Civil.ge-ს შესახებ
Eng | ქარ | Рус
ბოლო განახლება: 12:52 - 22 თებ.'18
RSS
Mobile
Twitter
Facebook
ბაქრაძე: ივანიშვილთან დაკავშირებული საკონსტიტუციო ცვლილება ‘მისაღებია’
სივილ ჯორჯია, თბილისი / 6 აპრ.'12 / 16:43

კონსტიტუციაში ცვლილების წინადადება, რომელიც საშუალებას მისცემს ოპოზიციონერ ბიძინა ივანიშვილს ოქტომბრის საპარლამენტო არჩევნებში საქართველოს მოქალაქეობის მიღების გარეშე იყაროს კენჭი, „მისაღებია“, განაცხადა პარლამენტის თავმჯდომარემ დავით ბაქრაძემ.

დაგეგმილი საკონსტიტუციო ცვლილება სპეციალურად ივანიშვილზეა მორგებული, რომელსაც უარი უთხრეს ნატურალიზაციის გზით საქართველოს მოქალაქეობის მიღებაზე და რომელიც ამჟამად საფრანგეთის მოქალაქედ რჩება.

ინიციატივის თანახმად, საქართველოში დაბადებულ პიროვნებას, რომელიც ქვეყანაში ბოლო ათი წლის მანძილზე ცხოვრობს და რომელიც ამჟამად ევროკავშირის წევრი სახელმწიფოს მოქალაქეა, საპარლამენტო არჩევნებში მონაწილეობის უფლება ექნება.

„ჩემთვის პირადად, ეს არის აბსოლუტურად მისაღები, ვინაიდან მე მხარს ვუჭერ ნებისმიერ ინიციატივას, რომელიც დაგვეხმარება იმაში, რომ საპარლამენტო არჩევნები იყოს კონკურენტული და საპარლამენტო არჩევნებში მონაწილეობა მიიღოს ყველა იმ პიროვნებამ და პოლიტიკურმა ძალამ, რომელსაც გააჩნია გარკვეული მხარდაჭერა და ამბიცია ძალაუფლებაში მოსვლის“, – განუცხადა დავით ბაქრაძემ ჟურნალისტებს 6 აპრილს.

„ჩვენ არ გვეშინია კონკურენციის და მეტოქეების; პირიქით, ჩვენი ინტერესია საქართველო განვითარდეს როგორც დემოკრატიული ქვეყანა, არჩევნები იყოს კონკურენტული, ქვეყანაში იყოს ღია პოლიტიკური გარემო, სადაც ყველას ექნება პოლიტიკური შეჯიბრის და კონკურენციის საშუალება", – აღნიშნა მან.

„სწორედ ამიტომ, ჩემთვის პირადად ეს ინიციატივა მისაღებია და ვფიქრობ, რომ ეს ინიციატივა ძალიან მნიშვნელოვნად და პრაქტიკულად მთლიანად მოაგვარებს იმ საკითხს, რომელიც დღეს არსებობს ზოგიერთი ჩვენი ოპონენტის მოქალაქეობასთან და პოლიტიკაში მონაწილეობასთან დაკავშირებით“, – განაცხადა მან.

„შემოვიდა ინიციატივა, რომლითაც ყველა ბარიერი იხსნება, ყველა პრობლემა იხსნება და ნებისმიერ კანდიდატს ოპოზიციაში საშუალება ექნება, მიუხედავად მისი მოქალაქეობისა, მონაწილეობა მიიღოს, არჩეული იქნას, დეპუტატი გახდეს, პარლამენტის თავმჯდომარე გახდეს, პრემიერ–მინისტრი გახდეს. მე არ მესმის, რატომ უნდა ჰქონდეთ ამის მიმართ უარყოფითი დამოკიდებულება“, – განაცხადა ბაქრაძემ.     

ინიციატივა ივანიშვილთან დაკავშირებით საკონსტიტუციო ცვლილების მიღების თაობაზე ქრისტიან–დემოკრატიულმა მოძრაობამ წარადგინა პარლამენტში.

ივანიშვილის ოპოზიციური კოალიციის „ქართული ოცნების“ წევრებმა განაცხადეს, რომ „ცინიკურია“ კონსტიტუციის მორგება კონკრეტულ ადამიანზე და რომ ივანიშვილს ყველა სამართლებრივი უფლება გააჩნია, რომ საქართველოს მოქალაქეობა მიენიჭოს და არ არის საჭირო კონსტიტუციის შეცვლა იმისათვის, რომ მან საპარლამენტო არჩევნებში მიიღოს მონაწილეობა.

ამავე თემაზე
უახლესი ამბები
22 თებ.'18 12:52
საქართველო Amnesty International-ის ანგარიშში
ანგარიში საუბარია ადამიანის უფლებების მდგომარეობის კუთხით საქართველოში არსებულ ძირითად პრობლემებზე.
21 თებ.'18 19:12
პარლამენტმა „მაუწყებლობის შესახებ“ კანონზე პრეზიდენტის ვეტო დაძლია
ახალი რეგულაციებით საზოგადოებრივი მაუწყებლის უფლებამოსილებები ფართოვდება, რასაც სხვა მედიაორგანიზაციები, არასამთავრობო სექტორი და საპარლამენტო ოპოზიცია ეწინააღმდეგება.
21 თებ.'18 18:41
ყირიმელი თათრების მეჯლისის თავმჯდომარე საქართველოს სტუმრობდა
ვიზიტის ფარგლებში რეფატ ჩუბაროვი ირაკლი კობახიძეს და სოზარ სუბარს შეხვდა.
21 თებ.'18 18:15
მარგველაშვილი ახალგაზრდობას დამოუკიდებლობის გამოცხადების 100 წლისთავის აღნიშვნაში ჩართვისკენ მოუწოდებს
საქართველო დამოუკიდებლობის გამოცხადების 100 წლის იუბილეს 2018 წლის 26 მაისს აღნიშნავს.  
21 თებ.'18 15:19
ჯანელიძე მოქალაქეებს უვიზო რეჟიმის დარღვევის თაობაზე აფრთხილებს
დღემდე შენგენის ზონაში უვიზო რეჟიმით საქართველოს დაახლოებით 220 000 მოქალაქემ ისარგებლა.
19 თებ.'18 16:20
კვირიკაშვილი მიუნხენში მსოფლიოს ლიდერებს შეხვდა
პრემიერ-მინისტრი 16-18 თებერვალს მიუნხენის უსაფრთხოების კონფერენციას დაესწრო.
19 თებ.'18 15:21
სასამართლომ მუსტაფა ემრე ჩაბუქი გირაოს სანაცვლოდ გაათავისუფლა
დემირელის კოლეჯის მმართველი მისი ექსტრადირების საკითხის საბოლოო გადაწყვეტამდე თავისუფალი იქნება.
19 თებ.'18 13:30
არასამთავრობო და მედიაორგანიზაციები მუხთარლის საქმეზე პარლამენტის საგამოძიებო კომისიის შექმნას მოითხოვენ
ერთობლივ განცხადებას ხელს 35 ორგანიზაცია აწერს.
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
104