Civil.ge-ს შესახებ
Eng | ქარ | Рус
ბოლო განახლება: 19:09 - 20 აპრ.'18
RSS
Mobile
Twitter
Facebook
ცხრა ელჩის კანდიდატურა პარლამენტს დასამტკიცებლად წარედგინა
სივილ ჯორჯია, თბილისი / 6 თებ.'13 / 15:34

ცხრა ელჩის კანდიდატურა წარედგინა პარლამენტს დასამტკიცებლად, რომელთა შორის არიან მომავალი ელჩები ვაშინგტონში, პარიზში, ბრიუსელში და რომში.

ახალი ელჩების კანდიდატურები პრეზიდენტმა სააკაშვილმა წარადგინა, როგორც ამას კანონმდებლობა ითვალისწინებს, თუმცა რეალურად კანდიდატები ახალმა მთავრობამ შეარჩია.

ექსპერტი საგარეო პოლიტიკის საკითხებში არჩილ გეგეშიძე საქართველოს ელჩად დასახელდა ამერიკის შეერთებულ შტატებში, რომელიც ამ პოსტზე თემურ იაკობაშვილს შეცვლის.

გეგეშიძე უფროსი მკვლევარია საქართველოს სტრატეგიისა და საერთაშორისო ურთიერთობების კვლევის ფონდში. გეგეშიძეს, რომელიც 90–იან წლებში პრეზიდენტ შევარდნაძის მთავარი მრჩეველი იყო საგარეო პოლიტიკის საკითხებში, საგანგებო და სრულუფლებიანი ელჩის დიპლომატიური რანგი აქვს. თუმცა, მას არასდროს უმუშავია დიპლომატიურ პოსტზე. საქართველოს სტრატეგიისა და საერთაშორისო ურთიერთობების კვლევის ფონდში მისვლამდე, იგი ფულბრაიტის სახ. სტიპენდიანტი იყო და  სამეცნიერო-კვლევით მუშაობას ეწეოდა სტენფორდის უნივერსიტეტში (აშშ). 

საფრანგეთში ელჩის პოსტზე ეკატერინე სირაძე–დელონეა წარდგენილი. სირაძე, რომელსაც მანამდე დიპლომატიურ სამსახურში არ უმუშავია, 2007–2011 წლებში სამართლიანი არჩევნების და დემოკრატიის საერთაშორისო საზოგადოების აღმასრულებელი დირექტორი იყო.  

ნატალია საბანაძე საქართველოს ელჩად დასახელდა ბელგიასა და ევროკავშირში. საბანაძე 2005 წლიდან ეროვნული უმცირესობების საკითხებში ეუთოს უმაღლესი კომისრის უფროსი პოლიტიკური მრჩეველი იყო.

ზაზა კანდელაკი, რომელიც 2003–2004 წლებში საქართველოს საგარეო საქმეთა მინისტრის მოადგილო იყო, ხოლო 2004–2005 წლებში საქართველოს ელჩად მსახურობდა პოლონეთში, უნგრეთში ელჩად დასახელდა, რომელიც ზვიად ჭუმბურიძეს შეცვლის.

თეიმურაზ ჯანჯალია, რომელიც საგარეო საქმეთა სამინისტროს საერთაშორისო ეკონომიკური, კულტურული და ჰუმანიტარული ურთიერთობების დეპარტამენტის ხელმძღვანელია, ლატვიაში ელჩად დასახელდა; 2006 წელს იგი ლატვიაში საქართველოს საელჩოში საქმეთა რწმუნებული იყო.

კონსტანტინე ზალდასტანიშვილი, რომელიც 2000–2005 წლებში საქართველოს ელჩი იყო ბრიუსელში, ავსტრიაში ელჩად და ეუთოში და ვენაში განთავსებულ სხვა საერთაშორისო ორგანიზაციებში მუდმივ წარმომადგენლად იქნა წარდგენილი. 2005 წლიდან ზალდასტანიშვილი ბრიუსელში მდებარე ევროკავშირი–საქართველოს ბიზნეს საბჭოს გენერალური მდივანი იყო.

ზაალ გოგსაძე, რომელიც 2004–2008 წლებში საქართველოს ელჩი იყო იტალიაში, ჩეხეთის რესპუბლიკაში საქართველოს ელჩად არის წარდგენილი; ოქტომბრის არჩევნების დროს გოგსაძე, რომელიც პარტია ჩვენი საქართველო-თავისუფალი დემოკრატების წევრია, „ქართული ოცნების“ მაჟორიტარი დეპუტატობის კანდიდატი იყო თერჯოლაში, თუმცა ნაციონალური მოძრაობის კანდიდატთან წააგო.

კახა სიხარულიძე, რომელიც 2002–2005 წლებში საგარეო საქმეთა მინისტრის მოადგილე იყო, ხოლო 2006–2007 წლებში ელჩი ჩეხეთში, იტალიაში ელჩად დასახელდა. სიხარულიძე 2012 წლის ივლისიდან  „მეცრე არხზე“ საერთაშორისო სიახლეებს კურირებდა. 

მიხეილ უკლება, რომელიც 90–იან წლებში საგარეო საქმეთა მინისტრის პირველი მოადგილე იყო, ხოლო 1998–2001 წლებში პრივატიზაციის მინისტრი, უკრაინაში ელჩად დასახელდა. 2005–2008 წლებში უკლება ელჩი იყო ჩინეთში, ხოლო 2008–2012 წლებში ელჩი ბულგარეთში.

უახლესი ამბები
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
83