Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
სააკაშვილი: ‘კავკასიური ერებისთვის საქართველო არის ფანჯარა ევროპაში’
სივილ ჯორჯია, თბილისი / 29 თებ.'12 / 13:59

პრეზიდენტმა სააკაშვილმა 28 თებერვალს პარლამენტში ყოველწლიური საანგარიში მოხსენებით გამოსვლისას განაცხადა, რომ საქართველო არის „ლოკომოტივი მომავლისკენ“ და „ფანჯარა ევროპაში“ კავკასიური ერებისთვის.

„ქართველი ერის ისტორიული არჩევანია დასავლეთი, მაგრამ ჩვენი რეგიონია კავკასია, ამიტომ არ უნდა დაგვავიწყდეს, რომ საქართველოს გრძელვადიანი უსაფრთხოება არ შეიძლება განიხილებოდეს კავკასიური უსაფრთხოების გარეშე. ამიტომ, ჩვენ გავაგრძელებთ აქტიურ მუშაობას საერთო კავკასიური განვითარებისთვის და ყოველთვის ვიაქტიურებთ კავკასიელ ხალხებთან და ქვეყნებთან მეგობრობაში“, – განაცხადა სააკაშვილმა.

„საქართველო მყარად უჭერს მხარს სახელმწიფოთა საზღვრების ურღვევობის პრინციპს, თუმცა ჩვენ კავკასიას განვიხილავთ, როგორც ერთიან რეგიონს“, – განაცხადა მან.

„საქართველო იმიტომაც აღიზიანებს მტერს, რომ პირველად ასწლეულების განმავლობაში საქართველომ შექმნა კავკასიაში თანამედროვე სახელმწიფოებრიობის მაგალითი, რაც არის დამპყრობლისთვის კოშმარის ტოლფასი, რადგანაც ამას ვერასოდეს წარმოიდგენდა; ამიტომ არის, რომ იხრჩობა ჯავრისგან“, – განაცხადა მან.

„საქართველო არა მხოლოდ ლოკომოტივია კავკასიისთვის მომავლისკენ, არამედ ჩვენ ვართ მათი ფანჯარა ევროპაში იმიტომ, რომ კავკასიაში გაჩნდა არა მხოლოდ თანამედროვე სახელმწიფო, არაკორუმპირებული სახელმწიფო აპარატი, სწრაფად განვითარებადი სახელმწიფო, არამედ ამ სახელმწიფოს ექნება თავისუფალი ვაჭრობა ამერიკასთან და ევროკავშირთან და უვიზო მიმოსვლა ევროკავშირთან“, – განაცხადა მან.

სააკაშვილმა ასევე დასძინა, რომ საქართველო „განვითარების მაგალითი“ იქნება კავკასიისთვის, რომელიც მთელ თავის მიღწევებს დანარჩენ რეგიონს გაუზიარებს.  „ეს ვერ მოუნელებია საქართველოს მტერს“, – ხაზი გაუსვა მან.

შემდეგ მან მოსკოვთან ურთიერთობების გაუმჯობესების თაობაზე თბილისის სურვილზე ისაუბრა და რუსეთის მოქალაქეებისთვის უვიზო რეჟიმის შემოღების ინიციატივით გამოვიდა.

2010 წელს საქართველომ 90–დღიანი უვიზო რეჟიმი შემოიღო ჩრდილოეთ კავკასიის რესპუბლიკების მაცხოვრებლებისთვის.   

უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
64