Civil.ge-ს შესახებ
Eng | ქარ | Рус
ბოლო განახლება: 18:40 - 23 მაი.'17
RSS
Mobile
Twitter
Facebook
რუსეთის საგარეო უწყება საქართველოსთან მოლაპარაკებების შესახებ
სივილ ჯორჯია, თბილისი / 1 თებ.'13 / 11:12

მოსკოვი იმედოვნებს, რომ საქართველოს პრემიერ–მინისტრის სპეციალურ წარმომადგენელსა და რუსეთის საგარეო საქმეთა მინისტრის მოადგილეს შორის დეკემბერში დაწყებული მოლაპარაკებები „დადებით შედეგებს გამოიღებს, იმ სფეროებში, სადაც ეს რეალური და შესაძლებელია“, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა ალექსანდრე ლუკაშევიჩმა 31 იანვარს.

რუსეთის საგარეო საქმეთა მინისტრის მოადგილე გრიგორი კარასინი და საქართველოს პრემიერ–მინისტრის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე ერთმანეთს შვეიცარიაში 14 დეკემბერს შეხვდნენ და შეთანხმდნენ, განაგრძონ პირდაპირი დიალოგი ვაჭრობის, ეკონომიკის და ჰუმანიტარულ საკითხებზე.

ლუკაშევიჩმა განაცხადა, რომ მოსკოვი აპირებს განაგრძოს ეს დიალოგი თბილისთან.

რუსეთის საგარეო საქმეთა სამინისტროს ოფიციალურმა წარმომადგენელმა ეს განცხადება მოსკოვში გამართულ პრესკონფერენციაზე გააკეთა, როდესაც მას ჰკითხეს მიმდინარეობდა თუ არა თბილისსა და მოსკოვს შორის მოლაპარაკებები დიპლომატიური ურთიერთობების აღდგენის, ასევე „სადავო ტერიტორიების“ და „საქართველოს დსთ–ში დაბრუნების“ თაობაზე.

ამის საპასუხოდ ლუკაშევიჩმა განაცხადა, რომ „სადავო ტერიტორიები“ არ არსებობს.

„ეს საქართველოს იდეოლოგიაა. ეს არ არის „სადავო ტერიტორიები“, არამედ დამოუკიდებელი სახელმწიფოები, საერთაშორისო სამართლის სუბიექტები. რაც უფრო მალე გაიგებს საქართველოს ხელმძღვანელობა, რომ ეს ახალი გეოპოლიტიკური რეალობებია რეგიონში, მით უფრო ადვილად წარიმართება დარეგულირების პროცესი“, – განაცხადა ლუკაშევიჩმა.

დსთ–სთან დაკავშირებით, ლუკაშევიჩმა განაცხადა, რომ ამ საკითხზე საქართველოსთან მოლაპარაკებები არ მიმდინარეობს.

ზოგიერთი რუსული და ქართული საინფორმაციო სააგენტო იტყობინებოდა 29 იანვარს რუსეთის საგარეო საქმეთა სამინისტროს დსთ–ს პირველი დეპარტამენტის დირექტორის  მიხეილ ევდოკიმოვის სიტყვებზე დაყრდნობით, რომ თბილისთან უკვე არსებობდა კონტაქტები დსთ–ში შესაძლო დაბრუნების თაობაზე.

ალექსანდრე ლუკაშევიჩმა განაცხადა, რომ მედია საშუალებებმა ევდოკიმოვის განცხადების არასწორი ინტერპრეტაცია მოახდინეს.

„საქართველოს დსთ–ში დაბრუნების საკითხი თბილისთან ჩვენი კონტაქტების დღის წესრიგში არ დგას“, – განაცხადა ლუკაშევიჩმა.

 

უახლესი ამბები
23 მაი.'17 18:40
პროკურატურამ აუდიტის სამსახურის შუალედური ანგარიშის საფუძველზე გამოძიება დაიწყო
შუალედური ანგარიში 2015-2016 წლებში თბილისის მუნიციპალიტეტის საკუთრებაში არსებული ქონების მართვისა და განკარგვის საკითხს უკავშირდება.
23 მაი.'17 18:11
აზერბაიჯანის თავდაცვის მინისტრი საქართველოს სტუმრობს
ზაკირ ჰასანოვმა საქართველოს პრემიერ-მინისტრთან და თავდაცვის მინისტრთან შეხვედრებზე თავდაცვის სფეროში ორმხრივ და სამხრივ ურთიერთობებზე იმსჯელა.
23 მაი.'17 16:53
აფხაზეთში გერმანიის მოქალაქე დააკავეს
რუსეთის FSB-ს თანამშრომლებმა გერმანიის მოქალაქე „საზღვრის უკანონო გადაკვეთის“ გამო დააკავეს.
23 მაი.'17 15:15
საქართველოს ლიდერები მანჩესტერის თავდასხმას გმობენ
პრეზიდენტმა, პრემიერ-მინისტრმა და პარლამენტის თავმჯდომარემ ტერორისტული აქტის შემდეგ განცხადებები გამოაქვეყნეს.
23 მაი.'17 13:31
რესპუბლიკელები და თავისუფალი დემოკრატები გაერთიანების საკითხს განიხილავენ
2016 წლის საპარლამენტო არჩევნებზე თავისუფალმა დემოკრატებმა ხმების 4.63%,  ხოლო რესპუბლიკელებმა 1.55% მიიღეს.
22 მაი.'17 18:53
პროკურატურამ სტრასბურგის სასამართლოს მოსამართლის ძმის წინააღმდეგ საქმეზე გამოძიება შეწყვიტა
ნონა წოწორიამ განაცხადა, რომ გამოძიება სტრასბურგის სასამართლოში მის საქმიანობას უკავშირდებოდა.
22 მაი.'17 17:26
მოსკოვი აფხაზეთში ახალ სამართალდამცავ სტრუქტურას ქმნის
რუსეთმა და სეპარატისტულმა რეგიონმა ხელი მოაწერეს შეთანხმებას ერთობლივი საინფორმაციო-საკოორდინაციო ცენტრის ჩამოყალიბების თაობაზე.
22 მაი.'17 12:30
ჯეიმს მატისი: აშშ მზად არის საქართველოს თავდაცვის რეფორმაში დაეხმაროს
აშშ-ის თავდაცვის მდივანმა თავის ქართველ კოლეგას ლევან იზორიას წერილით მიმართა.
21 მაი.'17 16:34
კვირიკაშვილი იორდანიაში მეფე აბდულა II-ს და ფედერიკა მოგერინის შეხვდა
პრემიერ-მინისტრმა „ახლო აღმოსავლეთის, ჩრდილოეთ და აღმოსავლეთ აფრიკის 2017 წლის მსოფლიო ეკონომიკურ ფორუმში“ მიიღო მონაწილეობა.
20 მაი.'17 13:23
პარლამენტმა დროებითი საგამოძიებო კომისიის შექმნა მიზანშეუწონლად მიიჩნია
საპარლამენტო უმცირესობის ნაწილი სახელმწიფო აუდიტორის ფიზიკური შეურაცხყოფის საკითხის შესწავლის მიზნით კომისიის შექმნას ითხოვდა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
68