Civil.ge-ს შესახებ
Eng | ქარ | Рус
ბოლო განახლება: 18:13 - 16 იან.'18
RSS
Mobile
Twitter
Facebook
ივანიშვილი, ალასანია და უსუფაშვილი პოლიტიკური კოალიციის შექმნაზე შეთანხმდნენ
სივილ ჯორჯია, თბილისი / 14 დეკ.'11 / 13:36

ბიძინა ივანიშვილი, ჩვენი საქართველო–თავისუფალი დემოკრატების ლიდერი ირაკლი ალასანია და რესპუბლიკელების თავმჯდომარე დავით უსუფაშვილი სამსუბიექტიანი პოლიტიკური კოალიციის შექმნაზე შეთანხმდნენ, რომელიც შესაძლოა „სხვა პოლიტიკურ ჯგუფებთან“ ერთად საარჩევნო ბლოკად ჩამოყალიბდეს.

ივანიშვილის პრესსამდივნოს ცნობით, კოალიცია მას შემდეგ შეიქმნება, რაც ბიძინა ივანიშვილის პოლიტიკური პარტია ჩამოყალიბდება.

ივანიშვილმა, რომელსაც საქართველოს მოქალაქეობის შეწყვეტის გამო არ აქვს უფლება შექმნას პარტია, 11 დეკემბერს დააფუძნა საზოგადოებრივი მოძრაობა „ქართული ოცნება“, რომელიც სავარაუდოდ, მომავალი პოლიტიკური გაერთიანების პლატფორმის როლს შეასრულებს.

ივანიშვილის პრესსამდივნოს ცნობით, შეთანხმება უკვე შედგა კონსერვატორების ლიდერთან ზვიად ძიძიგურთან და ხალხის პარტიის თავმჯდომარესთან კობა დავითაშვილთან, რომლებიც „მათი პოლიტიკური გუნდის წევრებთან ერთად, პიროვნულად მიიღებენ მონაწილეობას კოალიციისა და საარჩევნო ბლოკის სტრუქტურების საქმიანობასა და მართვაში“.

„შეთანხმება ითვალისწინებს ერთობლივი პოლიტიკური საქმიანობის შესახებ კონსულტაციების გაგრძელებას სხვა პოლიტიკურ და საზოგადო მოღვაწეებთან“, – აცხადებს ივანიშვილის პრესსამდივნო, თუმცა არ აკონკრეტებს პოტენციური პოლიტიკური მოკავშირეების ვინაობას.

პოლიტიკაში წასვლის შესახებ განაცხადის გაკეთების შემდეგ, თავის მეორე წერილობით განცხადებაში, 12 ოქტომბერს ბიძინა ივანიშვილმა განაცხადა, რომ ის „ყველას უწვდის ხელს სათანამშრომლოდ“, თუმცა დაასახელა „ფსევდოოპოზიციური“ პარტიები, რომელთა ლიდერებთან და არა „ცალკეულ კეთილსინდისიერ წევრებთან“, თანამშრომლობა გამორიცხა. ესენია: გიორგი თარგამაძის ქრისტიან-დემოკრატიული მოძრაობა; შალვა ნათელაშვილის ლეიბორისტები; დავით გამყრელიძის ახალი მემარჯვენეები; ეროვნულ–დემოკრატიულ პარტია; ქართულ პარტია; გია თორთლაძის დემოკრატიულ პარტია და პაატა დავითაიას ევროპელი დემოკრატები.

 

ამავე თემაზე
უახლესი ამბები
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.
12 იან.'18 15:12
საია-მ გიგა ოთხოზორიას მკვლელობის საქმეზე სტრასბურგის სასამართლოს მიმართა
საქართველოს ახალგაზრდა იურისტთა ასოციაცია აცხადებს, რომ მოსკოვმა ადამიანის უფლებათა ევროპული კონვენცია დაარღვია.
12 იან.'18 13:04
საგარეო საქმეთა მინისტრი ჩრნადაკი: ბიბილოვის ვიზიტი აზიანებს რესპუბლიკა სრპსკას რეპუტაციას
ამ განცხადებას წინ უძღოდა საპროტესტო ნოტა, რომელიც საქართველომ სარაევოს ბიბილოვის ვიზიტთან დაკავშირებით გაუგზავნა.
11 იან.'18 18:30
ტერორისტული საქმიანობის ხელშეწყობაში კიდევ ერთ ბრალდებულს პატიმრობა შეეფარდა
პანკისის ხეობის მკვიდრი, ზურაბ იდოიძე, სუს-მა 9 იანვარს დააკავა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
85