Civil.ge-ს შესახებ
Eng | ქარ | Рус
ბოლო განახლება: 18:40 - 20 იან.'17
RSS
Mobile
Twitter
Facebook
ჩოჩელი 200,000 ლარის გირაოთი განთავისუფლდა
სივილ ჯორჯია, თბილისი / 27 იან.'13 / 13:34

თბილისის საქალაქო სასამართლომ შაბათს ცეზარ ჩოჩელი, მცხეთა-მთიანეთის ყოფილი გუბერნატორი, რომელიც სამეწარმეო საქმიანობაში უკანონო მონაწილეობის და უკანონო შემოსავლების ლეგალიზაციის ბრალდებით 24 იანვარს დააკავეს, აღმკვეთის ღონისძიების სახით 200,000 ლარის ოდენობით გირაოს გადახდის სანაცვლოდ გაათავისუფლა.
 
პროკურატურა ცეზარ ჩოჩელისთვის წინასწარი პატიმრობის შეფარდებას ითხოვდა.

ჩოჩელის საქმეზე წინასასამართლო სხდომა 14 მარტს იგეგმება.
 
განთავისუფლების შემდეგ ჩოჩელმა ჟურანლისტებს განუცხადა რომ მის წინააღმდეგ წაყენებულ ბრალდებებს არ აღიარებს.

ჩოჩელი, რომელიც  2008 წლის დასაწყისიდან 2012 წლის ნოემბრამდე მცხეთა–მთიანეთის გუბერნატორი იყო, ფინანსთა სამინისტროს საგამოძიებო სამსახურმა დააკავა და მას ბრალი წაუყენა გუბერნატორად მუშაობის პერიოდში სამეწარმეო საქმიანობაში უკანონო მონაწილეობასა (ითვალისწინებს თავისუფლების აღკვეთას ორიდან ოთხ წლამდე ან პირობით მსჯავრს ორიდან სამ წლამდე) და უკანონო შემოსავლების ლეგალიზაციაში (ისჯება თავისუფლების აღკვეთით ვადით ცხრიდან თორმეტ წლამდე).
 
საგამოძიებო სამსახურმა 26 ინვარს განაცხადა, რომ მიუხედავად იმისა, რომ ჩოჩელს, როგორც საჯარო მოხელეს აკრძალული ჰქონდა სამეწარმეო საქმიანობა, ის „ფაქტიურად ხელმძღვანელობდა შპს „ნიუ ენერჯის,“  მფარველობას უწევდა და ხელს უწყობდა სახელმწიფო ბიუჯეტიდან დაფინანსებული პროექტების შესრულებასთან დაკავშირებული კონტრაქტების გაფორმებაში“, რის სანაცვლოდაც,  ღებულობდა  დიდი ოდენობით უკანონო შემოსავალს და ფულის გათეთრების გზით აძლევდა კანონიერ სახეს.
 
გამოძიების ინფორმაციით, ცეზარ ჩოჩელის მიერ უკანონოდ მიღებულმა შემოსავალმა  5 421 845 ლარი შეადგინა, რაც მას არ აუსახავს  საჯარო მოხელის ყოველწლიურ ქონებრივ დეკლარაციაში.

ნაციონალური მოძრაობის გენერალურმა მდივანმა ვანო მერაბიშვილმა 25 იანვარს განაცხადა, რომ ცეზარ ჩოჩელი „სრულიად სასაცილო და თითიდან გამოწოვილი“ ბრალდებებით დააკავეს.
 
სასამართლოს გადაწყვეტილებამდე რამოდენიმე საათით ადრე იუსტიციის მინისტრმა თეა წულუკიანმა განაცხადა: „ვნახოთ რა გადაწყვეტილებას მიიღებს კიდევ ერთხელ საქართველოს დამოუკიდებელი სასამართლო, რომელსაც ხელმძღვანელობს დამოუკიდებელი და მიუკერძოებელი [იზენაესი სასამართლოს თავმჯდომარე] ბატონი კოტე კუბლაშვილი“.

წულუკიანმა ჩოჩელის მიმართ აღძრულ საქმეში პოლიტიკური მოტივაცია გამორიცხა.

უახლესი ამბები
20 იან.'17 18:40
ნაციონალურმა მოძრაობამ ყრილობაზე განახლებული პოლიტსაბჭო დაამტკიცა
პარტიის თავმჯდომარის პოსტი მიხეილ სააკაშვილისთვის ვაკანტური დარჩა, პოლიტსაბჭოს ხელმძღვანელად კი დეპუტატი ნიკა მელია იქნა არჩეული.
20 იან.'17 17:32
კვირიკაშვილი: „გაზპრომთან“ სატრანზიტო შეთანხმებაში ‘საზეიმო არაფერი არ არის’
მისი თქმით, საქართველომ დაიცვა თავისი ინტერესები და „მიაღწია მაქსიმალურად იმ შედეგს, რისი მიღწევაც იყო შესაძლებელი“.
20 იან.'17 15:59
აშშ-ის პრეზიდენტის ინაუგურაციაში საქართველო ელჩის დონეზე მონაწილეობს
ელჩი დავით ბაქრაძე ცერემონიალის განრიგით გათვალისწინებულ ყველა ოფიციალურ ღონისძიებას დაესწრება.
20 იან.'17 14:51
ვენეციის კომისიის პრეზიდენტი თბილისში შეხვედრებს მართავს
ჯანი ბუკიკიოს ვიზიტი საქართველოში დაგეგმილ საკონსტიტუციო რეფორმას უკავშირდება, იტყობინება ვენეციის კომისია.
20 იან.'17 12:06
კვირიკაშვილი დავოსში პოროშენკოს შეხვდა
საქართველოს პრემიერ-მინისტრმა ასევე გამართა შეხვედრები თავის ხორვატ და სერბ კოლეგებთან.
19 იან.'17 22:49
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
19 იან.'17 12:54
ესპანეთის პრემიერ-მინისტრმა კვირიკაშვილთან შეხვედრაზე საქართველოს მიმართ „მზარდი ინტერესი“ გამოხატა
საქართველოს პრემიერ-მინისტრი მადრიდში ვიზიტის ფარგლებში ასევე შეხვდა ესპანეთის მეფეს.
18 იან.'17 18:05
უსუფაშვილი პოლიტიკურ გეგმებზე საუბრობს
ყოფილი პარლამენტის თავმჯდომარე მომავალ საპარლამენტო არჩევნებზე „სერიოზული წარმატების“ მიღწევას გეგმავს.
18 იან.'17 16:52
ცხინვალმა საპრეზიდენტო არჩევნების თარიღი დანიშნა
სეპარატისტულ სამხრეთ ოსეთში საპრეზიდენტო არჩევნები 9 აპრილს გაიმართება.
18 იან.'17 14:44
პოლიტიკური რეიტინგები NDI–ის დაკვეთილ კვლევაში
ქართული ოცნება არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
70