Civil.ge-ს შესახებ
Eng | ქარ | Рус
ბოლო განახლება: 15:14 - 20 იან.'18
RSS
Mobile
Twitter
Facebook
დასაქმების სამინისტრო 950 ათასი ლარით დაფინანსდება
სივილ ჯორჯია, თბილისი / 3 ივლ.'12 / 19:02

მთავრობაში დასაქმების საკითხებში სახელმწიფო მინისტრის ახალი თანამდებობის შექმნასთან დაკავშირებით ბიუჯეტში ცვლილებები შედის, რის შედეგადაც ეს უწყება 950 ათას ლარს მიიღებს 2012 წელს დარჩენილ ექვს თვეში.

მინისტრობის კანდიდატმა პაატა ტრაპაიძემ, მთავრობის განახლებულ შემადგენლობაში ახალმა ფიგურამ, რომელიც პოლიტიკაში ბიზნესიდან მოვიდა, განაცხადა, რომ მის აპარატში დაახლოებით 20–25 კაციანი „ეფექტური“ ჯგუფი იმუშავებს დასაქმების პრობლემების მოგვარების მიზნით, მათ შორის უმუშევართა რეესტრის შესაქმნელად.

პრემიერ–მინისტრობის კანდიდატმა ვანო მერაბიშვილმა დღეს პარლამენტში მთავრობის ახალი შემადგენლობის და პროგრამის განხილვის დროს განაცხადა, რომ მთავრობისთვის არ არის ზუსტად ცნობილი, თუ რამდენია ქვეყანაში უმუშევართა რაოდენობა. 

„ჩვენ, მთავრობის წევრებმა, აღმოვაჩინეთ, რომ ჩვენ ძალიან ცოტა ვიცით საქართველოში დასაქმების პრობლემებზე", – განაცხადა მერაბიშვილმა 3 ივლისს, "ჩვენ არ გვაქვს ზუსტი ინფორმაცია, თუ რომელი პროფესიის ადამიანები ყველაზე ნაკლებად პოულობენ სამსახურს. ჩვენ არ გვაქვს ზუსტი ინფორმაცია, თუ რა ტიპის პროფესიებზე არის საქართველოში მოთხოვნა. ჩვენ არ გვაქვს ზუსტი ინფორმაცია, თუ რა ტიპის გადამზადება უნდა მოხდეს. ჩვენ არ გვაქვს ზუსტი ინფორმაცია, თუ როგორ არის გადანაწილებული უმუშევრობა რეგიონების მიხედვით, ქალაქების მიხედვით". 

ბიუჯეტში ცვლილებების თანახმად, რომლის მიხედვითაც ძირითადი საბიუჯეტო პარამეტრები არ იცვლება, ახალი სამინისტროსთვის ფინანსები „ლარის გაცვლითი კურსის შედეგად წარმოქმნილი ეკონომიის ხარჯზე“ გამოიყოფა.

ამავე პროექტის მიხედვით, რომელიც დღეს საფინანსო–საბიუჯეტო კომიტეტმა განიხილა, კიდევ ერთი ტექნიკური ცვლილება შედის ბიუჯეტში, რაც კონტროლის პალატის სახელწოდების შეცვლას უკავშირდება. ამ უწყებას კანონმდებლობაში შეტანილი ცვლილებების ამოქმედების შედეგად სახელმწიფო აუდიტის სამსახური დაერქვა, ხოლო მის ხელმძღვანელს გენერალური აუდიტორი.

საბიუჯეტო ცვლილებებს პარლამენტი, სავარაუდოდ, 4 ივლისის საგანგებო სხდომაზე უყრის კენჭს.

უახლესი ამბები
20 იან.'18 15:14
საქართველო Human Rights Watch-ის ყოველწლიურ ანგარიშში
სხვადასხვა საკითხებთან ერთად, ანგარიშში განხილულია „ფართო პოლიტიკური კონსენსუსის მიღწევის გარეშე“ განხორციელებული საკონსტიტუციო რეფორმა.
19 იან.'18 16:23
ირაკლი კობახიძე უკრაინას სტუმრობს
პარლამენტის თავმჯდომარე თავის უკრაინელ კოლეგას, ასევე ქვეყნის პრემიერ-მინისტრს შეხვდა.
18 იან.'18 15:20
მედიაორგანიზაციები პარლამენტს „მაუწყებლობის შესახებ“ კანონზე პრეზიდენტის შენიშვნების გაზიარებისკენ მოუწოდებენ
51 მედიაორგანიზაცია, კანონპროექტის ხელახლა განხილვამდე, პარლამენტის თავმჯდომარესთან და უმრავლესობასთან შეხვედრას ითხოვს. 
18 იან.'18 13:51
პოლიტიკური რეიტინგები NDI–ის დაკვეთით ჩატარებულ კვლევაში
ქართული ოცნება თვითმმართველობის არჩევნების შემდგომ ჩატარებულ გამოკითხვაში ყველაზე ძლიერი მხარდაჭერით სარგებლობს.  
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
80