Civil.ge-ს შესახებ
Eng | ქარ | Рус
ბოლო განახლება: 14:10 - 17 თებ.'18
RSS
Mobile
Twitter
Facebook
ლაზიკას ‘განსაკუთრებული სტატუსი’
სივილ ჯორჯია, თბილისი / 9 მაი.'12 / 14:44

შავი ზღვის სანაპიროზე, სეპარატისტულ აფხაზეთთან ახლოს დაგეგმილი ახალი ქალაქისთვის, ლაზიკასთვის განსაკუთრებული საკონსტიტუციო სტატუსის მინიჭების მიზნით 8 მაისს საკონსტიტუციო ცვლილების ინიცირება მოხდა.   

პარლამენტმა 8 მაისს კენჭი უყარა დადგენილებას კონსტიტუციური კანონის პროექტის ერთთვიანი საყოველთაო-სახალხო განხილვის საორგანიზაციო კომისიის შექმნის თაობაზე. 

„შევიტანეთ საქართველოს პარლამენტში საკონსტიტუციო ცვლილება, რომლითაც ახალ საპორტო ქალაქს  – ლაზიკას, რომელსაც ვაშენებთ სამეგრელოს ტერიტორიაზე, უნდა მიეცეს განსაკუთრებული სტატუსი“, – განაცხადა სააკაშვილმა ბათუმში 9 მაისს მსოფლიო ტურიზმის ორგანიზაციის სემინარზე.

„განსაკუთრებული სტატუსი, რა თქმა უნდა, ნიშნავს, რომ იქ, რა თქმა უნდა, განხორციელდება საქართველოს სახელმწიფოს იურისდიქცია, მაგრამ მმართველობის განსაკუთრებული ფორმა იქნება სამოქალაქო დავების განხილვის, განსაკუთრებული იურისდიქცია იქნება იმისათვის, რომ ეს ადგილი გახდეს განსაკუთრებით მიმზიდველი ინვესტიციების განსახორციელებლად“, – განაცხადა სააკაშვილმა.

თბილისის შემდეგ „მეორე დიდი ქალაქის“ ანაკლიასა და ყულევს შორის ტერიტორიაზე აშენების გეგმებზე, სადაც მისი თქმით, „ათ წელიწადში იქნება მინიმუმ ნახევარი მილიონი მაცხოვრებელი“, მან პირველად 2011 წლის დეკემბერში ისაუბრა.

„ჩვენთვის სტრატეგიული საკითხია, რომ ლაზიკა, რომელიც მდებარეობს ოკუპირებულ აფხაზეთიდან რამდენიმე კილომეტრში, რომელიც მდებარეობს ყველაზე ღრმა კანიონთან შავი ზღვაზე, ბუნებრივ კანიონთან პორტისთვის, რომელსაც აქვს უზარმაზარი ტერიტორია და ძალიან კარგი კლიმატი, რომელიც არის ახლო რკინიგზასთან... ძალიან ბევრი წყალი არის იქ, ძალიან ბევრი სხვა საშუალებებია, რომ განვითარდეს იქაურობა“, – განაცხადა მან 9 მაისს.

„ლაზიკა, რა თქმა უნდა, არის ეკონომიკური პროექტი“, – განაგრძო მან, „ქალაქის პროექტი არ არის რაღაც ჩემი ფანტაზია. ეს ეფუძნება იმ ფაქტს, რომ ყველაზე მოკლე სავაჭრო გზა ჩრდილოეთ ჩინეთიდან და შუა აზიიდან ევროპაში გადის სწორედ საქართველოს პორტებზე, შემდეგ რუმინეთის და ბულგარეთის პორტებზე. არსებულ პორტებს დაემატება კიდევ დამატებითი ახალი პუნქტი, ახალი ლოგისტიკური ბაზა, საიდანაც ჩვენ გავალთ ევროპისკენ“.

კონსტიტუციაში თბილისს დედაქალაქის სტატუსი აქვს, ხოლო აჭარის რეგიონს და ასევე სეპარატისტულ აფხაზეთს – ავტონომიური რესპუბლიკების სტატუსი. ცალკე კანონი განსაზღვრავს დედაქალაქის სტატუსს და ცალკე „საკონსტიტუციო კანონები“ არეგულირებენ აჭარის და აფხაზეთის ავტონომიური რესპუბლიკების სტატუსებს. სავარაუდოდ, ლაზიკას სტატუსის შესახებაც ახალი კანონი შემუშავდება მას შემდეგ, რაც ახალი ქალაქის განსაკუთრებულ სტატუსი კონსტიტუციით განისაზღვრება.  

დეკემბერში სააკაშვილმა განაცხადა, რომ „დაახლოებით 1 – 1.5 მილიარდი ლარის“ ინვესტიცია დასჭირდება საწყის ეტაპზე ქალაქის აშენებას.

„ჩვენ სადღაც 200 მილიონს ამ ოთხი წლის განმავლობაში დავხარჯავთ და დანარჩენს, მე ვფიქრობ, კერძო ინვესტიციებით მოვიზიდავთ“, – განაცხადა სააკაშვილმა დეკემბერში, „მე ვარ ძალიან ოპტიმისტურად განწყობილი იმიტომ, რომ ეს ქალაქი აკვიატება არ არის. ეს ნიშნავს იმას, რომ იმ პირობებში, როდესაც 45% ჩვენი მოსახლეობის ცხოვრობს სოფლად, ჩვენ გვჭირდება ახალი ურბანული ცენტრები ამ ხალხის დასასაქმებლად და ამ ხალხის გადმოსაყვანად“.

საქართველოს იუსტიციის მინისტრის მოადგილე გიორგი ვაშაძე New York Times–ის სტატიაში, რომელიც აპრილში ლაზიკას თემაზე დაიბეჭდა, ამბობს, რომ ინტერნეტში საიტებს ათვალიერებდა, როდესაც ე.წ. “ქარტიის ქალაქის” იდეას წააწყდა, რომლებსაც განსხვავებული საკანონმდებლო ბაზა და სასამართლო სისტემები აქვთ, რათა ინვესტიციებისთვის განსაკუთრებით მიმზიდველნი გახდნენ.

"ჩვენც ასეთი იდეა გაგვიჩნდა - რატომ არ შეგვიძლია მსგავსი რაღაც საქართველოში გავაკეთოთ?" განაცხადა ვაშაძემ, "მოვიძიეთ და ვნახეთ, რომ შავი ზღვის სანაპიროზე არის თავისუფალი სივრცე [ასეთი ქალიქისთვის]".

უახლესი ამბები
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.
13 თებ.'18 11:54
საქართველოს საგარეო ვაჭრობა 2018 წლის იანვარში
უარყოფითმა სავაჭრო ბალანსმა  371.3 მილიონი აშშ დოლარი შეადგინა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
53