზიდენტმა ვლადიმერ პუტინმა უკვე ისაუბრა ამ საკითხზე პირდაპირ და არაორაზროვნად და მე შემიძლია მხოლოდ დავადასტურო ეს“.

„მე მიმაჩნია, რომ თავად ამ საკითხის წამოჭრა უცნაურია, რადგანაც ჩვენ ვუზრუნველვყავით სამხრეთ ოსეთის რესპუბლიკის და აფხაზეთის რესპუბლიკის არსებობის შესაძლებლობა“, – განაცხადა ლავროვმა და დასძინა, რომ პრეზიდენტ სააკაშვილს 2008 წლის აგვისტოში ცხინვალზე კონტროლის აღდგენა რომ მოეხერხებინა, აფხაზეთი შემდეგი იქნებოდა.

მისი თქმით, 2008 წლის აგვისტოს ომამდე არსებობდა საქართველოსთან აფხაზეთსა და ცხინვალის რეგიონზე შეთანხმების მიღწევის შესაძლებლობა, თუმცა ეს მცდელობები სააკაშვილმა ჩაშალა.

ლავროვმა ასევე განაცხადა, რომ აგვისტოს ომის შემდეგაც კი ფიქრობდა რუსეთი, რომ შეთანხმების შანსი არსებობდა. „მაგრამ როდესაც სააკაშვილმა განაცხადა, რომ იქნებოდა რევანში, როდესაც მან განაცხადა, რომ არც აპირებდა სამხრეთ ოსეთის და აფხაზეთის სტატუსის განხილვას – თუმცა ჩვენ მზად ვიყავით სპეციალური დისკუსიები გაგვემართა სამხრეთ ოსეთის და აფხაზეთის მონაწილეობით და სტატუსზე გვესაუბრა - მაგრამ მისი განცხადებების შემდეგ ხიდები დაინგრა და ჩვენ სხვა გზა აღარ გვქონდა [გარდა აფხაზეთის და სამხრეთ ოსეთის აღიარებისა]“, – განაცხადა ლავროვმა.

„ეს იყო რუსეთის ხელმძღვანელობის მიერ ერთხმად მიღებული გადაწყვეტილება და ის გადახედვას არ ექვემდებარება“, – დასძინა მან.

მისი თქმით, რუსეთს „არასდროს გაუნელებია“ თავისი ურთიერთობები ქართველ ხალხთან.

„ეს ჩვენი ახლო მეზობელია, მოძმე ერი“, – განაგრძო ლავროვმა, „ჩვენ არ ვაპირებდით ქართველი ხალხის იზოლირება მოგვეხდინა. მაგრამ სააკაშვილის რეჟიმმა მიიღო გადაწყვეტილება გაეწყვიტა დიპლომატიური ურთიერთობები“.

„ახლა, საქართველოს ახალი მთავრობა პრაგმატულად მოქმედებს და თუ არსებობს ეკონომიკური ურთიერთობების შემდგომი განვითარების ინტერესი – რომელიც სრულად არასდროს შეწყვეტილა, ენერგეტიკის სფეროში და სხვა დარგებში ჩვენი კომპანიები იქ მუშაობენ – თუ არსებობს ჰუმანიტარული კავშირების, საჰაერო მიმოსვლის განვითარების ინტერესი, ჩვენ მზად ვართ ამ სფეროებში ურთიერთქმედება განვავითაროთ, მაგრამ არა აფხაზეთსა და სამხრეთ ოსეთში ჩვენი ძმების ღალატის ხარჯზე. ეს არასდროს მოხდება“, – განაცხადა ლავროვმა.

იმავდროულად, 25 თებერვალს ცნობილი გახდა, რომ საქართველოს პრემიერ–მინისტრის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე რუსეთის საგარეო საქმეთა მინისტრის მოადგილეს გრიგორი კარასინს 1 მარტს პრაღაში შეხვდება.

ეს ორ დიპლომატს შორის მეორე შეხვედრა იქნება მას შემდეგ, რაც საქართველოს ახალმა მთავრობამ რუსეთთან ურთიერთობების დალაგების გეგმებზე გააკეთა განცხადება.

აბაშიძე და კარასინი დეკემბერში შვეიცარიაში შეხვდნენ, რაც პირველი პირველი პირდაპირი მოლაპარაკება იყო ორი ქვეყნის დიპლომატებს შორის 2008 წლის აგვისტოს ომის შემდეგ.

აბაშიძე აცხადებს, რომ კარასინთან მოლაპარაკებების დროს ისინი არ ეხებიან მხარეთა „წითელ ხაზებს“ და ამის სანაცვლოდ აქცენტი კეთდება ისეთ საკითხებზე, რომლებზეც შესაძლებელია პროგრესის მიღწევა, მათ შორის ვაჭრობის, ეკონომიკის, ასევე ჰუმანიტარულ და კულტურულ მიმართულებებზე.

უახლესი ამბები
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.
18 აპრ.'18 12:04
მარგველაშვილი შეწყალების პრაქტიკის შესახებ კრიტიკას პასუხობს
პრეზიდენტი დროებით წყვეტს ძალადობრივი დანაშაულისთვის მსჯავრდებული პატიმრების შეწყალებას.
17 აპრ.'18 16:12
ადვოკატის თქმით, ტატუნაშვილის ცხედარს შინაგანი ორგანოები აკლდა
პროკურატურამ არჩილ ტატუნაშვილის მამას და ადვოკატს გამოძიების მსვლელობის შესახებ ინფორმაცია მიაწოდა.
16 აპრ.'18 18:46
შუალედური საპარლამენტო არჩევნებისთვის ცხრა კანდიდატი დარეგისტრირდა
არჩევნები ვანის და ხონის მაჟორიტარული ოლქის 60 საარჩევნო უბანზე ჩატარდება, სადაც 48 054 ამომრჩეველია რეგისტრირებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
9