Civil.ge-ს შესახებ
Eng | ქარ | Рус
ბოლო განახლება: 17:29 - 24 აპრ.'18
RSS
Mobile
Twitter
Facebook
სააკაშვილი: სამოქალაქო ომზე საუბარი ‘დიდი უზნეობა’ და ‘იდიოტიზმია’
სივილ ჯორჯია, თბილისი / 17 მარ.'12 / 19:06


სოფლის მეურნეობის მინისტრი ზაზა გოროზია (მარცხნივ) და პრეზიდენტი სააკაშვილი 17 მარტს წეროვანში სასათბურე მეურნეობაში სტუმრობისას. საქართველოს პრეზიდენტის ადმინისტრაციის ოფიციალური ფოტო.

სამოქალაქო ომზე საუბარი, ბრალდებები გასამხედროებული ჯგუფების შესახებ და „მუქარა“ სამეგრელოს რეგიონის მოსახლეობის მიმართ სირიის ქალაქ ჰომსის სცენარით, „დიდი უზნეობა“ და „იდიოტიზმია“, განაცხადა პრეზიდენტმა სააკაშვილმა 17 მარტს.

მართალია მას პირდაპირ არავინ დაუსახელებია, მაგრამ სავსებით ნათელია, რომ სააკაშვილი ოპოზიციური კოალიციის „ქართული ოცნების“ წევრის, ჩვენი საქართველო – თავისუფალი დემოკრატების ლიდერის ირაკლი ალასანიას მიერ 15 მარტს გაკეთებულ განცხადებას გამოეხმაურა, რომელმაც დიპლომატიური კორპუსის წარმომადგენლებთან შეხვედრისას აღნიშნა,რომ ხელისუფლება დასავლეთ საქართველოში გასამხედროებულ ჯგუფებს ქმნის და ვარაუდი გამოთქვა, რომ პრეზიდენტი სააკაშვილი „სამოქალაქო ომისა და დაპირისპირებისთვის“ ემზადება.

„მინდა თქვენი ყურადღება მივაპყრო იმაზე, თუ რა ხდება დასავლეთ საქართველოში; რატომ იქმნება გასამხედროებული ჯგუფები? ვინ აიარაღებს მათ?“ – განაცხადა ალასანიამ ინგლისურად საუბრისას. „ეს გვიბიძგებს ვივარაუდოთ, რომ სააკაშვილი არ ამზადებს ნიადაგს თავისუფალი და სამართლიანი არჩევნებისთვის; იგი ამზადებს ნიადაგს, რომ პოლიტიკური ოპოზიცია ოფიციალურად დასაჯოს, რადგანაც ჩვენ „სახელმწიფოს მტრები“ ვართ, რადგანაც ჩვენ „კრემლის მიერ ვკონტროლდებით“, – განაცხადა ალასანიამ და დასძინა, რომ სააკაშვილის ბოლოდროინდელი რიტორიკა „იმაზე მიანიშნებს, რომ ის სამოქალაქო ომისა და დაპირისპირებისთვის ემზადება“.

„ეს გაზვიადება არ არის“, – განაგრძო მან დიპლომატებთან შეხვედრაზე, „სანამ ძალიან გვიან არ არის და სანამ კიდევ ერთი ჰომსი [ქალაქი სირიაში, რომელიც სამოქალაქო ომის ერთ-ერთ კერად იქცა] არ მივიღეთ ზუგდიდში ან სხვა ადგილას, გთხოვთ, თუ შეიძლება დაიწყეთ რეაგირება; ჩვენ ჯერ კიდევ შეგვიძლია იმ დრამატული მოვლენების შეცვლა, რომელთა წინაშეც აღმოვჩნდებით იმ შემთხვევაში, თუ ეს ოქტომბრამდე გაგრძელდება“, –  განაცხადა ალასანიამ.

ალასანიამ იგივე განცხადება გაიმეორა 16 მარტს ჟურნალისტებთან საუბრისას და სააკაშვილი „სამოქალაქო ომის“ მომზადებაში დაადანაშაულა.

ამ ბრალდებების საპასუხოდ პრეზიდენტმა სააკაშვილმა განაცხადა 17 მარტს წეროვანში სასათბურე მეურნეობის დათვალიერების შემდეგ, რომ ოპოზიცია ცდილობს „საარჩევნო კამპანიაში ჩაგვითრიონ“.

„ისინი ფიქრობენ სკამებზე და მე ვფიქრობ ამ სათბურებზე, საწარმოებზე, ახალ კურორტებზე, ახალ ქალაქებზე, ახალ სამუშაო ადგილებზე, ახალ სკოლებზე და უნივერსიტეტებზე იმიტომ, რომ ეს არის ჩემი ამბიცია და არა ის, ვინ რომელ სკამზე გადაჯგუფდება, ჩემი ჩათვლით, შემდგომი წლის განმავლობაში; ისინი არიან ობსესირებული სკამებზე; ეს არავისთვის მოულოდნელი არ არის; ამიტომ, ამაზე მე რეაგირებას არ ვახდენ; რა კამპანიაც უნდათ ატარონ კანონის ფარგლებში, ღმერთმა ხელი მოუმართოთ“, – განაცხადა სააკაშვილმა.

„მაგრამ ახლა ეს ნოტები გააჟღერეს და დაემუქრნენ სამეგრელოს სირიის სცენარით, ჰომსის სცენარით, მინდა გადავთარგმნო, რას ნიშნავს ეს – დაემუქრენ ათასობით ადამიანის მსხვერპლით, ასეულობით და ათასობით შენობის დანგრევით, ქალაქების მიწასთან გასწორებით, მუცელგამოფატრული ქალებით, თავმოჭრილი  ბავშვებით, ერთი სიტყვით კატასტროფით“, – განაცხადა მიხეილ სააკაშვილმა.

„მე მინდა უბრალოდ ყველას გავახსენო, რომ ახლა არის 2012 წელი და არა 1992 წელი. ეტყობა ვიღაცეებმა საერთოდ ჭკუა ვერ ისწავლეს. მხედრიონის თარეშმაც კი ვერ ააღებინა სამეგრელოს საზოგადოებას ხელი საქართველოს სახელმწიფოებრიობის იდეაზე“, – განაცხადა მან.

„იმ ხალხს ნურაფრით ნუ ემუქრებით, ძალიან გთხოვთ“,–აღნიშნა პრეზიდენტმა.

 „ასე რომ, ყველანაირი მუქარა ამ ადამიანების მიმართ უბრალოდ ძალიან დიდი უზნეობაა, პირდაპირ რომ ვთქვათ, ეს არის იდიოტიზმი. თუმცა, ძალიან კარგად ეხმიანება ერთი კონკრეტული ქვეყნის გეგმებს და მე მინდა უბრალოდ ყველას ვუთხრა: რაც გინდათ ილაპარაკეთ, მაგრამ კარგად გამოირეცხეთ პირი, სანამ ახსენებდეთ სამეგრელოს და ზოგადად ქართველ ხალხს და დაანებეთ თავი ასეთ თემებთან თამაშსაც კი, თქვენს ფანტაზიაშიც კი და თუ აზრად გაქვთ, თქვენთვის შეინახეთ, ჩვენ დაგვაცადეთ შენება და ადამიანებს დააცადეთ ცხოვრება“, – განაცხადა პრეზიდენტმა.

უახლესი ამბები
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.
23 აპრ.'18 18:28
სასამართლომ ბაჩო ახალაია გადამდგარი პოლკოვნიკის საქმეში დამნაშავედ სცნო
საქართველოს თავდაცვის ყოფილ მინისტრს საქალაქო სასამართლო 9 წლით თავისუფლების აღკვეთა მიუსაჯა.
23 აპრ.'18 17:59
ფინანსთა მინისტრი ვაშინგტონში საფინანსო ინსტიტუტების წარმომადგენლებს შეხვდა
მამუკა ბახტაძე ამერიკის შეერთებულ შტატებში 19 აპრილს გაემგზავრა, სადაც თვის ბოლომდე დარჩება.
23 აპრ.'18 15:42
წითელი ჯვარი: აფხაზეთის კონფლიქტისას გაუჩინარებული 22 ადამიანის ნეშტი იდენტიფიცირებულია
იდენტიფიკაცია იმ სააკოორდინაციო მექანიზმის ფარგლებში განხორციელდა, რომელიც წითელი ჯვრის მხარდაჭერით 2010 წელს ჩამოყალიბდა.
23 აპრ.'18 15:34
რუსეთის საგარეო უწყება აფხაზეთის და სამხრეთ ოსეთის მიმართ თბილისის პოლიტიკას აკრიტიკებს
მარია ზახაროვას თქმით, საქართველომ უნდა მიიღოს ახალი პოლიტიკური რეალობა და აღიაროს მათი დამოუკიდებლობა.
20 აპრ.'18 19:09
ევროპის საბჭომ საქართველოში კონფლიქტის შესახებ ანგარიში გამოაქვეყნა
ანგარიში აფხაზეთსა და ცხინვალის რეგიონში უსაფრთხოების და ადამიანის უფლებათა დაცვის კუთხით არსებულ ვითარებას აფასებს.
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
34