Civil.ge-ს შესახებ
Eng | ქარ | Рус
ბოლო განახლება: 23:53 - 22 სექ.'17
RSS
Mobile
Twitter
Facebook
სააკაშვილი: კონსტიტუციაში უნდა ჩაიწეროს, რომ საქართველო არ შევა არცერთ პოსტსაბჭოთა გაერთიანებაში
სივილ ჯორჯია, თბილისი / 31 იან.'13 / 19:10

პრეზიდენტი სააკაშვილი მხარს უჭერს კონსტიტუციაში ჩაიწეროს, რომ საქართველო არ შევა არცერთ პოსტსაბჭოთა გაერთიანებაში, რაც მისი თქმით, მოხსნიდა "საბჭოთა იმპერიაში" დაბრუნების „პუტინისტური თამაშების“ შესაძლებლობას.

სააკაშვილის ნაციონალურმა მოძრაობამ ერთი დღის შემდეგ, რაც 30 იანვარს გამოვიდა პირველი ინიციატივით, რომ საქართველოს დასავლური საგარეო პოლიტიკური კურსის უცვლელობაზე კანონპროექტი ყოფილიყო მიღებული, 31 იანვარს განაცხადა, რომ ასეთი ვალდებულება კონსტიტუციის დონეზე უნდა განისაზღვროს და ამ საკითხზე ერთობლივი მუშაობა ქართული ოცნების საპარლამენტო უმრავლესობას შესთავაზა. პარლამენტში წარმოდგენილ ამ ორ ძალას ერთმანეთისგან დამოუკიდებლად საკონსტიტუციო ცვლილებების მიღებისათვის საჭირო 100 ხმა არ გააჩნია.

„ეს ის ცვლილებებია, რომელსაც ნამდვილად, უმრავლესობას ამ შეთხვევაში ეყოფათ ხმები, რომელიც მათ არ ყოფნით სხვა ყველა ცვლილებების შემთხვევაში, რომ საქართველოს კონსტიტუციაში ჩაიწეროს, რომ საქართველო არ შევა არცერთ პოსტსაბჭოთა გაერთიანებაში“, - განუცხადა სააკაშვილმა 31 იანვარს ჟურნალისტებს.

„რამდენიმე განცხადება გაკეთდა, კერძოდ განცხადება სომხეთში, რომლის მიხედვითაც უნდა მოხდეს საქართველოს საგარეო პოლიტიკის არმენიზაცია და კერძოდ, თანაბარი დისტანცია უნდა დავიკავოთ დასავლეთისგანაც და რუსეთისგანაც, რაც არ იყო ადრე საქართველოს საგარეო პოლიტიკის მიმართულება და კურსი“, - განაცხადა მან.  

პრეზიდენტს მხედველობაში ჰქონდა პრემიერ-მინისტრ ბიძინა ივანიშვილის მიერ სომხეთში ვიზიტის დროს გაკეთებული განცხადებები: ერთი, როდესაც მან თქვა, რომ სომხეთი კარგი მაგალითია იმისა, თუ როგორ შეიძლება ერთდროულად კარგი ურთიერთობების დამყარება რუსეთთან და ნატოსთან; და მეორე, აფხაზეთის გავლით რუსეთთან სარკინიგზო მიმოსვლის აღდგენის შესახებ.  ორივე ამ განცხადებას სააკაშვილისა და მისი პარტიის მხრიდან კრიტიკული შეფასებები მოჰყვა.

„აფხაზეთის რკინიგზა არა მხოლოდ არის ლეგალიზაცია რუსეთის ოკუპაციის აფხაზეთის, არამედ პირდაპირ პლაცდარმს ვაძლევთ რუსეთს კავკასიის დაპყრობის, რაც პირდაპირ ეწინააღმდეგება საქართველოს ეროვნულ ინტერესებს და იმ სიტუაციაში, როცა რუსეთს მყარად აქვს გადაწყვეტილი, რომ 2015 წელს ევრაზიის კავშირის სახით რაღაც ფორმით აღადგინოს საბჭოთა კავშირი, საბჭოთა იმპერია ყოფილ საბჭოთა კავშირის ტერიტორიაზე და მყარად აქვს გადაწყვეტილი ამ პოსტსაბჭოთა გაერთიანებაში შეიყვანოს უკრაინა, მოლდოვა და საქართველო“, - განაცხადა მიხეილ სააკაშვილმა.

მისი თქმით, ამ სიტუაციაში „ძალიან პრინციპული“ მომენტია არა დეკლარაციის დონეზე საქართველოს დასავლური კურსის აღიარება, რასაც „ქართული ოცნება“ სთავაზობს საპარლამენტო ოპოზიციას ინტერფრაქციული შეთანხმების ფორმით, არამედ „კონსტიტუციაში შეტანა ისეთი ცვლილების, რომელსაც შემდეგ ვერ შეცვლის ვერცერთი პარლამენტი“.

„თუ ჩვენ მართლა სერიოზულად არ ვაპირებთ, რომ ვითამაშოთ იმპერიული, პუტინისტური თამაში ჩვენ საბჭოთა იმპერიაში დაბრუნების და ე.ი. საქართველოს მომავალი განვითარების შანსის მოსპობის, ასეთი საკონსტიტუციო ცვლილებები ყველა ამ საკითხს სერიოზულად მოხსნიდა და საქართველო გააგრძელებდა განვითარებას ჩვენი საზოგადოების თვალში და ასევე ჩვენი პარტნიორების თვალში“, - განაცხადა სააკაშვილმა. 

მან იმედი გამოთქვა, რომ საპარლამენტო უმრავლესობა სერიოზულად განიხილავს ამ ინიციატივას და არ ჩათვლის „მორიგ პროპაგანდისტულ ფანდად“.

 

ამავე თემაზე
უახლესი ამბები
22 სექ.'17 23:53
საქართველოს ხელისუფლება ოკუპირებულ სამხრეთ ოსეთში ქართველთა სახლების განადგურებას ეხმაურება
სოფელ ერედვში მიმდინარე სამუშაოებს საქართველოს ხელისუფლება „გენოციდის გაგრძელებად“ აფასებს. 
22 სექ.'17 22:53
მთავრობამ აშშ-ში ლობირებისთვის თითქმის მილიონი დახარჯა
სულ ბოლოს მთავრობამ კომპანია StrateVarious LLC-სთან მოაწერა კონტრაქტს ხელი.
22 სექ.'17 17:17
კვირიკაშვილი: საქართველო იზრდება, ის არის სიცოცხლით სავსე და მტკიცე გამოწვევებთან ბრძოლაში
საქართველოს პრემიერ-მინისტრი გაეროს გენერალურ ასამბლეაზე სიტყვით გამოვიდა.
22 სექ.'17 17:00
ადგილობრივ არჩევნებზე 23 პარტია, 5 საარჩევნო ბლოკი და 200-ზე მეტი საინიციატივო ჯგუფი დარეგისტრირდა
რამდენიმე დღეში საარჩევნო ადმინისტრაცია სარეგისტრაციო პროცედურებს დაასრულებს და კანდიდატთა საბოლოო სიებს გამოაქვეყნებს.
22 სექ.'17 12:00
პრემიერ-მინისტრის გამოსვლა გაეროს გენერალურ ასამბლეაზე
გიორგი კვირიკაშვილი ნიუ-იორკში საქართველოს დელეგაციას ხელმძღვანელობს. 
21 სექ.'17 18:36
რუსეთი სოხუმში საბაჟო პუნქტს გახსნის
პუნქტი მთელ აფხაზეთს მოიცავს, რუსეთის კანონმდებლობით იმუშავებს, მისი თანამშრომლები კი იმუნიტეტით ისარგებლებენ.
21 სექ.'17 18:19
მმართველი პარტია ბონუსის სისტემაზე უარს ამბობს
მომდევნო საპარლამენტო არჩევნებზე, პარტიებს საარჩევნო ბლოკებში გაერთიანების უფლება ექნებათ.
21 სექ.'17 17:49
რესპუბლიკური პარტია ერთნაირი სქესის მქონე პირთათვის სამოქალაქო პარტნიორობას ლობირებს
პარტიამ 2016 წლის საპარლამენტო არჩევნებში დამოუკიდებლად მიიღო მონაწილეობა, თუმცა ხმების საკმარისი რაოდენობა ვერ მოიპოვა.
21 სექ.'17 12:04
საქართველო ღია მმართველობის პარტნიორობის თავმჯდომარე გახდა
პრემიერ-მინისტრმა კვირიკაშვილმა OGP-ის თავმჯდომარეობა საფრანგეთის პრეზიდენტისგან ოფიციალურად გადაიბარა.
20 სექ.'17 17:58
რუსი მინისტრი: მოსკოვი სამხრეთ ოსეთის მიმართ აღებულ ფინანსურ ვალდებულებებს ‘ადასტურებს’
მინისტრი ჩრდილოეთ კავკასიის საკითხებში ლევ კუზნეცოვი ორდღიანი სამუშაო ვიზიტით ცხინვალს სტუმრობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
75