Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
ადგილობრივი დამკვირვებლები: 'წინასაარჩევნო გარემო იყო მკვეთრად უთანასწორო'
სივილ ჯორჯია, თბილისი / 29 სექ.'12 / 22:12

სამი ადგილობრივი სადამკვირვებლო ორგანიზაცია აღნიშნავს, რომ „წინასაარჩევნო გარემო იყო მკვეთრად უთანასწორო“ და მოუწოდებს პარტიებს და სახელმწიფო სტრუქტურებს, რომ 1 ოქტომბერს საპარლამენტო არჩევნების „კენჭისყრის დღე მშვიდ გარემოში და კანონის მოთხოვნათა განუხრელი დაცვით წარიმართოს“.

საქართველოს ახალგაზრდა იურისტთა ასოციაციამ (საია), სამართლიანი არჩევნებისა და დემოკრატიის საერთაშორისო საზოგადოებამ და საერთაშორისო გამჭვირვალობა - საქართველომ, რომლებიც საარჩევნო პროცესის მონიტორინგს ახორციელებენ, ასევე განაცხადეს, რომ მნიშვნელოვანია „ამომრჩევლებს მიეცეთ საკუთარი ნების თავისუფლად დაფიქსირების შესაძლებლობა და აღნიშნული ნება შესაბამისად იქნას ასახული არჩევნების შედეგების შეჯამების პროცესში“.

წინასაარჩევნო გარემოს ერთობლივად შეფასებისას სამმა ორგანიზაციამ ხაზი გაუსვა, რომ ეს პერიოდი „გამორჩეული იყო მაღალი პოლიტიკური კონკურენციით, დაძაბული ატმოსფეროთი და მრავალრიცხოვანი დარღვევებით“.

„სამწუხაროდ ამ პერიოდში საზოგადოება მოკლებული იყო საარჩევნო პროგრამების განხილვაზე ორიენტირებულ კამპანიას და თემატურ პოლიტიკურ დებატებს. აღნიშნულის ნაცვლად, საარჩევნო კამპანია მიმდინარეობდა უხვი კომპრომატებით დაპირისპირების, მრავალრიცხოვანი კანონდარღვევების, სიძულვილის ენის აქტიური გამოყენების, ძალადობრივი და აგრესიული შეჯახებების ფონზე“, – ნათქვამია ერთობლივ განცხადებაში.

მათ წინასაარჩევნო პერიოდში გამოვლენილ ისეთ ძირითად ტენდენციებსა და დარღვევებს გაუსვეს ხაზი, როგორიცაა სახელმწიფო რესურსების ბოროტად გამოყენება, მათ შორის ისეთი კანონების შემოღების გზით, რაც „ხშირ შემთხვევაში მხოლოდ მმართველი პარტიის ინტერესებს ემსახურებოდა“, ასევე კანონის შერჩევითი გამოყენება სახელმწიფო აუდიტის სამსახურის მიერ, რაც „ნაციონალური მოძრაობისადმი” ლოიალობასა და ოპოზოციური პარტიების მიმართ გადამეტებულ სიმკაცრეში გამოიხატებოდა“; სახელმწიფო სახსრების საარჩევნოდ მოტივირებული ხარჯვა და სახელმწიფო ინსტიტუციური რესურსების პოლიტიკური და საარჩევნო მიზნებით გამოყენება.

ერთობლივი განცხადებაში შეშფოთებაა გამოთქმული "პოლიტიკური ნიშნით" ადამიანების დაკავების თაობაზე, რამაც 19 სექტემბრის შემდეგ "უპრეცედენტოდ" იმატა და „დაახლოებით, 40–ზე მეტი აქტივისტი იქნა ადმინისტრაციული წესით დაპატიმრებული“. სადამკვირვებლო ორგანიზაციები "პოლიტიკური ნიშნით" სამსახურიდან გათავისუფლების 57 შემთხვევის შესახებ, ხოლო ძალადობისა და მუქარის 50-მდე მათ მიერ დაფიქსირებული შემთხვევის შესახებ იტყობინებიან.

მედია გარემოს კუთხით, სამი ორგანიზაცია მიესალმება ე.წ. Must Carry-ისა და Must Offer-ის პრინციპების ამოქმედებას სააგიტაციო პერიოდში, თუმცა აღნიშნავს, რომ მისი შეწყვეტის ალბათობამ არჩევნების დღეს „შესაძლოა მნიშვნელოვნად  ნეგატიური გავლენა იქონიოს არჩევნების მიმდინარეობის თაობაზე ამომრჩევლის ინფორმირების კუთხით“. ერთობლივ განცხადებაში ასევე გაკრიტიკებულია ხელისუფლების მიერ სატელიტური თეფშების დაყადაღების ფაქტი და ცესკოს ის გადაწყვეტილება, რომელიც საარჩევნო უბნებზე ფოტოვიდეო გადაღებაზე ახალ წესებს ადგენს და „რაც ცალსახად ნეგატიურად აისახება პროცესის გამჭვირვალობაზე და მნიშვნელოვნად შეზღუდავს არსებული დარღვევების დაფიქსირების შესაძლებლობას“.

სადამკვირვებლო ორგანიზაციები მიესალმებიან ამომრჩეველთა სიების დაზუსტების უზრუნველყოფის კომისიის საქმიანობის იმ ნაწილს, რომლის შედეგადაც 2010 წლის ადგილობრივ არჩევნებთან შედარებით, დაზუსტებულ იქნა მონაცემები საზღვარგარეთ გასული, გარდაცვლილი და რეგისტრაციის მისამართზე არმცხოვრები მოქალაქეების თაობაზე, თუმცა მეორეს მხრივ აცხადებენ, რომ გადაწყვეტილებამ, რეგისტრაციიდან მოხსნილი და რეგისტრაცია გაუქმებული ამომრჩევლების საარჩევნო სიაში დაბრუნების თაობაზე, „კიდევ უფრო გაზარდა ამომრჩეველთა რიცხვი საარჩევნო სიაში და არჩევნების დღეს აღნიშნული ამომრჩევლებით უკანონო მანიპულირების საშუალება დატოვა“.

„შეიძლება ითქვას, რომ წინასაარჩევნო გარემო იყო მკვეთრად უთანასწორო“, – ნათქვამია ერთობლივ განცხადებაში, „იქმნებოდა შთაბეჭდილება, რომ კონკურენცია მიმდინარეობდა არა პოლიტიკურ პარტიებს შორის, არამედ, სახელმწიფოსა და ოპოზიციას შორის, რაც განპირობებულია მმართველ პარტიასა და სახელმწიფოს ადმინისტრაციულ ფუნქციას შორის ზღვარის არ არსებობით. აღნიშნული საერთაშორისოდ აღიარებული სტანდარტების მნიშვნელოვან დარღვევას წარმოადგენს და თითქმის შეუძლებელს ხდის ჯანსაღ პოლიტიკურ კონკურენციას".

უახლესი ამბები
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
107