Civil.ge-ს შესახებ
Eng | ქარ | Рус
ბოლო განახლება: 20:33 - 20 ოქტ.'17
RSS
Mobile
Twitter
Facebook
საქართველოს სოფლის მეურნეობის სამინისტროს დელეგაცია მოსკოვში მოლაპარაკებებს გამართავს
სივილ ჯორჯია, თბილისი / 28 იან.'13 / 19:42

საქართველოს სოფლის მეურნეობის სამინისტროს შვიდკაციანი დელეგაცია 3 თებერვალს მოსკოვში გაემგზავრება, სადაც რუსეთის მთავარ სანიტარულ ექიმთან გენადი ონიშჩენკოსთან ქართული პროდუქციის რუსულ ბაზარზე დაბრუნების თაობაზე მოლაპარაკებები 4 თებერვალს გაიმართება. 

ქართულ დელეგაციას ღვინის ეროვნული სააგენტოს თავმჯდომარე ლევან დავითაშვილი უხელმძღვანელებს და მასში ასევე შევლენ ღვინის და  სურსათის ეროვნული სააგენტოების ორ–ორი  წარმომადგენელი, ღვინის დარგის ასოციაციის აღმასრულებელი დირექტორი და გამგეობის თავმჯდომარე, ასევე ხილისა და ბოსტნეულის ექსპორტის კომპანიის თავმჯდომარე.   

ლევან დავითაშვილის განცხადებით, მოსკოვში დაგეგმილი ვიზიტის ფარგლებში საუბარი შედგება „ფიტოსანიტარულ კონტროლს დაქვემდებარებული პროდუქციის დაბრუნებაზე რუსეთის ბაზარზე, ანუ ეს პროდუქტებია საკვები, სასმელი და ა.შ.“.

რუსეთმა ქართული პროდუქციის, მათ შორის ღვინისა და მინერალური წყლების იმპორტი 2006 წელს ”უხარისხობის” მოტივით აკრძალა. თუმცა ამ გადაწყვეტილებას თბილისმა პოლიტიკურად მოტივირებული უწოდა.

„ჩვენი დიალოგის შინაარსი ფაქტიურად იქნება ხარისხის კონტროლის სისტემაზე საუბარი, იმაზე საუბარი, რომ ქართული პროდუქცია შესაბამისობაშია სტანდარტებთან და ის ღირსია, რომ დაბრუნდეს“, – განუცხადა ჟურნალისტებს დავითაშვილმა 28 იანვარს და დასძინა: „ჩვენ დარწმუნებული ვართ, რომ ხარისხის პრობლემები აღარ არსებობს“.

იმავდროულად, 28 იანვარს გენადი ონიშჩენკომ იმედი გამოთქვა, რომ მომავალ ორშაბათს დაგეგმილ შეხვედრაზე კონკრეტული შეთანხმებები შეიძლება იქნას მიღწეული. „თუ საუბარი საქმეზე წარიმართება, მაშინ [შეხვედრების] რაუნდები ბევრი არ იქნება“, - განუცხადა მან „ინტერფაქსს“.

ონიშჩენკომ გასულ კვირას ასევე არ გამორიცხა, რომ მოსკოვში დაგეგმილი მოლაპარაკებების შემდეგ თავადაც განახორციელოს საქართველოში ვიზიტი.

ცოტა ხნის წინ რუსეთის მთავარმა სანიტარულმა ექიმმა, რუსეთის საგარეო საქმეთა სამინისტროს ცნობით, მას ქართული დელეგაციის წევრებისთვის ვიზების დაუბრკოლებლად გაცემის თხოვნით მიმართა.

ლევან დავითაშვილის თქმით, ქართულმა დელეგაციამ ვიზები „ძალიან ოპერატიულად“ და „ყოველგვარი დაბრკოლების“ გარეშე მიიღო.

უახლესი ამბები
20 ოქტ.'17 20:33
არასამთავრობოები წინასაარჩევნო გარემოზე: ‘აშკარა იყო მმართველი პარტიის დომინანტური მდგომარეობა’
ადგილობრივი არჩევნების წინ, სამმა არასამთავრობო ორგანიზაციამ წინასაარჩევნო პერიოდში გამოვლენილი დარღვევები შეაჯამა.
20 ოქტ.'17 18:06
პოლონეთის საგარეო საქმეთა მინისტრი საქართველოს ევროპული მისწრაფებების მიმართ მხარდაჭერას ადასტურებს
თბილისში ვიზიტის ფარგლებში ვიტოლდ ვაშჩიკოვსკი პრემიერ-მინისტრს, პრეზიდენტს და საგარეო საქმეთა მინისტრს შეხვდა.
20 ოქტ.'17 13:49
მარნეულის მუნიციპალიტეტში ქართული ოცნების საარჩევნო შტაბზე თავდასხმა მოხდა
დაჭრილია ხუთი ადამიანი, მათ შორის, ქართული ოცნების მაჟორიტარი დეპუტატობის კანდიდატი.
20 ოქტ.'17 10:52
საქართველოს ლიდერები საზოგადოებას ადგილობრივ არჩევნებში აქტიური მონაწილეობისკენ მოუწოდებენ
ადგილობრივ არჩევნებთან დაკავშირებით განცხადებები პრემიერ-მინისტრმა კვირიკაშვილმა და პრეზიდენტმა მარგველაშვილმა გააკეთეს.
19 ოქტ.'17 19:58
საქართველოს პრეზიდენტმა საკონსტიტუციო ცვლილებებს ხელი მოაწერა
ახალი კონსტიტუცია მომდევნო საპრეზიდენტო არჩევნების შემდეგ ამოქმედდება.
19 ოქტ.'17 18:29
არასამთავრობოები სახალხო დამცველის შესარჩევ პროცესში ჩართვას ითხოვენ
ახალ ომბუდსმენს პარლამენტი, სავარაუდოდ, ნოემბერში აირჩევს.
19 ოქტ.'17 16:09
საქართველომ ბუკის ტიპის საჰაერო თავდაცვის სისტემა ნიდერლანდებს გადასცა
ნიდერლანდების თხოვნა MH17 რეისის სამგზავრო თვითმფრინავის ავიაკატასტროფის თაობაზე მიმდინარე გამოძიებას უკავშირდებოდა.
19 ოქტ.'17 14:06
საქართველოს საგარეო ვაჭრობა 2017 წლის იანვარ–სექტემბერში
2017 წლის პირველ ცხრა თვეში საქართველოს საგარეო ვაჭრობამ 7.56 მილიარდი აშშ დოლარი შეადგინა.
18 ოქტ.'17 14:18
საპარლამენტო კომიტეტებმა 2018 წლის სახელმწიფო ბიუჯეტის პირველადი ვარიანტის განხილვა დაასრულეს
მთავრობა ბიუჯეტის გადამუშავებულ ვარიანტს პარლამენტს არაუგვიანეს 5 ნოემბრისა წარუდგენს.
18 ოქტ.'17 13:09
სოხუმი ეთნიკური ქართველებისთვის ახალ შეზღუდვებს ამზადებს
ოკუპირებული აფხაზეთის ხელისუფლება გალის რაიონის 4 000 ეთნიკური ქართველისთვის თავისუფალი გადაადგილების უფლების შეზღუდვას გეგმავს.      

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
73