Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
რუსული სააგენტოს ცნობით, ფსბ უარყოფს საქართველოს საზღვრის კვეთას
სივილ ჯორჯია, თბილისი / 29 აგვ.'12 / 20:31

საქართველოში გავრცელებული ინფორმაცია, რომ შეიარაღებული ჯგუფი საქართველოში შესაძლოა დაღესტნიდან მოხვდა, „პროვოკაციული“ და უსაფუძვლოა, იტყობინება „რია ნოვოსტი“ რუსეთის ფედერალური უშიშროების სამსახურის (ფსბ) საზოგადოებასთან ურთიერთობის ცენტრის უფროსის მოადგილის ვადიმ შიბაევის სიტყვებზე დაყრდნობით.

„სასაზღვრო სამსახურის მიერ რუსეთ–საქართველოს სახელმწიფო საზღვრის დაღესტნის მონაკვეთის გადაკვეთის შემთხვევები არ დაფიქსირებულა“, – განაცხადა შიბაევმა.

„სამწუხაროდ, ქართული მხარე პირველად არ იტყობინება რუსეთ–საქართველოს საზღვარზე ინციდენტების თაობაზე, მაგრამ არც ერთხელ ეს ინფორმაცია არ დადასტურებულა“, – განაცხადა მან წინა სასაზღვრო ინციდენტების დაკონკრეტების გარეშე.

ეს ინფორმაცია წინააღმდეგობაში მოდის ამავე სააგენტოს მიერ მანამდე გავრცელებულ ცნობასთან, რომელშიც „რია ნოვოსტი“ დაღესტნის სამართალდამცავი ორგანოდან წყაროზე დაყრდნობით იტყობინებოდა, რომ შეიარაღებული ჯგუფი საქართველოში დაღესტნიდან გადავიდა. ამ ინფორმაციის თანახმად, იმ შეიარაღებული დაჯგუფების წევრები, რომლებიც ქართულ ძალებს დაუპირისპირდნენ, დაღესტნის ცუნტინსკის რაიონიდან იყვნენ, რომელიც საქართველოს ესაზღვრება. უცნობი წყაროს ცნობით, მებრძოლები ძალოვანებს ემალებოდნენ და საქართველოში გადავიდნენ.

საქართველოს შინაგან საქმეთა სამინისტრომ განაცხადა, რომ „დივერსანტთა“ შეიარაღებულმა ჯგუფმა რამდენიმე ადამიანი აიყვანა მძევლად საქართველო–რუსეთის საზღვრის დაღესტნის მონაკვეთთან ახლოს. შსს–მ განაცხადა, რომ ბოლო სამი დღეა მძევლების გასათავისუფლებლად ოპერაცია მიმდინარეობს. 29 აგვისტოს მომხდარი შეიარაღებული დაპირისპირების შედეგად 3 ქართველი ძალოვანი და 11 „დივერსანტი“ იქნა მოკლული. ყველა მძევალი გათავისუფლებულია, განაცხადა შს მინისტრის მოადგილემ.

იმ მოკლე განცხადებებში, რომლებიც აქამდე შსს–მ გამოაქვეყნა, არაფერია ნათქვამი იმის თაობაზე, თუ ვინ არიან ეს „დივერსანტები“ ან მოხვდნენ თუ არა ისინი საქართველოში რუსეთიდან. „რუსთავი 2“–მა და „იმედმა“, პროსახელისუფლებო ორმა ნაციონალურმა არხმა, განაცხადეს, რომ შეიარაღებული დაჯგუფება სავარაუდოდ დაღესტნიდან გადმოვიდა საქართველოში.

პარლამენტის თავმჯდომარემ დავით ბაქრაძემ არ უპასუხა ჟურნალისტების შეკითხვას, თუ ვინ იყვნენ შეიარაღებული დაჯგუფების წევრები და აღნიშნა, რომ შსს–ს კომპეტენციაში შედის ამ საკითხზე კომენტარის გაკეთება. თუმცა მან განაცხადა: „ეს არის ჯგუფი, რომელიც აღმოჩენილ იქნა საქართველო–რუსეთის საზღვარზე დაღესტნის მონაკვეთთან, ეს არის შეიარაღებული ჯგუფი და ჯგუფის წევრები არ არიან საქართველოს მოქალაქეები“.

ამავე თემაზე
უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
99