Civil.ge-ს შესახებ
Eng | ქარ | Рус
ბოლო განახლება: 19:57 - 25 სექ.'17
RSS
Mobile
Twitter
Facebook
მთავრობას სეპარატისტულ აფხაზეთსა და სამხრეთ ოსეთში უკანონო შესვლის დეკრიმინალიზაცია სურს
სივილ ჯორჯია, თბილისი / 7 თებ.'13 / 18:35

მთავრობა საკანონმდებლო ცვლილებების პროექტის ინიცირებას გეგმავს, რომლის თანახმადაც სეპარატისტულ აფხაზეთსა და სამხრეთ ოსეთში იმ ტერიტორიებიდან შესვლა, რომლებიც თბილისის მიერ არ კონტროლდება, დასჯადი აღარ იქნება, განაცხადა სახელმწიფო მინისტრმა რეინტეგრაციის საკითხებში პაატა ზაქარეიშვილმა 7 თებერვალს.

კანონის თანახმად, სეპარატისტულ აფხაზეთსა და სამხრეთ ოსეთში უცხოელი მოქალაქეების რუსეთის მხრიდან შესვლა უკანონოდ ითვლება; კანონის მიხედვით, აფხაზეთში კანონიერად შესვლა ზუგდიდიდან, ხოლო ცხინვალის რეგიონში გორიდანაა შესაძლებელი. კანონი ამ წესიდან მთელ რიგ გამონაკლისებს აწესებს. კანონის დარღვევა ისჯება ჯარიმით ან თავისუფლების აღკვეთით 2–დან 4 წლამდე. ხოლო კანონის დარღვევა ხელმეორედ ან ჯგუფურად ისჯება პატიმრობით სამიდან ხუთ წლამდე.

ზაქარეიშვილმა განაცხადა, რომ ოკუპირებულ ტერიტორიებზე უკანონო შესვლის დეკრიმინალიზაციის ინიციატივა იმას ნიშნავს, რომ ის ადმინისტრაციულად დასჯადი გახდება და პატიმრობის ნაცვლად, ფინანსურ ჯარიმას დაექვემდებარება.

მან ასევე განაცხადა, რომ მთავრობას არანაირი განზრახვა არ აქვს, რომ გააუქმოს კანონი ოკუპირებული ტერიტორიების შესახებ, რომელიც წინა ხელისუფლებამ 2008 წლის აგვისტოს ომიდან მალევე მიიღო.

„ხშირად ჩვენი ოპონენტები და არაკეთილისმსურველები გვაბრალებენ, რომ ჩვენ გვინდა გავაუქმოთ კანონი; არაფერი ასეთი არ არის; მხოლოდ ვამბობდით, რომ არავითარ შემთხვევაში არ გაუქმდება; და კანონი და მისი სახელწოდება დარჩება“, – განაცხადა ზაქარეიშვილმა.

ევროკომისიის მიერ შარშან მაისში გამოქვეყნებული ყოველწლიური ანგარიში, რომელიც ევროპის სამეზობლო პოლიტიკის განხორციელებას ეხება, მოუწოდებს საქართველოს გადახედოს კანონს ოკუპირებული ტერიტორიების შესახებ; მასში ნათქვამია, რომ ამ კანონის შემდგომი გამოყენება სეპარატისტულ რეგიონებთან „ჩართულობის სტრატეგიის ეფექტურობას“ პრობლემას უქმნის.

2012 წლის მარტში, მას შემდეგ, რაც საქართველომ ცალმხრივად გააუქმა სავიზო რეჟიმი რუსეთის მოქალაქეებისთვის, მოსკოვმა განაცხადა, რომ ის მზად იყო საპასუხო ქმედებისთვის, თუმცა საქართველოს ოკუპირებული ტერიტორიების შესახებ კანონის გადახედვისკენ მოუწოდა. რუსეთის საგარეო უწყებამ განაცხადა მაშინ, რომ ოკუპირებული ტერიტორიების შესახებ საქართველოს კანონის გამო რუსეთის მოქალაქეების „მნიშვნელოვანი ნაწილი“ საქართველოში ჩასვლისას სისხლის სამართლებრივ დევნას განიცდის.

უახლესი ამბები
25 სექ.'17 19:57
პრეზიდენტი საკონსტიტუციო ცვლილებების მესამე მოსმენით მიღების წინააღმდეგ გამოდის
რიგგარეშე სხდომის მოწვევაზე პრეზიდენტის უარის მიუხედავად, პარლამენტი საკონსტიტუციო ცვლილებების საბოლოო მიღებისათვის 26 სექტემბერს შეიკრიბება.
25 სექ.'17 17:27
არჩევნები 2017: ყოველკვირეული მიმოხილვა №3
მიმოხილვის მესამე გამოცემაში 18-24 სექტემბრის კვირაში მომხდარ მნიშვნელოვან მოვლენებს გაგაცნობთ.
25 სექ.'17 15:42
ბალტიისპირეთის საგარეო საქმეთა სამინისტროები ევროკავშირში წევრობის პერსპექტივაზე
Civil.ge-მ აღმოსავლეთ პარტნიორობის მომავალ სამიტთან დაკავშირებით ევროკავშირის წევრი სახელმწიფოების საგარეო უწყებებს მიმართა.
25 სექ.'17 14:31
ვენეციის კომისია საქართველოს კონსტიტუციის პროექტის შესახებ
ვენეციის კომისიის თქმით, პროპორციულ სისტემაზე გადასვლის გადავადება სამწუხაროა, ხოლო ბონუსის სისტემა უნდა გაუქმდეს.
22 სექ.'17 23:53
საქართველოს ხელისუფლება ოკუპირებულ სამხრეთ ოსეთში ქართველთა სახლების განადგურებას ეხმაურება
სოფელ ერედვში მიმდინარე სამუშაოებს საქართველოს ხელისუფლება „გენოციდის გაგრძელებად“ აფასებს. 
22 სექ.'17 22:53
მთავრობამ აშშ-ში ლობირებისთვის თითქმის მილიონი დახარჯა
სულ ბოლოს მთავრობამ კომპანია StrateVarious LLC-სთან მოაწერა კონტრაქტს ხელი.
22 სექ.'17 17:17
კვირიკაშვილი: საქართველო იზრდება, ის არის სიცოცხლით სავსე და მტკიცე გამოწვევებთან ბრძოლაში
საქართველოს პრემიერ-მინისტრი გაეროს გენერალურ ასამბლეაზე სიტყვით გამოვიდა.
22 სექ.'17 17:00
ადგილობრივ არჩევნებზე 23 პარტია, 5 საარჩევნო ბლოკი და 200-ზე მეტი საინიციატივო ჯგუფი დარეგისტრირდა
რამდენიმე დღეში საარჩევნო ადმინისტრაცია სარეგისტრაციო პროცედურებს დაასრულებს და კანდიდატთა საბოლოო სიებს გამოაქვეყნებს.
22 სექ.'17 12:00
პრემიერ-მინისტრის გამოსვლა გაეროს გენერალურ ასამბლეაზე
გიორგი კვირიკაშვილი ნიუ-იორკში საქართველოს დელეგაციას ხელმძღვანელობს. 
21 სექ.'17 18:36
რუსეთი სოხუმში საბაჟო პუნქტს გახსნის
პუნქტი მთელ აფხაზეთს მოიცავს, რუსეთის კანონმდებლობით იმუშავებს, მისი თანამშრომლები კი იმუნიტეტით ისარგებლებენ.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
90