Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
სააკაშვილი პრემიერ–მინისტრობის პერსპექტივაზე კვლავ არ საუბრობს
სივილ ჯორჯია, თბილისი / 1 თებ.'12 / 14:39

პრეზიდენტი სააკაშვილი პრეზიდენტობის შემდგომ გეგმებზე საუბრისგან კვლავ თავს იკავებს და აცხადებს, რომ „კოჭლი იხვის“ როლში ყოფნა არ სურს.

როდესაც მას სამომავლო გეგმებზე ჰკითხეს, სააკაშვილმა 31 იანვარს ვაშინგტონში ჟურნალისტებს განუცხადა, როგორც ამის თაობაზე რამდენიმე მედია საშუალება, მათ შორის Bloomberg, The Washington Times და  Foreign Policy იტყობინებიან: „ყველაზე ნაკლებად, რისი გაკეთებაც მინდა არის რომ საკუთარ მომავალზე სპეკულაციებით საკუთარი თავი კოჭლ იხვად ვაქციო“.

„ზოგჯერ მეკითხებიან, ‘აპირებთ, რომ პუტინივით მოიქცეთ?’ არსებითად, საქართველოს ვერ ეყოლება პუტინი, ვინაიდან საქართველო რუსეთი არ არის, ეს ერთი, და მეორე, სწორედ ახლა ისეთ რამეს ვაკეთებთ, რაც საშუალებას მოგვცემს, რომ პუტინის მსგავსი არასდროს არაფერი გვქონდეს საქართველოში“, – განაცხადა სააკაშვილმა.

რამდენჯერაც კი მისთვის ადრე უკითხავთ შეეცდება, თუ არა ის ხელისუფლებაში დარჩენას პრემიერ–მინისტრის რანგში, რომლის უფლებამოსილებაც მნიშვნელოვნად გაიზრდება ახალი კონსტიტუციის ამოქმედების შემდეგ, 2013 წლის ბოლოს, როცა მისი მეორე და უკანასკნელი საპრეზიდენტო ვადა იწურება, სააკაშვილი ყოველთვის პასუხობდა, რომ ამაზე კომენტარს არ გააკეთებს, რადგან ეს მას „კოჭლ იხვად“ (ბოლო საპრეზიდენტო ვადაში მყოფი) აქცევს, რაც თავის მხრივ, მას რეფორმების გატარებაში ხელს შეუშლის.

სააკაშვილმა, რომელიც 30 იანვარს თეთრ სახლში პრეზიდენტ ობამას შეხვდა, 31 იანვარს მსოფლიო ბანკში შეკრებილ აუდიტორიას  სიტყვით მიმართა, სადაც შედგა მსოფლიო ბანკის კვლევის პრეზენტაცია სახელწოდებით „კორუფციის დაძლევა საჯარო სამსახურებში – საქართველოს რეფორმების ქრონიკა“ (Fighting Corruption in Public Services - Chronicling Georgia’s Reforms).

კვლევაში ნათქვამია, რომ საქართველოს გამოცდილება ამსხვრევს იმ მითს, თითქოს კორუფცია კულტურის ნაწილია და რომ საქართველო მაგალითს წარმოადგენს ბევრი იმ ქვეყნისთვის, რომელთა ხელმძღვანელობაც საჯარო სამსახურების რეფორმა სურს.

კვლევაში შესწავლილია საქართველოს სხვადასხვა უწყების და სექტორის, მათ შორის საპატრულო პოლიციის, საგადასახადო და საბაჟო სამსახურების, სამოქალაქო და საჯარო რეესტრების, მისაღები გამოცდების და მუნიციპალური სამსახურების რეფორმის მაგალითები.

კვლევის თანახმად, საქართველოს მაგალითმა ის ათი მთავარი ფაქტორი გამოავლინა, რამაც ქვეყნის მიღწევებს შეუწყო ხელი: ძლიერი პოლიტიკური ნების არსებობა; რეფორმების დასაწყისშივე ნდობის მოპოვება; ყველა მიმართულებით რეფორმების ერთდროულად და აქტიურად გატარება; ახალი კადრების მოზიდვა; სახელმწიფო როლის შეზღუდვა; არატრადიციული მეთოდების გამოყენება; მჭიდრო კოორდინაცია; საერთაშორისო გამოცდილების ადგილობრივ პირობებზე მორგება; ახალი ტექნოლოგიების დანერგვა რეფორმების პროცესში და სტრატეგიული კომუნიკაციის გამოყენება.   

„იმ დროს, როდესაც ბევრი ეს ფაქტორი, შესაძლოა, სავსებით გასაგები ჩანდეს, ყოვლისმომცველობამ, სიმამაცემ და რეფორმების თანმიმდევრობამ საქართველოს მაგალითი უნიკალური გახადა“, – განაცხადა მსოფლიო ბანკმა.

ვაშინგტონში პრეზიდენტი სააკაშვილი ასევე შეხვდა სენატის საგარეო ურთიერთობათა კომიტეტის წევრებს, მათ შორის კომიტეტის თავმჯდომარეს ჯონ კერის, ასევე სენატორებს რიჩარდ ლუგარს, ბენ კარდინს, ტომ უდალს და ჯეინ შაჰინს, იტყობინება  საქართველოს პრეზიდენტის ადმინისტრაცია.

უახლესი ამბები
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
108