Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
ბაქრაძე აფხაზური არჩევნების შესახებ
სივილ ჯორჯია, თბილისი / 26 აგვ.'11 / 14:45

პარლამენტის თავმჯდომარემ დავით ბაქრაძემ განაცხადა, რომ აფხაზეთში მიმდინარე „ე.წ. არჩევნები არაფერს არ ნიშნავს იმაზე მეტს, ვიდრე კონკრეტულ კლანებს შორის ძალაუფლების გადანაწილებას“.  

მისი თქმით, აფხაზეთის ლიდერის არჩევნები იმ პირობებში ტარდება, როცა რუსეთი მთლიანად აკონტროლებს რეგიონის „უსაფრთხოების სიტუაციას“, „ყველა ეკონომიკურ აქტივობას“ და „გარკვეულ ჩარჩოებში, პოლიტიკურ ცხოვრებას“. 

“ამიტომ უნდა გვესმოდეს, რომ მიუხედავად იმისა, რომ ჩვენ მზად ვართ პირდაპირი დიალოგისთვის აფხაზებთან, ბუნებრივია, და მზად ვართ დავიწყოთ ეს დიალოგი ნებისმიერ მომენტში, უნდა გვესმოდეს, რომ დღეს გადამწყვეტი მოთამაშე აფხაზეთში არის რუსეთი, რომლის საოკუპაციო ჯარიც იქ დგას“, – განაცხადა მან 26 აგვისტოს.

იმავდროულად, პარასკევს დილით გამართულ პრესკონფერენციაზე პარლამენტის ვიცე–სპიკერმა და პარტიის „ჩვენ თვითონ“ ლიდერმა პაატა დავითაიამ აფხაზური არჩევნები შეაფასა, როგორც „არალეგიტიმური“ და მას „კრიმინალების მიერ ძალაუფლების მითვისება“ უწოდა.

მისი განცხადებით, აფხაზეთის ყოფილი ლიდერი სერგეი ბაღაფში, რომელიც მაისში გარდაიცვალა და ამ ფაქტმა განაპირობა ვადამდელი არჩევნები, კრემლის მფარველობით მოქმედმა რუსულმა კრიმინალურმა დაჯგუფებამ მოკლა მიწებთან დაკავშირებული უთანხმოების გამო.

"რეალურად, ეს მოელის ყველა იმ აფხაზ ლიდერს, ვინც არ გაასხვისებს აფხაზეთის მიწებს რუსეთის ფედერაციაზე", – განაცხადა დავითაიამ, "ამიტომ მოვუწოდებ აფხაზებს, გონს მოეგონ და ყველაფერი გააკეთონ იმისათვის, რათა გადაარჩინონ თავისი ერი. აფხაზი ერის გადარჩენა კი მხოლოდ და მხოლოდ საქართველოს შემადგენლობაშია. ვინც არ უნდა მოვიდეს არჩევნების გზით, მან უნდა იფიქროს დიალოგზე საქართველოსთან.

26 აგვისტოს, რუსეთის მიერ საქართველოს სეპარატისტული რეგიონების აღიარების სამი წლის თავზე, აფხაზეთში რიგით მესამე ლიდერის არჩევნები ტარდება, რომელშიც სამი კანდიდატი: ვიცე–პრეზიდენტი ალექსანდრე ანქვაბი, პრემიერ–მინისტრი სერგეი შამბა და ყოფილი ვიცე–პრეზიდენტი რაულ ხაჯიმბა იყრიან კენჭს.

ამავე თემაზე
უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
56