Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
ბოკერია დაპატიმრებული ფოტორეპორტიორების საქმეზე
სივილ ჯორჯია, თბილისი / 13 ივლ.'11 / 11:48

ეროვნული უშიშროების საბჭოს მდივანმა გიგა ბოკერიამ "შეთქმულების თეორია“ და "უსაფუძვლო“ უწოდა იმ შეხედულებას, რომ ფოტორეპორტიორების დაკავება შესაძლოა თავისუფალი მედიის წინააღმდეგ მიმართული კამპანია იყო.

"ჩემთვის აბსოლუტურად გაუგებარია ის შეთქმულების თეორიები, რომლებიც სხვადასხვა ფორმით მოვისმინე, რომ ეს არის რაღაც ფორმით პრესის თავისუფლების შეზღუდვა ან მედიის წინააღმდეგ კამპანია შესაძლო დიდი ალბათობით და ა.შ.“, – განაცხადა მან საზოგადოებრივი მაუწყებლის თოქშოუში "დიალოგი დავით პაიჭაძესთან“ 12 ივლისს.

"რაღაც საფუძველი ამ ტიპის შეთქმულების თეორიას უნდა ჰქონდეს, არ შეიძლება ასე სროლა სიტყვების, როცა არანაირი საფუძველი არ არსებობს ამ შემთხვევაში. და კარგი იქნებოდა, თუ ის ადამიანები, რომლებიც გულწრფელად არიან შეწუხებულები ან პერსონალურად, მეტი პასუხისმგებლობით მოეკიდებიან ამ ტიპის განგაშის ზარების შემოკვრას ასეთ შემთხვევაში“, – განაცხადა ბოკერიამ.

მისი განცხადებით, იმის თქმა, რომ ფოტოგრაფები იმიტომ დააპატიმრეს, რომ მათ 26 მაისის საპროტესტო აქციის დარბევის სურათები გადაიღეს და გაავრცელეს "ღრმა შეთქმულების თეორიაა“.

ბოკერიას თქმით, ამ საქმისადმი მაღალი საზოგადოებრივი ინტერესი მისთვის "თავისთავად გასაგებია“.

"თუმცა ეს არ გულისხმობს, რომ არსებობს გარანტირებული უფლება კონსტიტუციური თუ სხვაგვარი, რომ ამ ტიპის საქმეებზე სასამართლო პროცესი იყოს მთლიანად გახსნილი. იმიტომ, რომ სწორედ იმიტომ არსებობს ის დათქმები გაკეთებული კანონმდებლობაში, რომ ამ ტიპის საქმეები შეიძლება საჭიროებდეს და აუცილებელიც იყოს, რომ ყველა ინფორმაცია არ გახდეს გამჭირვალე. მე პროგნოზებისგან თავს შევიკავებ. ეს არ არის ჩემი პერსონალური გადაწყვეტილება. ეს არის გამოძიების, ბრალდების, შემდეგ უკვე სასამართლოს გადაწყვეტილება“, – განაცხადა მან.

მედია აქტივისტების და ჟურნალისტების ჯგუფი აქტიურ კამპანიას მართავს, მათ შორის საპროტესტო აქციების და თბილისში აკრედიტებულ დასავლელ დიპლომატებთან შეხვედრების გზით. ისინი ფოტორეპორტიორების საქმეზე "საიდუმლო“ გრიფის მოხსნას ითხოვენ.  

სამშაბათს ცნობილი გახდა, რომ შინაგან საქმეთა მინისტრი ვანო მერაბიშვილი ჟურნალისტების და მედია აქტივისტების ჯგუფს 13 ივლისს შეხვდება – საქმეზე "საიდუმლო“ გრიფის მოხსნასთან ერთად ჟურნალისტები მერაბიშვილთან შეხვედრასაც ითხოვდნენ. 

ეროვნული უშიშროების საბჭოს მდივანმა გიგა ბოკერიამ ასევე განაცხადა 12 ივლისს, რომ ფოტორეპორტიორების საქმე ეხება "ძალიან სერიოზულ ბრალდებებს“ და არა მათ ჟურნალისტურ საქმიანობას.    

 

ამავე თემაზე
უახლესი ამბები
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
79