Civil.ge-ს შესახებ
Eng | ქარ | Рус
ბოლო განახლება: 13:35 - 24 მაი.'17
RSS
Mobile
Twitter
Facebook
საქართველო საერთაშორისო გამჭირვალობის თავდაცვის ანტიკორუფციულ ინდექსში
სივილ ჯორჯია, თბილისი / 2 თებ.'13 / 18:39

2013 წლის თავდაცვის ანტიკორუფციული ინდექსის მიხედვით, საქართველო კორუფციის „მაღალი რისკის“ კატეგორიაში მოექცა, ნათქვამია საერთაშორისო გამჭირვალობის მიერ გამოქვეყნებულ ანგარიშში

თავდაცვის ანტიკორუფციული ინდექსი პირველი ამ ტიპის კვლევაა, რომელიც ზომავს, თუ როგორ უმკლავდებიან 82 ქვეყნის მთავრობები კორუფციას თავიანთ თავდაცვის სისტემებში.

ინდექსი აანალიზებს და აფასებს თავდაცვის სფეროში კორუფციის რისკების შემცირების მიზნით მთავრობების მიერ განხორციელებულ ქმედებებს და ქვეყნებს აჯგუფებს ექვს სხვადასხვა კატეგორიაში. თავდაცვის სფეროში კორუფციის „ძალიან დაბალი რისკის“ მქონე ქვეყნები, ასეთი სულ ორია - გერმანია და ავსტრალია, მოხვდნენ A ჯგუფში; ხოლო ის ქვეყნები, სადაც კორუფციის რისკი „კრიტიკულია“, დაჯგუფდნენ F კატეგორიაში.

D კატეგორია, რომელშიც „მაღალი რისკის“ კორუფციის მქონე ქვეყნებია დაჯგუფებული, დაყოფილია ორ ქვეჯგუფად – შედარებით უკეთესი მდგომარეობა სადაც არის, ის ქვეყნები შედიან D+ ქვეჯგუფში და შედარებით უარესი მგდომარეობის ქვეყნები შედიან D- ქვეჯგუფში.

საქართველო ‘D–‘ კატეგორიაში მოექცა 14 შემდეგ ქვეყანასთან ერთად: ბანგლადეში, ბელარუსი, ჩინეთი, ეთიოპია, განა, იორდანია, ყაზახეთი, მალაიზია, პაკისტანი, პალესტინა, რუსეთი, რუანდა, ტანზანია და თურქეთი.

კვლევა საერთაშორისო გამჭირვალობამ 2011 წლის ივლისსა და 2012 წლის ოქტომბრის პერიოდში განახორციელა; საქართველოზე კვლევა 2012 წლის მაისში დასრულდა.

ანგარიშის თანახმად, მართალია საქართველოში კორუფციის წინააღმდეგ ბრძოლამ, რომელიც 2004 წელს დაიწყო, გარკვეული შედეგი გამოიღო ბიუროკრატიის დაბალ დონეზე კორუფციის აღმოფხვრის თვალსაზრისით, მაგრამ „მაღალი დონის, ელიტური კორუფცია და თავდაცვის სექტორის არასათანადო გამჭვირვალობა“ კვლავ პრობლემად რჩება.

„თავდაცვის სამინისტრო მედიას, არასამთავრობო ორგანიზაციებს და თვით საკანონმდებლო ორგანოს წარმომადგენლებს აწვდის იმ ინფორმაციას, რომელიც, მისი გადაწყვეტილებით, მიზანშეწონილია გასავრცელებლად. მიუხედავად იმისა, რომ საქართველოს კანონმდებლობა არეგულირებს თავდაცვის სფეროს ზედამხედველობის საკითხს, კანონით განსაზღვრული უფლებამოსილებები პრაქტიკულ საქმიანობად არ ქცეულა და ეფექტური ზედამხედველობის მექანიზმად არ ჩამოყალიბებულა“, – ნათქვამია ანგარიშში.

ანგარიშის თანახმად, თავდაცვის სამინისტრო შესყიდვების ჩვეულებრივ პროცედურებს ხშირად გვერდს უვლის და „ამას სხვა გამართლებას არ აძლევს გარდა ‘სახელმწიფო ინტერესისა“’.  ამავე ანგარიშის თანახმად, „ხშირად შესყიდვები ქაოტურად ხორციელდება, რადგანაც არ არსებობს შესყიდვების სტრატეგია, რომელიც ხელმისაწვდომი იქნება დაინტერესებული პირებისთვის“.     

გამოქვეყნებამდე კვლევის შედეგები მთავრობებს გააცნეს, რომელთაც ჰქონდათ შესაძლებლობა მათზე რეაგირება მოეხდინათ. საქართველოს შემთხვევაში, ახალმა თავდაცვის მინისტრმა ირაკლი ალასანიამ წერილი მისწერა საერთაშორისო გამჭირვალობას, რომ გაუმჯობესება დაგეგმვაში, გამჭირვალობასა და კორუფციის წინააღმდეგ ბრძოლის ღონისძიებებში სამინისტროს ახალი ხელმძღვანელობის დღის წესრიგში დგას.

გამოკვლეული 82 ქვეყნიდან, საერთო ჯამში, 70% განიცდის იმ ღონისძიებების ნაკლებობას, რომლებიც საჭიროა მათ თავდაცვის სისტემებში კორუფციის აღსაკვეთად.

უახლესი ამბები
24 მაი.'17 13:35
მოსკოვის მიერ სოხუმში დაგეგმილი ახალი სამართალდამცავი სტრუქტურის თაობაზე უთანხმოება გრძელდება
შინაგან საქმეთა სტრუქტურების საინფორმაციო-საკოორდინაციო ცენტრს აფხაზეთში დებატები მოყვა.
24 მაი.'17 13:05
კრემლმა ცხინვალში ახალი წარმომადგენელი დანიშნა
მარატ კულახმეტოვი ცხინვალის რეგიონში რუსეთის სამშვიდობო ძალების მეთაურად მსახურობდა. 
24 მაი.'17 11:21
თურქეთის პრემიერ-მინისტრი თბილისში საქართველოს ოფიციალურ პირებს შეხვდა
საქართველოს და თურქეთის მინისტრებმა სტრატეგიული თანამშრომლობის საბჭოს მე-2 სხდომა გამართეს.
24 მაი.'17 10:05
საქართველომ სამმხრივ თავდაცვის მინისტერიალს უმასპინძლა
საქართველოს, აზერბაიჯანის და თურქეთის თავდაცვის მინისტრებმა სამხედრო თანამშრომლობის საკითხები განიხილეს.
23 მაი.'17 18:40
პროკურატურამ აუდიტის სამსახურის შუალედური ანგარიშის საფუძველზე გამოძიება დაიწყო
შუალედური ანგარიში 2015-2016 წლებში თბილისის მუნიციპალიტეტის საკუთრებაში არსებული ქონების მართვისა და განკარგვის საკითხს უკავშირდება.
23 მაი.'17 18:11
აზერბაიჯანის თავდაცვის მინისტრი საქართველოს სტუმრობს
ზაკირ ჰასანოვმა საქართველოს პრემიერ-მინისტრთან და თავდაცვის მინისტრთან შეხვედრებზე თავდაცვის სფეროში ორმხრივ და სამხრივ ურთიერთობებზე იმსჯელა.
23 მაი.'17 16:53
აფხაზეთში გერმანიის მოქალაქე დააკავეს
რუსეთის FSB-ს თანამშრომლებმა გერმანიის მოქალაქე „საზღვრის უკანონო გადაკვეთის“ გამო დააკავეს.
23 მაი.'17 15:15
საქართველოს ლიდერები მანჩესტერის თავდასხმას გმობენ
პრეზიდენტმა, პრემიერ-მინისტრმა და პარლამენტის თავმჯდომარემ ტერორისტული აქტის შემდეგ განცხადებები გამოაქვეყნეს.
23 მაი.'17 13:31
რესპუბლიკელები და თავისუფალი დემოკრატები გაერთიანების საკითხს განიხილავენ
2016 წლის საპარლამენტო არჩევნებზე თავისუფალმა დემოკრატებმა ხმების 4.63%,  ხოლო რესპუბლიკელებმა 1.55% მიიღეს.
22 მაი.'17 18:53
პროკურატურამ სტრასბურგის სასამართლოს მოსამართლის ძმის წინააღმდეგ საქმეზე გამოძიება შეწყვიტა
ნონა წოწორიამ განაცხადა, რომ გამოძიება სტრასბურგის სასამართლოში მის საქმიანობას უკავშირდებოდა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
9