Civil.ge-ს შესახებ
Eng | ქარ | Рус
ბოლო განახლება: 16:34 - 16 იან.'17
RSS
Mobile
Twitter
Facebook
ივანიშვილი კვლავ დარწმუნებულია, რომ მოქალაქეობას დაიბრუნებს
სივილ ჯორჯია, თბილისი / 5 აპრ.'12 / 12:30


ბიძინა ივანიშვილი 5 აპრილს, კოალიცია "ქართული ოცნების" ოფისში გამართულ ბრიფინგზე. ფოტო: ინტერპრესნიუში. 

ოპოზიციონერმა ბიძინა ივანიშვილმა „უსუსური და უაზრო“ უწოდა სამოქალაქო რეესტრის იმ დასკვნას, რომლითაც მას ნატურალიზაციის გზით საქართველოს მოქალაქეობის მიღებაზე უარი ეთქვა და გამოთქვა რწმენა, რომ უახლოეს დღეებში საქართველოს მოქალაქე იქნება.

„21 აპრილს მე, როგორც საქართველოს მოქალაქე დავაფუძნებ და მივიღებ დაფუძნებაში მონაწილეობას ახალი პარტიის „ქართული ოცნება–დემოკრატიული საქართველო“, – განაცხადა მან 5 აპრილს გამართულ ბრიფინგზე.

„უფრო მოგვიანებით ჩვენი კოალიცია ბლოკად ჩამოყალიბდება და მისი სახელი იქნება „ივანიშვილი – ქართული ოცნება“. მე ვიქნები ლიდერი ამ ბლოკის და მევე დავრჩები პრემიერ–მინისტრობის კანდიდატი“, – აღნიშნა მან.

როგორც ივანიშვილის ადვოკატმა და მისი მომავალი პარტიის საინიციატივო ჯგუფის წევრმა არჩილ კბილაშვილმა განმარტა, პრეზიდენტ სააკაშვილს დღეს ეწურება ბოლო ვადა, რათა გაიზიაროს ან არ გაიზიაროს სამოქალაქო რეესტრის „მცდარი და კანონშეუსაბამო“ დასკვნა.

„ველოდებით“, – განაცხადა მან და განმარტა, რომ ივანიშვილის განცხადება იმის თაობაზე, რომ ის 21 აპრილისთვის საქართველოს მოქალაქე იქნება, „ეს არის ჩვენი რწმენა“.

მან თავი აარიდა შემდგომ სამართლებრივ ნაბიჯებზე საუბარს იმ შემთხვევაში, თუ პრეზიდენტი სააკაშვილი უარს იტყვის მოქალაქეობის მიცემაზე.

ბრიფინგზე საუბრისას, სადაც ივანიშვილმა ჟურნალისტების კითხვებს არ უპასუხა, მან ასევე განაცხადა, რომ მომდევნო ორ კვირაში კოალიცია გააქტიურდება, რათა „ნელ–ნელა წამოიწიოს  ქართველი ხალხის სულისკვეთება“.

„მე მაქვს პროგრამა კონკრეტულად, ჩვენს გუნდს აქვს პროგრამა, გარწმუნებთ, დაწერილი“, – განაცხადა მან, „ჩვენ ნელ–ნელა დავიწყებთ ერთი–ორი კვირის შემდგომ წამოწევას ქართველი ხალხის სულისკვეთების, ჩვენ ნელ–ნელა ვაიძულებთ დაიხიოს უკან ძალადობამ და სააკაშვილის ძალადობა ვეღარ გამოიყენოს ასე ჩვენმავე პოლიციამ. და მე გპირდებით, რომ შემოდგომისთვის ჩვენ სიტუაციას მოვიტანთ ისეთს, რომ ქართველებს აღარ ექნებათ შიში, ისინი თავისუფლად და ლაღად მოვლენ და გააკეთებენ სწორ არჩევანს. და ჩვენ უარს ვიტყვით მოძალადე სააკაშვილზე“.     

მოქალაქეობის საკითხზე საუბრისას, ივანიშვილმა განაცხადა, რომ ეს არის „სააკაშვილის შიშზე დაფუძნებული პოლიტიკური გადაწყვეტილება“. 

„ვისაც გააჩნდა ეჭვი იმის შესახებ, რომ მოქალაქეობის ჩამორთმევას ჰქონდა რაღაც კანონთან შეხება მაინც, ეს ილუზიაც უნდა დაიკარგოს და გაიფანტოს [სამოქალაქო რეესტრის გადაწყვეტილების შემდეგ]“, – განაცხადა მან.

„სააკაშვილი იმდენად შეშინებულია, იმდენად აგონიაშია, რომ რამდენიმე დღით წინ გახედვასაც ვერ ახერხებს, რამეთუ ძალიან კარგად შეიძლებოდა დანახვა იმის, რაც მოხდება, რომ უახლოეს დროში საქართველოს მოსახლეობის და მსოფლიო თანამეგობრობის აღშფოთება იმდენად დიდია უკვე და ისე გაიზრდება მისი უკანონო ქმედებით... მას მაინც მოუწევს დაიხიოს უკან და მაინც მოუწევს სამართლიანობის აღდგენა“, – განაცხადა მან.

ივანიშვილმა შეაჯამა ის, ქმედებები, რაც ხელისუფლებამ მის წინააღმდეგ ექვსი თვის განმავლობაში, მისი პოლიტიკაში მოსვლის შემდეგ განახორციელა. მისი თქმით, მთელი სახელმწიფო მანქანა, მათ შორის პროკურატურა, პოლიცია, ეროვნული ბანკი, პარლამენტი, სასამართლო, კონტროლის პალატა, რომლებიც სხვადასხვა კუთხით მოქმედებენ მის წინააღმდეგ, არის „ერთ კაცზე აგებული“ და „მონოპოლიზებული“. 

„ჩემს მაგალითზე ამის დანახვა კარგად შეიძლება“, – აღნიშნა მან და დასძინა, რომ "ყოველგვარ გზას ზღუდავენ, რომ მე შევძლო დაფინანსება პროცესების... კანონები მოირგეს ისე, რომ შეუძლებელია პრაქტიკულად დაფინანსების განხორციელება".

ივანიშვილმა ასევე განაცხადა, რომ განსხვავებით იმ პერიოდისგან, როცა ის სააკაშვილთან ახლოს იყო და მისი დადებითი თვისებების წინ წამოწევას ცდილობდა, პოლიტიკაში მოსვლის შემდეგ მან ეს მიდგომა შეცვალა.

„ვცდილობ ამ ექვსი თვის განმავლობაში ისე მოვიქცე, ისე მივმართო მას, რომ მან მაქსიმალურად სწრაფად და კარგად აჩვენოს საკუთარი სახე. და მე მგონი, ამაში ჩემი კარგი დამსახურებაა“, – განაცხადა მან, „ჩვენ მოვახერხეთ და ძალიან კარგად დავინახეთ მისი სახე მოკლე დროში და არავის მე მგონი საქართველოში ილუზია აღარ დარჩა, რომ ვინ არის ეს კაცი, რომ ერთი კაცი მართავს  ქვეყანას და მის ხასიათზეა აგებული ყველაფერი და ერთი კაცის ძალადობას განიცდის მთელი ჩვენი ქვეყანა“.

მისი თქმით, სააკაშვილი, რომელმაც „მშვენივრად იცის რეიტინგებიც და საქართველოს მოსახლეობის განწყობაც“, გრძნობს, რომ „ის არ არის კონკურენტუნარიანი“ და „არავითარი გზა არ არსებობს, რომ არჩევნებში გაიმარჯვოს და მხოლოდ ამიტომ მიმართავს ძალადობას“.
 

ამავე თემაზე
უახლესი ამბები
16 იან.'17 16:34
სეპარატისტული სამხრეთ ოსეთის ლიდერი თავდაცვის სფეროში რუსეთთან დაგეგმილ შეთანხმებაზე საუბრობს
ლეონიდ თიბილოვი აცხადებს, რომ სეპარატისტული რეგიონი შეინარჩუნებს თავის შეიარაღებულ ძალებს.
16 იან.'17 14:14
NDI-ის დაკვეთით ჩატარებული საზოგადოებრივი აზრის კვლევა
ნოემბერში ჩატარებული გამოკითხვის პოლიტიკური რეიტინგების ნაწილი ოთხშაბათს გამოქვეყნდება.
13 იან.'17 17:59
„გაზპრომი“ საქართველოსთან ახალ სატრანზიტო პირობებზე კომენტარს აკეთებს
რუსული კომპანიის ცნობით, მხარეები შეთანხმდნენ, რომ სომხეთში გაზის ტრანსპორტირების ანაზღაურება ფულადი ფორმით განახორციელონ.
13 იან.'17 17:20
ნაციონალური მოძრაობის ფრაქციას სახელწოდება და ხელმძღვანელი შეეცვალა
ფრაქციას „ევროპული საქართველო“ ეწოდა და მას ნაციონალურ მოძრაობაში დარჩენილი ნიკა მელიას ნაცვლად, დეპუტატი სერგო რატიანი უხელმძღვანელებს.
13 იან.'17 15:44
საქართველოს საგარეო საქმეთა მინისტრი ლიტვას სტუმრობს
მიხეილ ჯანელიძე 12–13 იანვარს ვიზიტის ფარგლებში მონაწილეობას იღებს ყოველწლიურ კონფერენციაში „Snow Meeting 2017“.
12 იან.'17 19:41
საქართველოს ოფიციალური პირების თქმით, აფხაზეთი ენერგომომარაგების პრობლემის წინაშეა
ენერგეტიკის მინისტრი კახა კალაძე ენგურის ჰიდროელექტროსადგურთან დაკავშირებით სეპარატისტული აფხაზეთის წარმომადგენლებთან შეხვედრას გეგმავს.
12 იან.'17 18:00
სააკაშვილი ნაციონალური მოძრაობიდან „განდგომილებზე“
„პარტია ერთიანი და ძლიერია, როგორც არასდროს ბოლო 4 წლის განმავლობაში“, - განაცხადა ექსპრეზიდენტმა მისი დაფუძნებული პარტიის გაყოფის შემდეგ.  
12 იან.'17 15:15
ნაციონალური მოძრაობა გაიყო
ლიდერების დიდმა ნაწილმა ოთხთვიანი დაპირისპირების შედეგად ოპოზიციური პარტია დატოვა და ახალი პოლიტიკური ძალის შექმნა გამოაცხადა.
12 იან.'17 15:08
ევროპარლამენტის LIBE–ს კომიტეტმა საქართველოს ვიზალიბერალიზაციას მხარი დაუჭირა
LIBE-ს კომიტეტის წევრებმა ევროპარლამენტსა და საბჭოს შორის ცოტა ხნის წინ მიღწეულ შეთანხმება დაამტკიცეს.
12 იან.'17 14:13
მთავრობას „გაზპრომთან“ დაგეგმილი ახალი ხელშეკრულების გასაჯაროებისკენ მოუწოდებენ
კოალიცია ევრო-ატლანტიკური საქართველოსთვის აცხადებს, რომ შეცვლილი სატრანზიტო პირობები „აუარესებს ქვეყნის ენერგოუსაფრთხოებას“.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
84