Civil.ge-ს შესახებ
Eng | ქარ | Рус
ბოლო განახლება: 19:27 - 17 იან.'18
RSS
Mobile
Twitter
Facebook
უსუფაშვილი: პრეზიდენტს პარლამენტში გამოსვლის საშუალება, სავარაუდოდ, მარტის ბოლოს მიეცემა
სივილ ჯორჯია, თბილისი / 21 თებ.'13 / 19:05

პრეზიდენტ სააკაშვილის თხოვნის საპასუხოდ, რომ პარლამენტმა დანიშნოს მისი ყოველწლიური ანგარიშის მოსმენის თარიღი, პარლამენტის თავმჯდომარემ დავით უსუფაშვილმა განაცხადა, რომ პრეზიდენტს პარლამენტში გამოსვლის საშუალება, სავარაუდოდ, მარტის ბოლოს მიეცემა.

უსუფაშვილმა 21 თებერვალს პარლამენტის ბიუროს სხდომაზე ასევე განაცხადა, რომ პრეზიდენტის გამოსვლა შედგება „პარლამენტთან თუ პარლამენტის კედლებში“, ეს დამოკიდებული იქნება მის პოზიციაზე საკონსტიტუციო ცვლილებებთან დაკავშირებით, რომელიც მას ჩამოართმევს უფლებას პარლამენტის თანხმობის გარეშე ერთპიროვნულად გამოცვალოს მთავრობა.

„მზად ხართ თუ არა დაუბრუნოთ საქართველოს პარლამენტს ის უფლება, რომელიც ეკუთვნის პარლამენტს მსოფლიოს ყველა დემოკრატიულ ქვეყანაში და საზოგადოებაში - ამაზე თქვენი მზაობა რაც უფრო მალე გაცხადდება, მით უფრო მალე მოგვარდება ბევრი სხვა პრობლემაც“, - განაცხადა უსუფაშვილმა პრეზიდენტის მისამართით.

„ამ კითხვაზე თქვენი პასუხი განსაზღვრავს არა იმას, თქვენ პარლამენტში გამოხვალთ თუ ვერ გამოხვალთ, არამედ იმას პარლამენტი შეძლებს თუ ვერ შეძლებს თქვენ მოსმენას“, - განაგრძო მან, „თუ ამაზე თქვენი დადებითი პასუხი არ იქნება, შეძლებთ პარლამენტში მობრძანებას, მაგრამ ეს პარლამენტის გადასაწყვეტი იქნება როგორ მოიქცევა და შეძლებს თუ არა მოუსმინოს პრეზიდენტს, რომელიც არ აბრუნებს მიტაცებულ უფლებამოსილებას“.

თავდაპირველად, პრეზიდენტის პარლამენტში გამოსვლა 8 თებერვლისთვის დაიგეგმა, თუმცა ქართული ოცნების საპარლამენტო უმრავლესობამ 7 თებერვალს განაცხადა, რომ პრეზიდენტ სააკაშვილის ყოველწლიური მიმართვის მოსმენა პარლამენტში გადადო მანამდე, ვიდრე არ მოგვარდებოდა უთანხმოება დაგეგმილ საკონსტიტუციო ცვლილებებზე. მიხეილ სააკაშვილმა გადაწყვიტა, რომ მოხსენება 8 თებერვალს პარლამენტს დაქვემდებარებული ეროვნული ბიბლიოთეკის შენობიდან გაეკეთებინა. თუმცა ეროვნულ ბიბლიოთეკასთან მომხდარი დაპირისპირების ინციდენტის გამო, პრეზიდენტის გამოსვლის ადგილი შეიცვალა და მან მოსახლეობას თავისი სასახლიდან მიმართა.

ამ ინციდენტის შემდეგ ძალაუფლების გაყოფის თაობაზე მოლაპარაკებები დაიწყო პრემიერ-მინისტრ ბიძინა ივანიშვილის ქართულ ოცნებას და ნაციონალურ მოძრაობას შორის, რომელიც ამ დროისთვის უშედეგოდ დამთავრდა. 20 თებერვალს მხარეებმა განაცხადეს, რომ საკონსტიტუციო თემატიკის ყველა საკითხზე შეთანხმდნენ, თუმცა უთანხმოება დარჩა ყოფილი მთავრობის საჯარო მოხელეების ამნისტირების პირობებთან დაკავშირებით. მათ ასევე დიალოგის გაგრძელების სურვილიც გამოთქვეს.

21 თებერვალს პრეზიდენტმა ღია წერილით მიმართა პარლამენტს, სადაც განაცხადა, რომ თავდაპირველად დაგეგმილი მისი გამოსვლა რომ არ გადაედოთ, „ცოტა ხნის წინათ შექმნილ ბევრ გართულებას ავიცილებდით თავიდან“.

„ვიმედოვნებთ, რომ საქართველოს პარლამენტი დაიცავს ქვეყნის ძირითად კანონს [კონსტიტუციას] და როგორც უმაღლესი საკანონმდებლო ორგანოს წარმომადგენლებს, ისე ჩვენს ხალხს მიეცემა საშუალება მოისმინოს საქართველოს პრეზიდენტის მოხსენება ქვეყნის მდგომარეობის უმნიშვნელოვანეს საკითხებზე“, - ნათქვამია პრეზიდენტის ღია წერილში.

„თქვენ გაქვთ საშუალება სწორედ ამ შენობიდან გააკეთოთ თქვენი მიმართვა პარლამენტის ტრიბუნიდან და ეს შესაძლებლობა თქვენ მოგეცემათ. ეს შესაძლებლობა თქვენთვის არავის წაურთმევია.“, - განაცხადა პარლამენტის თავმჯდომარემ 21 თებერვალს ქუთაისში პრეზიდენტის საპასუხოდ, „საქართველოს პარლამენტი მოქმედებდა და იმოქმედებს საქართველოს კონსტიტუციის განუხრელი დაცვით“. 

კონსტიტუციაში ნათქვამია: "პრეზიდენტი უფლებამოსილია მიმართოს ხალხს და პარლამენტს. წელიწადში ერთხელ იგი პარლამენტს წარუდგენს მოხსენებას ქვეყნის მდგომარეობის უმნიშვნელოვანეს საკითხებზე".

 

უახლესი ამბები
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
68