Civil.ge-ს შესახებ
Eng | ქარ | Рус
ბოლო განახლება: 15:14 - 20 იან.'18
RSS
Mobile
Twitter
Facebook
ივანიშვილმა საპარლამენტო თანამდებობებზე კანდიდატურები დაასახელა
სივილ ჯორჯია, თბილისი / 8 ოქტ.'12 / 13:26

8 ოქტომბერს მინისტრობის კანდიდატების დასახელებასთან ერთად კოალიცია "ქართული ოცნების" ლიდერმა ბიძინა ივანიშვილმა ახალარჩეულ პარლამენტში მომავალი თანამდებობის პირებიც წარადგინა. 

რესპუბლიკური პარტიის ლიდერი დავით უსუფაშვილი პარლამენტის თავმჯდომარე გახდება, რომელიც მოქმედი კონსტიტუციით, ქვეყანაში მნიშვნელობით რიგით მეორე თანამდებობაა პრეზიდენტის შემდეგ. 

პარლამენტის მომავალი თავმჯდომარის პირველ მოადგილედ მანანა კობახიძე, პარტია ქართული ოცნება – დემოკრატიული საქართველოს თავმჯდომარე დასახელდა; კოალიციიდან ვიცესპიკერები იქნებიან ასევე: კონსერვატორების ლიდერი ზვიად ძიძიგური; მრეწველთა ერთ–ერთი ლიდერი ზურაბ ტყემალაძე; და ზურაბ აბაშიძე, „თავისუფალი დემოკრატებიდან“. 

ჯერ–ჯერობით უცნობია აჭარიდან რომელი მაჟორიტარი დეპუტატი შეავსებს კუთვნილ კვოტას სპიკერატში, სადაც არაუმეტეს სამი მოადგილის თანამდებობაა გათვალისწინებული უმრავლესობის გარეთ დარჩენილი პოლიტიკური ჯგუფებისთვის. 

8 ოქტომბერს დავით უსუფაშვილმა Civil.ge-ს განუცხადა, რომ საპარლამენტო უმრავლესობის ლიდერად  დავით საგანელიძის კანდიდატურა განიხილება. მან ასევე განაცხადა, რომ კოალიციაში ჯერ–ჯერობით არ არის ჩამოყალიბებული პოზიცია იმასთან დაკავშირებით, თუ რამდენი ფრაქციით იქნება ის პარლამენტში წარმოდგენილი.

15 საპარლამენტო კომიტეტიდან რვას ივანიშვილის პარტიის, ქართული ოცნება – დემოკრატიული საქართველოს წევრები ჩაუდგებიან სათავეში, ირაკლი ალასანიას "თავისუფალ დემოკრატები" და რესპუბლიკელები 3–3 კომიტეტის ხელმძღვანელობას ჩაიბარებენ, ხოლო ერთი კომიტეტის მმართველობა შესაძლოა ეროვნულ ფორუმს ერგოს:   

  •  იურიდიულ საკითხთა კომიტეტი – ვახტანგ ხმალაძე (რესპუბლიკური პარტია)
  • საგარეო ურთიერთობათა კომიტეტი – თედო ჯაფარიძე (ქართული ოცნება – დემოკრატიული საქართველო)
  • თავდაცვისა და უშიშროების კომიტეტი – ირაკლი სესიაშვილი (ქართული ოცნება – დემოკრატიული საქართველო)
  • საპროცედურო საკითხთა და წესების კომიტეტი – ირინა იმერლიშვილი (რესპუბლიკური პარტია)
  • საფინანსო-საბიუჯეტო კომიტეტი – დავით ონოფრიშვილი (თავისუფალი დემოკრატები)
  • ადამიანის უფლებათა დაცვისა და სამოქალაქო ინტეგრაციის კომიტეტი – ეკა ბესელია (ქართული ოცნება – დემოკრატიული საქართველო)
  • ჯანმრთელობის დაცვისა და სოციალურ საკითხთა კომიტეტი – დიმიტრი ხუნდაძე (ქართული ოცნება – დემოკრატიული საქართველო)
  • განათლების, მეცნიერების და კულტურის კომიტეტი – ივანე კიღურაძე (ქართული ოცნება – დემოკრატიული საქართველო)
  • დარგობრივი ეკონომიკისა და ეკონომიკური პოლიტიკის კომიტეტი – ნოდარ ხადური (ქართული ოცნება – დემოკრატიული საქართველო)
  • აგრარულ საკითხთა კომიტეტი – გიგლა აგულაშვილი (რესპუბლიკური პარტია)
  • ევროპასთან ინტეგრაციის კომიტეტი – ვიქტორ დოლიძე (თავისუფალი დემოკრატები)
  • გარემოს დაცვისა და ბუნებრივი რესურსების კომიტეტი – გია ცაგარეიშვილი (თავისუფალი დემოკრატები)
  • რეგიონული პოლიტიკის, თვითმმართველობის და მაღალმთიანი რეგიონების კომიტეტი – ირაკლი ტრიპოლსკი (ქართული ოცნება – დემოკრატიული საქართველო)
  • დიასპორისა და კავკასიის საკითხთა კომიტეტი – გუბაზ სანიკიძე, თუმცა ეს კანდიდატურა საბოლოოდ გადაწყვეტილი არ არის (ეროვნული ფორუმი)
  • სპორტისა და ახალგაზრდულ საქმეთა კომიტეტი – ლერი ხაბელოვი (ქართული ოცნება – დემოკრატიული საქართველო)

კანონმდებლობის თანახმად, პარლამენტი პირველივე სხდომაზე ირჩევს თავმჯდომარეს და მის მოადგილეებს, ქმნის ფრაქციებს, რომლებმაც შესაძლოა ასევე შეიძინონ უმრავლესობის ან უმცირესობის სტატუსი; ასევე ქმნის კომიტეტებს და ირჩევს მათ თავმჯდომარეებს და განიხილავს საქართველოს მთავრობის შემადგენლობასთან დაკავშირებულ საკითხებს.

უახლესი ამბები
20 იან.'18 15:14
საქართველო Human Rights Watch-ის ყოველწლიურ ანგარიშში
სხვადასხვა საკითხებთან ერთად, ანგარიშში განხილულია „ფართო პოლიტიკური კონსენსუსის მიღწევის გარეშე“ განხორციელებული საკონსტიტუციო რეფორმა.
19 იან.'18 16:23
ირაკლი კობახიძე უკრაინას სტუმრობს
პარლამენტის თავმჯდომარე თავის უკრაინელ კოლეგას, ასევე ქვეყნის პრემიერ-მინისტრს შეხვდა.
18 იან.'18 15:20
მედიაორგანიზაციები პარლამენტს „მაუწყებლობის შესახებ“ კანონზე პრეზიდენტის შენიშვნების გაზიარებისკენ მოუწოდებენ
51 მედიაორგანიზაცია, კანონპროექტის ხელახლა განხილვამდე, პარლამენტის თავმჯდომარესთან და უმრავლესობასთან შეხვედრას ითხოვს. 
18 იან.'18 13:51
პოლიტიკური რეიტინგები NDI–ის დაკვეთით ჩატარებულ კვლევაში
ქართული ოცნება თვითმმართველობის არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.  
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
45