Civil.ge-ს შესახებ
Eng | ქარ | Рус
ბოლო განახლება: 18:40 - 20 იან.'17
RSS
Mobile
Twitter
Facebook
გამომძიებლებმა უგულავა მერიაში დაკითხეს
სივილ ჯორჯია, თბილისი / 3 თებ.'13 / 16:57

მას შემდეგ, რაც თბილისის მერმა გიგი უგულავამ უარი თქვა დედაქალაქის მერიის მიერ 5.2 მილიონი ლარის სავარაუდო გაფლანგვის საქმესთან დაკავშირებით ფინანსთა სამინისტროს საგამოძიებო სამსახურში დაკითხვაზე მისულიყო, მასთან მერიაში ორი გამომძიებელი მივიდა. დაკითხვა სამ საათზე მეტხანს გაგრძელდა.

„საკმაოდ საქმიან და მშვიდ ვითარებაში წარიმართა დაკითხვა“, – განუცხადა გამომძიებელმა თამარ კუჭავამ ჟურნალისტებს 2 თებერვალს.

მისი თქმით, გამოძიების მსვლელობიდან გამომდინარე იგი დეტალებს ვერ გააცნობს ჟურნალისტებს.

„ყველა კითხვას უპასუხა და სამკაოდ კარგი რესპონდენტი აღმოჩნდა“, – დასძინა მან.

ფინანსთა სამინისტროს საგამოძიებო სამსახურმა და პროკურატურამ თბილისის მერია 5.24 მილიონი ლარის საბიუჯეტო თანხების გაფლანგვაში დაადანაშაულა. გამოძიების თანახმად,  მუნიციპალურ სამსახურში ასობით ფიქტიური სამუშაო ადგილი შეიქმნა, რომლის საშუალებითაც ნაციონალური მოძრაობის აქტივისტები ხელფასს იღებდნენ. ჯერჯერობით ბრალი არავისთვის წაუყენებიათ.

უგულავამ, რომელიც უარყოფს ბრალდებებს და მათ პოლიტიკურად მოტივირებულს უწოდებს, განუცხადა ჟურნალისტებს დაკითხვის შემდეგ, რომ მას არანაირი პრეტენზიები არ გააჩნია გამომძიებლების მიმართ, მაგრამ ზოგადად გამოძიება „ჩიხშია“ შესული, დასძინა მან.

უგულავა ფინანსთა სამინისტროს საგამოძიებო სამსახურში შაბათს დღის 1 საათზე დაიბარეს. თუმცა, პარასკევს საღამოს თბილისის მერმა განაცხადა, რომ იგი არ აპირებდა მისვლას საგამოძიებო სამსახურში და დასძინა, რომ გამომძიებლების კითხვებს მხოლოდ იმ შემთხვევაში უპასუხებდა, თუ ისინი შაბათს მასთან მერიაში მივიდოდნენ.

უგულავამ ასევე განუცხადა ჟურნალისტებს დაკითხვის შემდეგ, რომ თუ გამოძიებას კიდევ ექნება კითხვები, იგი მათ იგივე ფორმით უპასუხებს. მას მხედველობაში ჰქონდა გამომძიებლების მასპინძლობა მერიაში. თბილისის მერმა შეშფოთება გამოხატა იმასთან დაკავშირებით, რომ ქვეყანა არასწორ გზაზე დგას და ამაში წვლილი ახალ მთავრობას მიუძღვის. 

უახლესი ამბები
20 იან.'17 18:40
ნაციონალურმა მოძრაობამ ყრილობაზე განახლებული პოლიტსაბჭო დაამტკიცა
პარტიის თავმჯდომარის პოსტი მიხეილ სააკაშვილისთვის ვაკანტური დარჩა, პოლიტსაბჭოს ხელმძღვანელად კი დეპუტატი ნიკა მელია იქნა არჩეული.
20 იან.'17 17:32
კვირიკაშვილი: „გაზპრომთან“ სატრანზიტო შეთანხმებაში ‘საზეიმო არაფერი არ არის’
მისი თქმით, საქართველომ დაიცვა თავისი ინტერესები და „მიაღწია მაქსიმალურად იმ შედეგს, რისი მიღწევაც იყო შესაძლებელი“.
20 იან.'17 15:59
აშშ-ის პრეზიდენტის ინაუგურაციაში საქართველო ელჩის დონეზე მონაწილეობს
ელჩი დავით ბაქრაძე ცერემონიალის განრიგით გათვალისწინებულ ყველა ოფიციალურ ღონისძიებას დაესწრება.
20 იან.'17 14:51
ვენეციის კომისიის პრეზიდენტი თბილისში შეხვედრებს მართავს
ჯანი ბუკიკიოს ვიზიტი საქართველოში დაგეგმილ საკონსტიტუციო რეფორმას უკავშირდება, იტყობინება ვენეციის კომისია.
20 იან.'17 12:06
კვირიკაშვილი დავოსში პოროშენკოს შეხვდა
საქართველოს პრემიერ-მინისტრმა ასევე გამართა შეხვედრები თავის ხორვატ და სერბ კოლეგებთან.
19 იან.'17 22:49
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
19 იან.'17 12:54
ესპანეთის პრემიერ-მინისტრმა კვირიკაშვილთან შეხვედრაზე საქართველოს მიმართ „მზარდი ინტერესი“ გამოხატა
საქართველოს პრემიერ-მინისტრი მადრიდში ვიზიტის ფარგლებში ასევე შეხვდა ესპანეთის მეფეს.
18 იან.'17 18:05
უსუფაშვილი პოლიტიკურ გეგმებზე საუბრობს
ყოფილი პარლამენტის თავმჯდომარე მომავალ საპარლამენტო არჩევნებზე „სერიოზული წარმატების“ მიღწევას გეგმავს.
18 იან.'17 16:52
ცხინვალმა საპრეზიდენტო არჩევნების თარიღი დანიშნა
სეპარატისტულ სამხრეთ ოსეთში საპრეზიდენტო არჩევნები 9 აპრილს გაიმართება.
18 იან.'17 14:44
პოლიტიკური რეიტინგები NDI–ის დაკვეთილ კვლევაში
ქართული ოცნება არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
56