Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
პარლამენტმა 15 კომიტეტის თავმჯდომარე აირჩია
სივილ ჯორჯია, თბილისი / 21 ოქტ.'12 / 18:14

ფრაქციებისა და სპიკერატის დაკომპლექტების შემდეგ, ახალმა პარლამენტმა კომიტეტების თავმჯდომარეები აირჩია  – ყველა მათგანი საპარლამენტო უმრავლესობის, "ქართული ოცნების" წარმომადგენელია და უალტერნატივო კანდიდატად იყო წარდგენილი. 

15 საპარლამენტო კომიტეტიდან ცხრას ივანიშვილის პარტიის, ქართული ოცნება – დემოკრატიული საქართველოს წევრები ჩაუდგნენ სათავეში, ირაკლი ალასანიას "თავისუფალმა დემოკრატებმა" და რესპუბლიკელებმა 2–2 კომიტეტის ხელმძღვანელობა ჩაიბარეს, ხოლო თითო თავმჯდომარე ჰყავს მრეწველებსა და ეროვნულ ფორუმს:

  • იურიდიულ საკითხთა კომიტეტი – ვახტანგ ხმალაძე (რესპუბლიკური პარტია);
  • საგარეო ურთიერთობათა კომიტეტი – თედო ჯაფარიძე (ქართული ოცნება – დემოკრატიული საქართველო);
  • თავდაცვისა და უშიშროების კომიტეტი – ირაკლი სესიაშვილი (ქართული ოცნება – დემოკრატიული საქართველო);
  • საპროცედურო საკითხთა და წესების კომიტეტი – ირინა იმერლიშვილი (ქართული ოცნება – დემოკრატიული საქართველო);
  • საფინანსო-საბიუჯეტო კომიტეტი – დავით ონოფრიშვილი (თავისუფალი დემოკრატები);
  • ადამიანის უფლებათა დაცვისა და სამოქალაქო ინტეგრაციის კომიტეტი – ეკა ბესელია (ქართული ოცნება – დემოკრატიული საქართველო);
  • ჯანმრთელობის დაცვისა და სოციალურ საკითხთა კომიტეტი – დიმიტრი ხუნდაძე (ქართული ოცნება – დემოკრატიული საქართველო);
  • განათლების, მეცნიერების და კულტურის კომიტეტი – ივანე კიღურაძე (ქართული ოცნება – დემოკრატიული საქართველო);
  • დარგობრივი ეკონომიკისა და ეკონომიკური პოლიტიკის კომიტეტი – ზურაბ ტყემალაძე (მრეწველები);
    აგრარულ საკითხთა კომიტეტი – გიგლა აგულაშვილი (რესპუბლიკური პარტია);
  • ევროპასთან ინტეგრაციის კომიტეტი – ვიქტორ დოლიძე (თავისუფალი დემოკრატები);
  • გარემოს დაცვისა და ბუნებრივი რესურსების კომიტეტი – ზურაბ ზვიადაური (ქართული ოცნება – დემოკრატიული საქართველო);
  • რეგიონული პოლიტიკის, თვითმმართველობის და მაღალმთიანი რეგიონების კომიტეტი – ერეკლე ტრიპოლსკი (ქართული ოცნება – დემოკრატიული საქართველო);
  • დიასპორისა და კავკასიის საკითხთა კომიტეტი – გუბაზ სანიკიძე (ეროვნული ფორუმი);
  • სპორტისა და ახალგაზრდულ საქმეთა კომიტეტი – ლერი ხაბელოვი (ქართული ოცნება – დემოკრატიული საქართველო).

ბიძინა ივანიშვილის მიერ თავდაპირველად წარდგენილ შემადგენლობაში ორი ცვლილება განხორციელდა. კერძოდ, დეპუტატ ნოდარ ხადურის ნაცვლად, რომელიც ფინანსთა მინისტრობის კანდიდატია, პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარედ შეირჩა ზურაბ ტყემალაძე, რომელმაც ამ თანამდებობის დაკავებამდე უარი თქვა ვიცე–სპიკერის პოსტის დაკავებაზე; ხოლო გარემოს დაცვისა და ბუნებრივი რესურსების კომიტეტი თავდაპირველად წარდგენილი გია ცაგარეიშვილის, თავისუფალი დემოკრატების წევრის ნაცვლად, ზურაბ ზვიადაურმა, ახმეტის მაჟორიტარმა დეპუტატმა და ოლიმპიურმა ჩემპიონმა ჩაიბარა, რომელიც ივანიშვილის პარტიის წევრია.

თავმჯდომარეების არჩევამდე პარლამენტმა დადგენილებით განსაზღვრა, რომ კომიტეტებში 14–12 დეპუტატი იქნება წარმოდგენილი. 14–წევრიან კომიტეტებში ქართული ოცნებიდან 8, ნაციონალური მოძრაობიდან კი 6 დეპუტატი შევა; ხოლო 12–წევრიან კომიტეტებში უმრავლესობას 7, საპარლამენტო უმცირესობას კი 5 დეპუტატი ეყოლება.
 
კომიტეტები პირველივე სხდომაზე აირჩევენ თავმჯდომარის მოადგილეებს. სამი მოადგილიდან ერთ–ერთი უმცირესობის წარმომადგენელი უნდა იყოს.

უახლესი ამბები
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
66