Civil.ge-ს შესახებ
Eng | ქარ | Рус
ბოლო განახლება: 17:46 - 31 აგვ.'16
RSS
Mobile
Twitter
Facebook
სააკაშვილმა აშშ–ში ვიზიტი „სტრატეგიულ გარღვევად“ შეაფასა
სივილ ჯორჯია, თბილისი / 13 თებ.'12 / 19:44

პრეზიდენტმა სააკაშვილმა განაცხადა, რომ მისი ვიზიტი აშშ–ში, რომლის დროსაც ის პრეზიდენტ ობამას შეხვდა, „სტრატეგიულ გარღვევას“ წარმოადგენს თავდაცვის სფეროსა და თავისუფალი ვაჭრობის ხელშეკრულებაზე დისკუსიის დასაწყებად ორ ქვეყანას შორის თანამშრომლობის კუთხით. 

ამის შესახებ სააკაშვილმა 13 თებერვალს მის რეზიდენციაში შეკრებილ საპარლამენტო უმრავლესობის დეპუტატებს განუცხადა, რომელთაც „ანგარიში“ ჩააბარა, მისი თქმით, აშშ–ში განხორციელებულ „ძალიან ნიშანდობლივ“ ვიზიტთან დაკავშირებით.

„მთავარი რაც იყო ამ ვიზიტთან მიმართებაში იყო ის, რომ რეალურად ჩვენთვის ეს იყო სტრატეგიული გარღვევა ამერიკის მიმართულებით და ზოგადად, საქართველოს საერთაშორისო პოზიციების გაძლიერების კუთხით“, – განაცხადა მან.

“ერთი რომ თავისუფალი ვაჭრობის ხელშეკრულებაზე დაიწყო დისკუსია და უახლოეს კვირებში თბილისში ჩამოვა ჯგუფი და ჩვენ დავიწყებთ, შევქმნით ფორმატს მაღალ დონეზე.  მთავრობებს შორის ამ ხელშეკრულების მომზადების განხილვა – ჩემთვის ეს არის უმნიშვნელოვანესი სიგნალი. უკვე უახლოეს თვეებში და წლებში, ეს არის, რა თქმა უნდა, მრავალწლიანი პროცესი, საქართველოს ეკონომიკაში ახალი ინვესტიციების წამოსვლის მნიშვნელოვანი წყაროს გაჩენის, გათვალისწინებით იმისა, რომ არავის ჩვენთან რეგიონში, არც ევროპაში ასეთი ხელშეკრულება მსოფლიოს ყველაზე დიდ ბაზართან, ყველაზე დიდ ეკონომიკასთან არ გააჩნია“, – აღნიშნა მან.  

“და მეორე ამერიკის შეერთებულმა შტატებმა გამოაცხადეს საქართველოსთვის დახმარება, პირველად ისტორიაში, საქართველოს საკუთარი თავის დაცვის მიმართულებით“, – განაცხადა სააკაშვილმა დეტალების დაკონკრეტების გარეშე და დასძინა, რომ „ესეც, რა თქმა უნდა, არის წლების განმავლობაში გაგრძელებადი პროცესი“. 

“ეს ორი თემა არის საქართველოსთვის მართლაც სტრატეგიული გარღვევა,“– ხაზი გაუსვა მან.

ამავე თემაზე
უახლესი ამბები
31 აგვ.'16 17:46
ამერიკული სამხედრო ტექნიკა Agile Spirit–ში მონაწილეობისთვის საქართველოში ჩაიტანეს
ყოველწლიური მრავალეროვნული სამხედრო სწავლება ახალციხის მახლობლად გაიმართება.
31 აგვ.'16 12:52
კვირიკაშვილი აზერბაიჯანს სტუმრობს
პრემიერ–მინისტრი დღეს ბაქოში აზერბაიჯანელ კოლეგას და პრეზიდენტ ილჰამ ალიევს შეხვდა.
30 აგვ.'16 23:49
საპარლამენტო არჩევნები – 26 პარტია და 6 ბლოკი
30 აგვისტოს საარჩევნო რეგისტრაცია გაუუქმდა ვალერი კვარაცხელიას პარტია “ნეიტრალური საქართველოს“.
30 აგვ.'16 16:55
ეუთოს არჩევნებზე სადამკვირვებლო მისია საქართველოში მუშაობას შეუდგა
ამჟამად მისიის შემადგენლობაში 12 ექსპერტი შედის, მომდევნო კვირიდან კი მათ 26 გრძელვადიანი დამკვირვებელი შეუერთდება.  
30 აგვ.'16 12:51
საქსტატი: მშპ–ს ზრდამ ივლისში 2.1% შეადგინა
წინასწარი მონაცემებით, 2016 წლის პირველ შვიდ თვეში საშუალო რეალურმა ზრდან 2.7% შეადგინა. 
29 აგვ.'16 11:36
თავდაცვის მინისტრმა ავღანეთში ქართველი სამხედროები მოინახულა
ეს იზორიას პირველი უცხოური ვიზიტია მას შემდეგ, რაც 1 აგვისტოს თავდაცვის მინისტრი გახდა.
27 აგვ.'16 15:27
აჭარის უმაღლესი საბჭოს არჩევნები - 14 პარტია და 5 ბლოკი
საარჩევნო კომისიამ აჭარის საკანონმდებლო ორგანოს არჩევნებისთვის 26 პოლიტიკური პარტია დაარეგისტრირა.
26 აგვ.'16 11:01
ენმ-მა სანდრა რულოვსი საარჩევნო სიაში მეორე ნომრად შეიყვანა
ერთიანმა ნაციონალურმა მოძრაობამ დეპუტატობის კანდიდატთა პარტიული სია 25 აგვისტოს შეცვალა.
25 აგვ.'16 17:34
ბელარუსის სახელმწიფო უსაფრთხოების კომიტეტის თავმჯდომარე თბილისს სტუმრობს
ვიზიტის ფარგლებში ორი ქვეყნის უსაფრთხოების სამსახურებს შორის თანამშრომლობის შესახებ შეთანხმებას მოეწერა ხელი.
25 აგვ.'16 15:14
მაჟორიტარი დეპუტატობის კანდიდატების სია
პოლიტიკურ პარტიებს მაჟორიტარი დეპუტატობის კანდიდატების წარდგენის ვადა 8 სექტემბერს ეწურებათ.

სივილ ჯორჯიას შესახებ
Civil.Ge © 2001-2016, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
44