Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
სააკაშვილის გამოსვლა პარლამენტში გადაიდო
სივილ ჯორჯია, თბილისი / 7 თებ.'13 / 15:05

პრეზიდენტ სააკაშვილის ყოველწლიური მოხსენებით პარლამენტში გამოსვლა, რომელიც 8 თებერვალს იგეგმებოდა, განუსაზღვრელი ვადით გადაიდო, საპრეზიდენტო უფლებამოსილებებზე „ქართული ოცნების“ ინიცირებულ საკონსტიტუციო ცვლილებებზე არსებული უთანხმოების ფონზე.

პრეზიდენტის ყოველწლიური მოხსენების გადადების ინიციატივით „ქართული ოცნების“ საპარლამენტო უმრავლესობა გამოვიდა.

„ჩვენ პატივს ვცემთ საქართველოს კონსტიტუციას, ჩვენ პატივს ვცემთ ყველა იმ ინსტიტუტს, რომელიც საქართველოს კონსტიტუციით არის განსაზღვრული, მათ შორის პრეზიდენტის იმ უფლებას, რომელიც წერია დღევანდელ კონსტიტუციაში, მაგრამ ამასობაში ჩვენ პატივს ვცემთ საკუთარ თავსაც და ჩვენ გვინდა, რომ  შედგეს საქართველოს პრეზიდენტის მოხსენება სათანადო პარლამენტში, პარლამენტში რომელიც არის სათანადო უფლებამოსილებით აღჭურვილი და არა უბრალოდ ადამიანების ერთობა, რომლის გადაწყვეტილება პრეზიდენტს შეუძლია ერთპიროვნულად შეცვალოს“, – განაცხადა პარლამენტის თავმჯდომარემ დავით უსუფაშვილმა 7 თებერვალს.

„შესაბამისად ჩვენი პოზიცია ასეთია, რომ საქართველოს პრეზიდენტს, რა თქმა უნდა, მიეცემა საშუალება პარლამენტში გამოსვლის, თავისი კონსტიტუციური უფლებით სარგებლობის, მაგრამ ეს მოხდება მას შემდეგ, რაც ამ კონკრეტულ საკითხზე მიღებული იქნება პარლამენტის მიერ სათანადო გადაწყვეტილება ან როდესაც სრულიად ცალსახად და მკაფიოდ იქნება გამოხატული პრეზიდენტის და მისი პოლიტიკური გუნდის პოზიცია ამ კონკრეტულ საკითხზე პარლამენტისთვის იმ უფლების დაბრუნების თაობაზე, რაც პარლამენტს ეკუთვნის“, – განაცხადა უსუფაშვილმა.

„ქართული ოცნების“ მიერ დეკემბერში ინიცირებული საკონსტიტუციო ცვლილებების პროექტის თანახმად, პრეზიდენტს უნარჩუნდება ყველა უფლებამოსილება, გარდა იმ ერთისა, რომელიც მას პარლამენტისგან სამჯერ თანხმობის მიუღებლობის შემთხვევაშიც კი მთავრობის ერთპიროვნულად გამოცვლის შესაძლებლობას აძლევს.

დეპუტატებმა ამ საკითხზე 6 თებერვალს დებატები გამართეს. ნაციონალური მოძრაობის დეპუტატები აცხადებენ, რომ ისინი მხოლოდ იმ შემთხვევაში დაუჭერენ ამ ინიციატივას მხარს, თუ პარლამენტი პარალელურად მიიღებს საკონსტიტუციო ცვლილებას, რომლითაც პროდასავლური საგარეო პოლიტიკური კურსი მთავრობისთვის კონსტიტუციურად სავალდებულო გახდება. ნაციონალურ მოძრაობას ასევე სურს, რომ გაიზარდოს საკონსტიტუციო ცვლილებების მისაღებად საჭირო კვორუმი არსებული ორი მესამედიდან სამ მეოთხედამდე, რის სანაცვლოდაც ის მხარს დაუჭერს „ქართული ოცნების“ მიერ ინიცირებულ საკონსტიტუციო ცვლილებას პრეზიდენტის უფლებამოსილებაზე.

„ქართული ოცნების“ დეპუტატები უარს ამბობენ, რომ ნაციონალური მოძრაობის წინადადებები პრეზიდენტის უფლებამოსილებაზე საკონსტიტუციო ცვლილებებთან ერთიან პაკეტში განიხილონ.

„მე მინდა ცალსახად დავაფიქსირო პრეზიდენტის სახელითაც და საპარლამენტო უმცირესობის სახელითაც. ჩვენ მზად ვიყავით ხვალინდელი დღისთვის, პრეზიდენტი მზად იყო ხვალ მოსულიყო და გამოსულიყო სიტყვით ისევე, როგორც უმცირესობა მზად იყო ჩატარებულიყო და გამართულიყო კიდევ ერთი პოლიტიკური დებატები, თუმცა დღეს მოვისმინეთ უმრავლესობის პოზიცია, რომელიც, როგორც ჩანს, მზად არ აღმოჩნდა ამ მოხსენებისთვის და ამ დებატებისთვის“, – განაცხადა საპარლამენტო უმცირესობის ლიდერმა დავით ბაქრაძემ.

პრემიერ–მინისტრმა ბიძინა ივანიშვილმა განაცხადა 5 თებერვალს, რომ იგი და მისი მთავრობა არ აპირებდნენ პრეზიდენტის გამოსვლაზე დასწრებას. „რა უნდა თქვას ახალი? ალბათ ახალ სიცრუეებს შემოიტანს“, – განაცხადა ივანიშვილმა.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
84