Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
პროკურატურამ აბდალაძის აღიარებითი ჩვენება გამოაქვეყნა
სივილ ჯორჯია, თბილისი / 18 ივლ.'11 / 20:09

18 ივლისს მთავარმა პროკურატურამ დაპატიმრებული ფოტოგრაფის გიორგი აბდალაძის აღიარებითი ჩვენების ვიდეო–ჩანაწერი გამოაქვეყნა, სადაც იგი აცხადებს, რომ რუსულმა დაზვერვამ 2002 წელს მაშინ გადაიბირა, როდესაც იგი დააპატიმრეს და ცხინვალში ჰყავდათ დაკავებული.

16 წუთიან ჩანაწერში აბდალაძე აცხადებს, რომ 2007 წელს, როდესაც მან პარლამენტის პრესსამსახურში დაიწყო მუშაობა და პარლამენტის თავმჯდომარის უცხოელ სტუმრებთან შეხვედრებზე ფოტოებს იღებდა, ზურაბ ქურციკიძემ, European Pressphoto Agency-ის (EPA) კორესპონდენტმა, მიანიშნა, რომ „ისიც მუშაობდა რუსეთის ერთ–ერთ სააგენტოზე“. 

"მან შემახსენა ცხინვალის ამბავი და მთხოვა, რომ რაღაც ფოტოები ერთ–ერთი ოფიციალური შეხვედრის [იმდროინდელი პარლამენტის თავმჯდომარის ნინო ბურჯანაძის] მიმეწოდებინა მისთვის“, – განაცხადა აბდალაძემ.

აბდალაძის მიერ გადაღებული მაშინდელი პარლამენტის თავმჯდომარის ნინო ბურჯანაძის რამდენიმე პროტოკოლური ფოტოს ნახვა EPA–ს ვებ–გვერდის არქივშია შესაძლებელი. 

აბდალაძე აცხადებს, რომ 2010 წელს, როდესაც საგარეო საქმეთა სამინისტროში დაიწყო მუშაობა, სადაც სამინისტროში გამართულ სხვადასხვა შეხვედრებს იღებდა, მან განაგრძო ქურციკიძესთან თანამშრომლობა.

"ბოლო თხოვნა მისი იყო, რომ საგარეო საქმეთა მინისტრის ვიზიტის არა მარტო ვიზიტი, არამედ სტენოგრამაც გამეკეთებინა, ანუ უნდა გადამეღო საგარეო საქმეთა მინისტრი არა მარტო საგარეო საქმეთა სამინისტროში, არამედ პრეზიდენტის რეზიდენციაშიც“, – განაცხადა აბდალაძემ.

როდესაც მას ერთ–ერთმა ადვოკატმა ჰკითხა, თუ როგორ მოიპოვა იმ შეხვედრის "სტენოგრამა“, აბდალაძემ უპასუხა, რომ იმ საბაბით, რომ მისი კომპიუტერი არ მუშაობდა და ფოტოები ვერ გადაჰქონდა, მან შეძლო საგარეო საქმეთა სამინისტროში სხვა კომპიუტერთან დაჯდომა, საიდანაც მან ეს დოკუმენტი მოიპოვა. მისი თქმით, მან ეს დოკუმენტი ქურციკიძეს გადასცა.

აბდალაძის ადვოკატები აცხადებენ, რომ მათ ეჭვი ეპარებათ მათი კლიენტის აღიარების გულწრფელობაში. აბდალაძის ერთ–ერთმა ადვოკატმა ეკა ბესელიამ განაცხადა, რომ მას მიაჩნია, რომ აღიარებითი ჩვენება აბდალაძეზე "ფსიქოლოგიური ზეწოლის“ შედეგად იქნა მოპოვებული.

ბესელიამ ასევე განაცხადა, რომ აბდალაძის აღიარებით ჩვენებაში "ბევრი უზუსტობა და არასწორი ფაქტია“, რაც მის სანდოობას ეჭვის ქვეშ აყენებს. "მოგვიანებით ალბათ გაირკვევა, რომ ეს ჩვენება არ არის საკმარისი ბრალდების დასადასტურებლად“, განაცხადა ბესელიამ. იმ შემთხვევაში თუ საპროცესო შეთანხმება გაფორმდება, საქმის არსებითი განხილვა სასამართლოზე აღარ შედგება. ადვოკატები საკმაოდ ურთიერთსაპირისპირო განცხადებებს აკეთებენ; ბესელიას თქმით, აბდალაძეს საპროცესო გარიგება პროკურატურამ შესთავაზა, აბდალაძის მეორე ადვოკატი კი აცხადებს, რომ საპროცესო შეთანხმებაზე ჯერ–ჯერობით საუბარი არის.

 

 

ამავე თემაზე
უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
46