Civil.ge-ს შესახებ
Eng | ქარ | Рус
ბოლო განახლება: 12:20 - 28 ივლ.'15
RSS
Mobile
Twitter
Facebook
პოლიტიკური პარტიების ფინანსები 2011 წელს
სივილ ჯორჯია, თბილისი / 9 თებ.'12 / 14:26


კონტროლის პალატა პარტიების ფინანსების მაკონტროლებელიც გახდა. ფოტო: კონტროლის პალატის ვებ–გვერდი. 

მმართველი პარტიის ფინანსურ დეკლარაციის თანახმად, ერთიანმა ნაციონალურმა მოძრაობამ 2011 წელს შემოწირულობების სახით სულ 1.76 მილიონი ლარი მიიღო.

პოლიტიკური პარტიების ფინანსური დეკლარაციები კონტროლის პალატამ თავის ვებ-გვერდზე 8 თებერვალს, გვიან ღამით გამოაქვეყნა.

მმართველმა პარტიამ თავისი შემოწირულობების 95%, ანუ 1.66 მილიონი ლარი, 19 კომპანიისგან მიიღო.

ამ კომპანიებიდან სულ ცოტა ათი საქმიანობს სამშენებლო, საინჟინრო პროექტირებისა და გზების მშენებლობის სფეროში. ისინი სხვადასხვა დროს სახელმწიფოს კონტრაქტორებს წარმოადგენდნენ და მიღებული აქვთ სახელმწიფო დაფინანსება გაწეული სერვისებისთვის - ზოგს გზების დაგება/რეაბილიტაციისთვის, ზოგსაც გზების რეაბილიტაციის პროექტების გარემოზე ზემოქმედების შეფასებისთვის.

ფინანსური დეკლარაცია 2011 წელს მოიცავს, როდესაც იურიდიული პირების მიერ შემოწირულობები დაშვებული იყო და როდესაც პოლიტიკურ პარტიას უფლება ჰქონდა მაქსიმუმ 100 000 ლარი მიეღო წელიწადში თითოეული კომპანიისგან. პარტიების დაფინანსების ახალი რეგულაციები, რომელიც ძალაში 2011 წლის დეკემბრის ბოლოს შევიდა, იურიდიულ პირების მიერ შემოწირულობებს კრძალავს.

მმართველმა პარტიამ 2011 წელს ხუთი ფიზიკური პირისგან საერთო ჯამში 95 848 ლარი მიიღო. პარტიათა დაფინანსების ახალი რეგულაციების თანახმად, პოლიტიკურ პარტიას შეუძლია  არაუმეტეს 60 000 ლარი მიიღოს თითოეული მოქალაქისგან წელიწადში, აქამდე ფიზიკური პირებისთვის განსაზღვრული 30 000 ლარიანი ლიმიტის ნაცვლად.

კონტროლის პალატისადმი წარდგენილი ფინანსური დეკლარაციის თანახმად, ნაციონალურ მოძრაობას მხოლოდ ექვსი ოფისი აქვს ქვეყნის მასშტაბით.

გასული წლის ბოლოს ნაციონალური მოძრაობა კახეთის გზატკეცილზე ახლად აშენებულ სათაო ოფისში გადავიდა მას შემდეგ, რაც ძველი ოფისი თბილისის ცენტრში 2.7 მილიონ ლარად გაყიდა. ფინანსური დეკლარაციიდან ჩანს, რომ მმართველმა პარტიამ ახალ ოფისზე 3 მილიონ ლარზე ოდნავ მეტი დახარჯა.  

პარტიის ხუთი დანარჩენი ოფისი ბათუმში, ხაშურში, თელავში, საგარეჯოში და რუსთავშია განთავსებული.

გარდა შემოწირულობებისა, 2011 წელს მმართველმა პარტიამ სახელმწიფო ბიუჯეტიდანაც მიიღო დაფინანსება 1.95 მილიონი ლარის ოდენობით.   

ყოველწლიური სახელმწიფო დაფინანსება კვალიფიციური პოლიტიკური პარტიებისთვისაა ხელმისაწვდომი – ანუ იმ პარტიებისთვის, რომელთაც ცალცალკე ან სხვებთან ერთად საარჩევნო ბლოკში მიიღეს ხმათა 4% საპარლამენტო არჩევნებზე და 3% ადგილობრივ არჩევნებზე. აღნიშნული კრიტერიუმის საფუძველზე ამჟამად, სახელმწიფო დაფინანსებას 17 პარტია იღებს, რისთვისაც 5.9 მილიონი ლარია გათვალისწინებული. მმართველი პარტიის დაფინანსება ყველაზე მეტია, რადგანაც ბოლო საპარლამენტო და ადგილობრივ არჩევნებზე მან კონკურენტებზე მეტი ხმა დააგროვა.

პოლიტიკური პარტიების ფინანსური დეკლარაციები აჩვენებს, რომ მათი უმეტესობისთვის, გარდა ნაციონალური მოძრაობისა, შემოსავლების ძირითად წყაროს სახელმწიფო დაფინანსება წარმოადგენდა.

თუმცა, 2011 წლის ბოლოს ვითარება შეიცვალა ოთხი პარტიისთვის – ჩვენი საქართველო-თავისუფალი დემოკრატები, რესპუბლიკური პარტია, ხალხის პარტია და კონსერვატიული პარტია – მას შემდეგ, რაც ისინი მილიარდერი ოპოზიციონერის ბიძინა ივანიშვილის პოლიტიკური პარტნიორები გახდნენ. ამ ოთხმა პარტიამ საერთო ჯამში 4.1 მილიონი ლარი მიიღო კორპორატიული შემოწირულობების სახით ივანიშვილთან ასოცირებული რამდენიმე კომპანიისგან, ასევე ფეხბურთელ კახი კალაძის კომპანიებისგან. წელს იურიდიული პირებისაგან შემოწირულობების მიღება შეუძლებელი იქნება, ვინაიდან ამას პარტიათა დაფინანსების ახალი რეგულაციები კრძალავს.

პოლიტიკური პარტიების ფინანსური დეკლარაციებიდან ჩანს, რომ მათ უმეტესობას საწევრო გადასახადის სახით შემოსავალი არ მიუღიათ. ამ კუთხით გამონაკლისს წარმოადგენს ქრისტიან–დემოკრატიული მოძრაობა, რომელმაც გასულ წელს საწევროებიდან 13 700 ლარი მიიღო.

ქრისტიან–დემოკრატების ფინანსური დეკლარაციის თანახმად, პარტიამ ხორცის პროდუქტების მწარმოებელი კომპანია „შირნჰოფერი“-სგან 25 000 ლარის შემოწირულობა მიიღო.

2011 წელს ქრისტიან–დემოკრატებმა ფიზიკური პირებისგან 17 200 ლარი მიიღეს, ხოლო სახელმწიფო ბიუჯეტიდან პარტიის დაფინანსებამ 767 583 ლარი შეადგინა.

რაც შეეხებათ ახალ მემარჯვენეებს, 2011 წელს მათი დაფინანსება 230 422 ლარს შეადგენდა, საიდანაც 48 288 ლარი ფიზიკური პირების შემოწირულობაზე, ხოლო 182 134 ლარი საბიუჯეტო დაფინანსებაზე მოდის.

ამავე თემაზე
უახლესი ამბები
28 ივლ.'15 12:20
საქართველო აშშ–ის ანგარიშში ადამიანთა ტრეფიკინგის შესახებ
მიუხედავად „მნიშვნელოვანი ძალისხმევისა“, მთავრობა „სრულად არ აკმაყოფილებს მინიმალურ სტანდარტებს“, ნათქვამია ანგარიშში.
27 ივლ.'15 16:07
ევროპარლამენტარები საქართველოში ვიზიტს აჯამებენ
საქართველომ უნდა მიიღოს ევროკავშირთან უვიზო მიმოსვლა „2016 წელს, როგორც კი შესაბამისი კრიტერიუმები დაკმაყოფილდება“, განაცხადეს მათ.
25 ივლ.'15 18:03
პარლამენტმა მთავარი პროკურორის არჩევის ახალი წესი პირველი მოსმენით მიიღო
კანონპროექტი მთავარი პროკურორის შერჩევისა და თანამდებობაზე 6 წლის ვადით დამტკიცების პროცედურებს განსაზღვრავს. 
25 ივლ.'15 17:54
სომხეთის პრემიერ–მინისტრი საქართველოს ეწვევა
პრემიერ–მინისტრი აბრაჰამიანი ყაზბეგის სასაზღვრო–გამშვებ პუნქტსაც მოინახულებს.
25 ივლ.'15 15:35
ევროპარლამენტარები საქართველოს სტუმრობენ
საგარეო საქმეთა კომიტეტის დელეგაცია თბილისში უკრაინაში ვიზიტის შემდეგ ჩამოვიდა.
25 ივლ.'15 13:43
რეგიონებში დენის ტარიფის გაძვირების შემდეგ, მთავრობა სოციალურად დაუცველი ოჯახების 20 მლნ ლარით სუბსიდირებას გეგმავს
„ჩვენ საქმით დავამტკიცეთ, რომ ვართ სოციალურად ორიენტირებული მთავრობა“, განაცხადა ღარიბაშვილმა.
24 ივლ.'15 20:20
საქართველოს პარლამენტი გმობს საოკუპაციო გამყოფ ხაზთან რუსეთის „პროვოკაციულ ქმედებებს“
პარლამენტში ქართული ოცნების რეზოლუცია მიიღეს, ნაციონალური მოძრაობის ვარიანტი კი ჩააგდეს.
24 ივლ.'15 16:44
პრემიერ-მინისტრი პრეზიდენტს ნაციონალურ მოძრაობასთან დაკავშირებული პირის შეწყალების გამო აკრიტიკებს
„იმედი მაქვს, რომ სააკაშვილს, ბაჩო ახალაიას, ვანო მერაბიშვილს და სხვებსაც, „კეთილ ადამიანებს“ შეიწყალებს ძალიან მალე“, - განაცხადა ღარიბაშვილმა. 
23 ივლ.'15 19:53
მარეგულირებელმა კომისიამ „ენერგო-პრო ჯორჯიას“ ყველა კატეგორიის მომხმარებელს ელეტროენერგიის ტარიფი 3.95 თეთრით გაუზარდა
კომისიის ეს გადაწყვეტილება 1 აგვისტოდან შევა ძალაში.
23 ივლ.'15 16:15
უსუფაშვილი საქართველოს ნატოში ინტეგრაციის შესახებ
პარლამენტის თავმჯდომარემ განაცხადა, რომ საქართველოს მეტი სურს ნატოსგან ალიანსში ინტეგრაციის დასაჩქარებლად.

სივილ ჯორჯიას შესახებ
Civil.Ge © 2001-2013, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
46