Civil.ge-ს შესახებ
Eng | ქარ | Рус
ბოლო განახლება: 15:53 - 28 აპრ.'17
RSS
Mobile
Twitter
Facebook
კონტროლის პალატამ „ქართული ოცნების“ კონტრაქტორი ფირმა 2.5 მლნ ლარით დააჯარიმა
სივილ ჯორჯია, თბილისი / 15 მარ.'12 / 20:53

კონტროლის პალატამ ბიძინა ივანიშვილის საზოგადოებრივი მოძრაობა „ქართული ოცნების“ კონტრაქტორი ფირმა „ელიტა ბურჯი“ 2 500 000 ლარით დააჯარიმა ამ კომპანიის მიერ საზოგადოებრივი მოძრაობისთვის ბრენდირებული მაისურების დამზადების საქმესთან დაკავშირებით.

“შესწავლის შედეგად დადგინდა, რომ შპს „ელიტა ბურჯმა“, როგორც იურიდიულმა პირმა, 150 000 აშშ დოლარის (250 000 ლარის) უკანონო შემოწირულობა განახორციელა პოლიტიკური სუბიექტის სასარგებლოდ,“– ნათქვამია კონტროლის პალატის 15 მარტის განცხადებაში.

„ელიტა ბურჯის“ მფლობელი ოფშორული კომპანია Ringold Finance Limited–ია, რომელიც ბრიტანეთის ვირჯინიის კუნძულებზეა დარეგისტრირებული. „ელიტა ბურჯი“ ქართუ ჯგუფთან ასოცირებული სამშენებლო კომპანიაა – ფირმა, რომელიც კონტროლის პალატის ერთ–ერთი პირველი სამიზნე გახდა იანვრიდან უწყებაში პარტიების ფინანსური მონიტორინგის სამსახურის ამოქმედების შემდეგ.

კონტროლის პალატის ინფორმაციით, „ელიტა ბურჯი“ მოძრაობა „ქართული ოცნების“ სასარგებლოდ ასრულებს 500 000 აშშ დოლარის ღირებულების 200 000 ცალი ორგანიზაციის ლოგოიანი მაისურებით უზრუნველყოფას – მომსახურებას, რომელიც „არ არის თავსებადი მის მიმდინარე, ჩვეულებრივ კომერციულ საქმიანობასთან“.

ამ მიზნით, კონტროლის პალატის ცნობით, კომპანიამ თურქული კომპანია “TUREN CAMASIRLARI” -ის ანგარიშზე 150 000 აშშ დოლარის ტრანზაქცია განახორციელა. თუმცა კონტროლის პალატა აცხადებს, რომ სამუშაოს შესრულებაზე „არ არსებობს სამართლებრივი რეგულაციების შესაბამისად დადებული ან ბუღალტრულად დაფიქსირებული სათანადო კონტრაქტი“;  „არ არის უზრუნველყოფილი ავანსის გადახდით და სათანადო ფინანსური გარანტიებით“ და „ქართული ოცნების“ მიერ „მომსახურებისთვის არანაირი ხარჯი არ არის გაწეული“.

კონტროლის პალატა ასევე აცხადებს, რომ გამოკითხა „ელიტა ბურჯის“ ხელმძღვენლობა,  რომლებმაც „ურთიერთსაწინააღმდეგო და რეალურ ფაქტებთან შეუსაბამო ინფორმაცია წარმოადგინეს“.

“მონიტორინგის პროცესში გამოვლენილი ფაქტების და ინფორმაციის ანალიზის შედეგად, შპს „ელიტა ბურჯის“ ქმედება დაკვალიფიცირდა, როგორც მოძრაობა „ქართული ოცნების“ სასარგებლოდ განხორციელებული შემოწირულობა 150 000 აშშ დოლარის ექვივალენტი ლარებში, რაც ეწინააღმდეგება საქართველოს კანონმდებლობით განსაზღვრულ დებულებებს და ექვემდებარება დაჯარიმებას განხორციელებული უკანონო შემოწირულობის ათმაგი ოდენობით“, – ნათქვამია კონტროლის პალატის განცხადებაში.

ეს უკვე მესამე მსხვილი სანქციაა, რომელიც ივანიშვილის  პერსონის ირგვლივ იქნა გამოყენებული და სამივე დაჯარიმების შედეგად ბიუჯეტში გადასახდელმა თანხამ ჯამში 3 922 040 ლარი შეადგინა.

სამი დღის წინ კონტროლის პალატამ ივანიშვილის კუთვნილი „ქართუ ბანკი“ 822 040 ლარით, ხოლო თებერვლის ბოლოს საზოგადოებრივი მოძრაობა „ქართული ოცნება“, მისი შემომწირველი ფიზიკური პირი და კომპანია ჯამში 600 000 ლარით დააჯარიმა

იმავდროულად, 15 მარტს საღამოს კონტროლის პალატამ მორიგი განცხადება გამოაქვეყნა, სადაც განაცხადა, რომ ივანიშვილის საზოგადოებრივი მოძრაობის მონიტორინგის ფარგლებში წარმოდგენილი ფინანსური ანგარიშების დოკუმენტაციების თანახმად, ამ ორგანიზაციისგან მისი „პოლიტიკური გუნდის წევრთა უმრავლესობა არ იღებს სახელფასო ან სხვაგვარ ანაზღაურებას“.

“დამატებითი კვლევების შედეგად დადგინდა, რომ ზემოაღნიშნული პირები პირად დაფინანსებას იღებენ ფიზიკური პირის - ბიძინა ივანიშვილის პირადი ანგარიშიდან“, – აცხადებს კონტროლის პალატა,  „დაფინანსების აღნიშნული სქემა წინააღმდეგობაშია მოქალაქეთა პოლიტიკური გაერთიანებების შესახებ კანონმდებლობით განსაზღვრულ მოთხოვნებთან და წარმოადგენს სამართალდარღვევას“.

კონტროლის პალატამ იმ ადამიანთა სიაც გამოაქვეყნა, რომლებმაც, მისი თქმით, ივანიშვილისგან ჯამში 406 000 ლარი მიიღეს. უწყების თქმით, „ტარდება შესაბამისი ადმინისტრაციული პროცედურები ზემოაღნიშნულ სამართალდარღვევის ფაქტზე“. თუმცა კონტროლის პალატის ინფორმაციაში არ არის დაკონკრეტებული თუ რაში მდგომარეობს სამართალდარღვევა და კანონის რომელი მუხლი დაირღვა.

ამავე თემაზე
უახლესი ამბები
28 აპრ.'17 15:53
Freedom House: საქართველოს რეიტინგი პრესის თავისუფლების ინდექსში გაუარესდა
Freedom House-ის კვლევაში საქართველომ წინა წელთან შედარებით ერთი ქულით ნაკლები მიიღო. 
27 აპრ.'17 18:36
საგარეო საქმეთა მინისტრებმა გერმანულ-ქართული წელი გახსნეს
მიხეილ ჯანელიძე თავის გერმანელ კოლეგას ზიგმარ გაბრიელს ბერლინში ვიზიტის დროს შეხვდა.
27 აპრ.'17 17:44
საქართველო და რუმინეთი სავაჭო და პოლიტიკური ურთიერთობების გაღრმავებაზე შეთანხმდნენ
პრემიერ-მინისტრებმა დიპლომატიური ურთიერთობების 25 წლისთავთან დაკავშირებით დეკლარაცია მიიღეს.
27 აპრ.'17 09:46
ბათუმის მოვლენების ორგანიზების ბრალდებით სასამართლომ ორ პირს პატიმრობა შეუფარდა
11-12 მარტს ბათუმში განვითარებულ მოვლენებთან დაკავშირებით 21 პირია დაკავებული.
26 აპრ.'17 17:34
თბილისი იერუსალიმის პატრიარქის მიერ აფხაზეთზე გაკეთებული განცხადების გამო შეშფოთებულია
საქართველოს ელჩი ისრაელში იერუსალიმის პატრიარქს თეოფილოს III-ს შეხვდა და მისი აფხაზ მომლოცველებთან შეხვედრის საკითხი განიხილა.
26 აპრ.'17 13:54
სეპარატისტული სამხრეთ ოსეთის მთავრობა გადადგა
რეგიონის ახალი ლიდერი ანატოლი ბიბილოვი ახალი მთავრობის ფორმირებას ორ კვირაში გეგმავს.
26 აპრ.'17 13:38
საქართველოს რეიტინგი პრესის თავისუფლების ინდექსში უცვლელი დარჩა
„რეპორტიორები საზღვრებს გარეშე“-ს რეიტინგში საქართველო 27,76 ქულით 180 ქვეყანას შორის 64-ე ადგილზეა
26 აპრ.'17 12:34
საქართველომ ევროპის ენერგეტიკულ გაერთიანებაში შესვლის შესახებ შეთანხმების რატიფიცირება მოახდინა
საქართველოს პარლამენტში შეთანხმების რატიფიცირებას 89 დეპუტატმა ერთხმად დაუჭირა მხარი.
25 აპრ.'17 19:00
საქართველოს თავდაცვის სამინისტრომ 2017-2020 წლების თავდაცვის სტრატეგიული მიმოხილვა გამოაქვეყნა
თავდაცვის სამინისტრო რუსეთს მთავარ საფრთხედ მიიჩნევს და თავდაცვითი შესაძლებლობების გაძლიერებისკენ ისწრაფვის.
25 აპრ.'17 16:59
სოხუმმა ეთნიკური ქართველებისთვის ბინადრობის ნებართვების გაცემა დაიწყო
სეპარატისტული აფხაზეთის ხელისუფლებამ მოქალაქეობის არმქონე პირებისთვის ახალი ხუთწლიანი დოკუმენტები შემოიღო.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
63