Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
ნაციონალური მოძრაობა ქართული ოცნების შეთავაზებას პასუხობს
სივილ ჯორჯია, თბილისი / 4 თებ.'13 / 18:59

პრეზიდენტ სააკაშვილის ნაციონალური მოძრაობა აცხადებს, რომ ის იმ შემთხვევაში დაუჭერს მხარს „ქართული ოცნების“ მიერ შემოთავაზებულ საკონსტიტუციო ცვლილებების პროექტს, თუ ამ ცვლილებებს პარლამენტი იმ ინიციატივასთან ერთ პაკეტში მიიღებს, რომელიც საქართველოს დასავლური კურსის კონსტიტუციაში ჩაწერას ითვალისწინებს და ასევე დადგენილზე ადრე აამოქმედებს საკონსტიტუციო ცვლილებების განსახორციელებლად საჭირო კვორუმის გაზრდის დებულებას.

ეს განცხადება საპარლამენტო უმცირესობის ლიდერმა დავით ბაქრაძემ ქართული ოცნებიდან კოლეგების მიერ 4 თებერვალს ნაციონალური მოძრაობის მისამართით გაკეთებული განცხადების საპასუხოდ გააკეთა.

საპარლამენტო უმრავლესობამ ორშაბათს ნაციონალური მოძრაობა დებატებში გამოიწვია, რათა თითოეულმა დეპუტატმა საჯაროდ დააფიქსიროს პოზიცია უჭერს თუ არა მხარს ე.წ. ანტიკრიზისულ საკონსტიტუციო ცვლილებას, რომლითაც პრეზიდენტს ყველა საკონსტიტუციო უფლებამოსილება უნარჩუნდება, გარდა იმ ერთისა, რომელიც მას მთავრობის გამოცვლის შესაძლებლობას იმ შემთხვევაშიც კი აძლევს, თუ პარლამენტი უარს იტყვის მის მიერ შეთავაზებული ახალი მთავრობის დამტკიცებაზე.

„ამ პასუხზე იქნება დამოკიდებული ჩვენი დამოკიდებულება თითოეული მათგანისადმი - ვინც იტყვის „კი“, მასთან ჩვენ ვხედავთ თანამშრომლობის თუ ოპონირების აზრს და შესაძლებლობას სხვა საკითხებზეც; ვინც იტყვის „არა“, მის მოსმენაზე და მასთან დებატებზე ჩვენ დროს ვერ დავკარგავთ ვერც ნებისმიერ სხვა საკითხზე“, - აცხადებენ დეპუტატები საპარლამენტო უმრავლესობიდან.

დავით ბაქრაძემ ოპონენტების ეს პოზიცია შეაფასა, როგორც ნაციონალური მოძრაობის „მისამართით დაყენებული ულტიმატუმი“.

„ის, რომ ზეგის კენჭისყრაზე ისინი ვერ მიიღებენ მხარდაჭერას, დიდწილად განპირობებული იქნება სწორედ იმ ენით, ურთიერთობის იმ ფორმით და იმ ზეწოლით, რომლითაც ისინი ცდილობენ ჩვენი მხარდაჭერის მოპოვებას“, - განაცხადა საპარლამენტო უმცირესობის ლიდერმა 4 თებერვალს.

მისი თქმით, ბიძინა ივანიშვილის მთავრობის დათხოვნის „არანაირი მზაკვრული გეგმა არ არსებობს“. 

„თუ მათ მაინც აქვთ ის შიში, რომ ეს მექანიზმი მაინც გამოყენებული იქნება და აპრილში მთავრობას ემუქრება კრიზისი, კი ბატონო, ჩვენ მზად ვართ ამ თემაზე დავსხდეთ და ვისაუბროთ, ჩვენ მზად ვართ მათ ჰქონდესთ გარანტიები, რომ არ ეშინოდეთ საკუთარი სკამების და ხელისუფლების დაკარგვის“, - განაცხადა ბაქრაძემ. 

„ჩვენ მზად ვართ მივცეთ ხმა საკონსტიტუციო ცვლილებებს და მოვუხსნათ მთავრობას სკამების დაკარგვის შიში და ამავე დროს, ამასთან ერთად ერთ პაკეტში მოვხსნათ ის შიშიც, რაც ჩვენი მოსახლეობის ნაწილშია, რომ საქართველოს ევროპული კურსი შეიძლება იყოს შეცვლილი და ეს გავაკეთოთ ორივე პოლიტიკურმა ძალამ ერთად“, - განაცხადა მან.

მას მხედველობაში ჰქონდა გასულ კვირას ნაციონალური მოძრაობის მიერ წამოყენებული ინიციატივა, რომელიც საქართველოს პროდასავლური კურსის კონსტიტუციით გამყარებას ითვალისწინებს. თუმცა ეს წინადადება, განსხვავებით „ქართული ოცნების“ მიერ შემოთავაზებული საკონსტიტუციო ცვლილებების პროექტისაგან, ჯერ არც ოფიციალურად არ არის ინიცირებული და შესაბამისად, არც ერთთვიანი საერთო-სახალხო განხილვის პროცედურა გაუვლია.

კიდევ ერთი პირობა, რომელიც ბაქრაძემ მხარდაჭერის სანაცვლოდ წამოაყენა, არის ის, რომ კონსტიტუციაში ცვლილებების შეტანისთვის საჭირო კვორუმის არსებული ორი-მესამედიდან (100 ხმა) სამ მეოთხედამდე (113 ხმა) აწევა განხორციელდეს ახლავე და არა 2013 წლის ბოლოს - ეს თარიღი ნაციონალურმა მოძრაობამ 2011 წლის დეკემბერში, როცა პარლამენტში დომინანტ ძალას წარმოადგენდა და ეს საკონსტიტუციო დებულება მიიღო, მისი ძალაში შესვლის ვადად განსაზღვრა.

იმავდროულად, ნაციონალური მოძრაობის გენერალურმა მდივანმა ვანო მერაბიშვილმა ორშაბათს გამართულ ბრიფინგზე „მთელი კატეგორიულობით“ განაცხადა, რომ დღევანდელი მონაცემებით ქართული ოცნება ძალიან შორს არის საკონსტიტუციო ცვლილებების გასატანად საჭირო 100 ხმის მოგროვებისგან და თუ ეს ცვლილებების მაინც იქნება მიღებული, „ეს იქნება ძალაუფლების ბოროტად გამოყენება“ ბიძინა ივანიშვილის მხრიდან.

„მე მინდა გავაფრთხილო საქართველოს მთავრობა და განსაკუთრებით, პირადად ბიძინა ივანიშვილი: თუ უახლოეს დღეებში პარლამენტმა მიიღო კონსტიტუციური ცვლილება ანუ უმრავლესობამ შეაგროვა საკონსტიტუციო უმრავლესობა, ეს ნიშნავს, რომ ბიძინა ივანიშვილმა გამოიყენა საკუთარი თანამდებობა ბოროტად და ძალისმიერი მეთოდებით გადაიბირა, შეაშინა, დააშანტაჟა საკმაოდ ბევრი პარლამენტის წევრი [ნაციონალური მოძრაობიდან]“, - განაცხადა მერაბიშვილმა.

უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
91